ЖУРНАЛИСТЕР МЕН БЛОГЕРЛЕР ҰЛТАРАЛЫҚ ТАҚЫРЫПТАРДЫ ТАЛҚЫЛАДЫ

Жұма, 19 Қараша 2021 00:00 Жарияланды Әлеумет Оқылды 64 рет

255176250 3037323393205135 1197125995001603167 n

Түркістанда «Алатау» медиа орталығы­ның мәжіліс залында бұқаралық ақпарат құралдары өкілдерінің қатысуымен «Этно саралық қатынастар саласындағы медиа сауаттылықты арттыру тақырыбында тақырыбында семинар-тренинг өтті.
Семинар-тренингке Түркістан облыс­тық Қазақстан халықтары Ассамблеясы жанындағы журналистер мен блогерлер клубының жетекшісі Ерсұлтан Әмірбек модераторлық етті. Түркістан облыстық қоғамдық даму басқармасы басшысы­ның орынбасары-хатшылық меңгерушісі Д.Сариев сөз сөйлеп, Елбасы Н.Назарбаев ұлтаралық қатынастарды нығайтуда, ел бірлігі тұрғысында жүргізген саясатының маңыздылығына кеңінен тоқталып өтті.
Мұнан кейін «Turkistan Media Holdinq» ЖШС басқарушы директоры, республикалық «Айқын» газетінің тілшісі, Қазақстан Журналистер Одағының мүшесі Тельман Бейсен «Этносаралық қатынастардағы БАҚ-тың және әлеуметтік желінің рөлі», «Қызмет» газетінің бас редакторы, «Серпіліс» қоғамдық қорының төрайымы Бейсенкүл Нарымбетова «Этно­ саралық қатынастар туралы ақпарат берудің ерекшелігі мен жауапкершілігі» тақырыбында лекциялық баяндама жасады. «Егемен Қазақстан» газетінің тілшісі Әтіркүл Тәшімова, «Еркін ой» газетінің бас редакторы Балтабек Түйетаев, «Қазығұрт тынысы» газеті бас редакторының орынбасары Дидар Бегалиев, Сауран аудандық газетінің бас редакторы Оразбек Әміреев, «Ордабасы оттары» газетінің бас редакторы Ғалымжан Зиябек, қоғамдық белсенді блогер Ләззат Асанова, Қазақстан Жазушылар Одағының Түркістан облысы бойынша филиалының төрағасы Айдар Сейдазым жарыссөзге шығып, баяндамашылардың сөзіне орай пікірлерін ортаға салды.
Жалпы семинарда ұлтаралық татулықты сақтау мәселесінде келелі әңгімелер қозғалды. Тұрмыстық деңгейдегі түсініспеушілік пен ұрыс-керісті, кейде болмашы нәрсені желеу етіп, саясиландырмау туралы әңгіме айтты. Айдар Сейдазым оқиға орын алса, ол жерде ең алдымен блогер, әлеуметтік желі қолданушылары емес, кәсіби журналистер жүру қажет деді.

Дидар БЕГАЛИЕВ.