Конференция әсерлі өтті

Жұма, 01 Наурыз 2019 00:00 Жарияланды Әлеумет Оқылды 249 рет

 

«Болашақ» мектеп-гимназиясында тарих пәнінің мұғалімі Бейбіт Тоқмырза және мектеп кітапханашылары Назира Калекова мен Нұргүл Омарованың ұйымдастыруымен 10 «а» сынып оқушылары қатысып, «Терең тарихтан жарқын болашаққа» атты тақырыбында ғылыми конференция өтті. Конференцияда 7 оқушы өздері іздене отырып, Елбасымыз Н.Ә.Назарбаевтың «Ұлы даланың жеті қыры» туралы зерттеп, жан-жақты аша білді.

Алғаш мақаладағы «Атқа міну мәдениетіне» Арухан Тоқтақұлова өз пікірін білдірді. Арайлым Тұрғынбай «Ұлы даладағы ежелгі металлургия» жайына тоқталды. «Алтын адам» сырын Бақтыгүл Қалжан ашса, аң стилі туралы Жазира Пайыз баян етті. «Түркі әлемінің бесігі» жөнінде Әсемай Нұрман, «Ұлы Жібек жолы» жайлы Аружан Стықұл, қызғалдақ пен алманың Отаны біздің Қазақстан екені жөнінде Ақерке Отарбек өз пікірлерін ортаға салды. Оқушылардың белсенділігі конференцияның әсерлі де қызықты өтуіне септігін тигізді. Мектеп-гимназия директоры Ж.Нұрқұл конференцияны қорытындылап, жоғары баға берді.

Жадыра САЙЫМҚҰЛОВА,

«Болашақ» мектеп-гимназиясының тәлімгері.