ТӘУЕЛСІЗДІК БЕСІГІНДЕ ТЕРБЕЛГЕЛІ 30 ЖЫЛ!

Сейсенбі, 30 Қараша 2021 00:00 Жарияланды Әлеумет Оқылды 108 рет

60cc296ec7442Тәуелсіздік, тәуелсіз ел, тәуелсіз халық қандай керемет сөздер. Тәуелсіз ел болу бізге оңайлықпен келген жоқ, тәуелсіз мемлекет болуы үшін ата-бабаларымыз ғасырлар бойы қан төкті, зардап шекті. Тәуелсіздік күні – бұл жай ғана мереке емес, ол Қазақстанда тұратын барлық халықтардың еңбекқорлығы мен достығының айғағы. Тәуелсіздік – ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 30 жыл ішінде тәуелсіз Қазақ елін қалыптастырып, нарықтың қиын өткелектерінен аман өткізіп келеміз. Бұл жетістіктер Қазақстанды әлемге мойындатқан, ең мықты мемлекеттер танитындай, сыйлайтындай деңгейге жеткізген Тұңғыш Президентіміз, Елбасымыз Нұрсұлтан Әбішұлы Назарбаевтың көреген саясаты мен ерен еңбегінің нәтижесі. Айшықты отыз жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болды. Бұл – атадан келе жатқан ұлы жеңістің жемісі.
1991-жылы 16-желтоқсанда егемендігін алған еліміздің өз Президенті, ұлты мен ұлысы, салты мен дәстүрі, мәдениеті мен экономикасы, желтоқсанның суық желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық. Осы орайда ел Президенті Қасым-Жомарт Кемелұлы Тоқаевтың «Тәуелсіздік бәрінен қымбат» атты мақаласында «Қазақ үшін тоқымдай жердің өзі қымбат, бір уыс топырақтың өзі алтын», – деген сөздері дәл келетіндей.
Тәуелсіздігіміздің 30 жылымен тұспа-тұс келіп отырған мектебіміздің іргетасы қаланғанынада 30 жыл толып отыр. Қос мереке қатар келген тұста мектебімізде түрлі іс-шаралар өтуде. «Тәуелсіздік теңдесі жоқ байлығым!» тарих құқық пәндері апталығы, 5-6 сыныптар арасында «Тарихыңды білесің бе?» тақырыбында сайыс «Мамандық таңдау өміріңіздің бір кірпішін дұрыс қалау» тақырыбында 9-11 сыныптар арасында «дөңгелек үстел» өтті. 15-қараша мен 15-желтоқан аралығында «30 жылдыққа – 30 іс-шара» тақырыбында айлық жоспармен жұмыстар жүргізіліп жатыр.
Ата-бабаларымыз сан ғасырлар бойы аңсап кеткен тәуелсіз елдің туын биік ұстау, одан әрі жандандыру болашақ ұрпағымызға тарих пен тағлымымызды қаз қалпында жеткізу, біздің, жастардың қолында! Мағжан Жұмабаев атамыз «Мен жастарға сенемін!» – деп бекер айтпағандай.
Тәңірдің берген үлкен сыйы болған тәуелсіздігіміз баянды, мәртебеміз биік болып, көк туымыз көгімізде мәңгі желбіресін!


С.КӨЗБАЕВА,
Д.Қонаев атындағы жалпы орта білім беретін мектебі директорының

бейіндік істер жөніндегі орынбасары.