ҰЛЫЛЫҚ

Сейсенбі, 30 Қараша 2021 00:00 Жарияланды Әлеумет Оқылды 130 рет

2021.04.20 01

«Ұлы даланың тұлғалары» атты кітапты оқығаннан кейін туындаған ой толғау


Ұлы дала даналықта негізің,
Жеті қырың қосарланған егізің.
Абай сөзі қазақтың бойтұмары,
Ұлықтаймын, Елбасының лебізін!
Ұлылық қадірің мен қасиетің,
Ұрпақты өрлетуде өсиетің.
Мәңгілік ел ақыны Абайысың,
Адамзат рухыңа бас иетін.
Ұлылық. Толық адам ілімің де,
«Болашақ» бағдарында білінуде,
Есімің қазақ елі құрметімен
Мерекелер тізбесіне ілінуде.
Ұлылық Алатаудай аңғарылған,
Әндерің әуелейді заңғарынан.
Қауырсынмен тізілген жазбаларың,
Әлемнің он тіліне аударылған.
Ұлы сөз, бейімділік бірлесуге,
Адамзат шығармаңмен тілдесуде.
Абайлық көше, мүсін, ескерткіштер,
Өзімде, өзге елдің іргесінде.
Ұлылық ақын жыры толғауында,
Президент үн қосты Жолдауына.
Мерейлі 175 жыл той тойланды,
Елбасы, ЮНЕСКО қолдауында.
Ұлылық тұғыр, тұлға, келбетіңде,
Ұрпағың өсиетіңді өрлетуде.
Қара сөз дүниені дүрілдетіп,
Тәуелсіздік бесігін тербетуде.

Өміржан ШАЛҒЫНБАЕВ,
Қазақстан Журналистер одағының мүшесі.