Ауғанстан – жүректегі жара

Жұма, 22 Ақпан 2019 00:00

 

01478547

Игі істер

 

     Жуырда ғана жерлесіміз, «Қайып ата» ЖШС басшысы, «Қазақстандағы 100 жаңа есім» жобасына енген жеке кәсіпкер Сырым Ертаев өз қаржысы есебінен көпбалалы 2 отбасыға баспана салып     берді.
       Бұған дейін ата кәсіпті дамытып, Атымтай жомарттығымен, өзінің дархан пейілімен көптің алғысына, үлкендердің батасына ие болып жүрген Сырым қайырымды істері жайлы жария болғанын жөн көрмейтін азаматтардың бірі. «Ауылына қарап азаматын таны» демекші азаматтық танытып, жеке қаржысына үй салып берген кәсіпкерге алтынтөбелік Гүлчехра Шілдебекова мен Гүлзада Оразбаева отбасы атынан алғыс білдіруде.

Жастар жанашырлық танытуда

     Сырым сынды ағаларының қайырымдылық жолындағы игі бастамасын "Жалында жастар" қоғамдық бірлестігінің жастары да қолдап, еріктілер тобын құрып Қазығұрт, Тұрбат елдімекендерінде демеушілік танытып, жалғастыруда. Аудандағы кәсіпкерлермен бірлесе отырып қайрымдылық акцияларын өткізіп, ауылда жағдайы төмен 100 отбасыға көмек көрсетіп, мектепке қажетті заттар алып берді. Өткен жылы 800 жуық мектеп оқушыларын ағылшын, орыс, математика пәндерінен оқытса, оқушыларымыз олимпиада да жүлделі орындар алып, жоғарғы балға ие болып жүр.

   – Қазіргі таңда біздің орталықта 6 адам тұрақты түрде жұмыспен қамтылып, барлық әлеуметік салықтар төленіп отыр. «Самрұқ-Қазына» ұлттық әл-ауқат қорымен бірлесе ардегерлеріне әр екі апта сайын барып жағдайларынан хабар алып, керекті азық-түлік, дәрі-дәрмектерін жеткізіп берудеміз, – дейді қоғамдық бірлестіктің құрылтайшысы С.Исманов.

БЕРЕРІ КӨП, БЕРЕКЕСІ МОЛ ШАРА

«Ерік-жігері мықты адам ғана қайы­рымды бола алады», – дейді халық тәм­сілі. Қашанда қайырымды істің басында жүретін облыстық мәслихаттың депутаты Н.Аширов пен аудандық мәслихаттың депутаттары, Қазығұрт ауыл округінің әкімдігі, нұротандықтар жылдағы жақсы үрдісімен биыл да демеушілік танытып, 30 ға жуық аз қамтамасыз етілген отбасыға азық-түлік себеттерін табыс етті.

       Елбасының «100 нақты қадам» – Ұлт жоспарында «Әлеуметтік көмек тек оған шы­нымен зәру азаматтарға ғана берілетін болады», – деп көрсеткендей,  бере­рі  көп, берекесі мол акциялар алдағы уақытта да жалғасын табарына сеніміміз мол.

Ғазиза ҚОЙЛЫБАЕВА.

Үш адамға кәсіп ашып берді

Жұма, 08 Ақпан 2019 00:00

«Әрекет» жобасы  

                               SAM 5582

        

         «Аналар – асыл жандар!» коғамдық бірлестігі     үнемі   игі бастамалардың басында жүреді. «Самұрық қазына» қорының «Әрекет» жобасы аясында олар   әлеуметтік кәсіпкерлігін бастады. Онда есту қабілеті өте төмен үшінші топ мүгедектеріне жұмыс беру арқылы үш адамды жұмыспен қамтыды. Шағын тігін цехын ашу арқылы мүмкіндігі шектеулі үш азаматқа тігін тігуді үйретіп, төсек қаптарын тігуді қолға алды. Тігіншілер Шынарай Болғанбекова мен Алтынай Шалабаеваның өз ісінің маманы бола бастағаны қуантады.

       Жұмыс барысында бұлардың мүмкіндігі шектеулі еместігі анық

байқалады. Олар   өз істеріне мамандана бастады. Сапалы өнім шығаруда. Дайын өнімдерді дүкендер мен аудан тұрғындарына сатуды ұйымдастырудамыз. Шағын тігін цехын өз үйімнен аштым. Біз балабақшалар мен мектеп интернаттардан, ауруханалардан тапсырыстарды қабылдап, олардың сұраныстарын қанағаттандыра аламыз. Оған мүмкіндігіміз бар. Жоба қаржысына өндірістік тігін машинасы мен маталар алдық. Біз де халыққа ақылы қызмет көрсете аламыз, – дейді коғамдық бірлестіктің төрайымы Жиенкүл Сарсен.

                                         Қ. ЖОЛДАСОВ,

Қазығұрт ауылы.

 

                                          

Аудан әкімі Т.Телғараев пен Жаңабазар ауыл округінің әкімі А.Ақжолов, Алтынтөбе ауыл округінің әкімі Д.Әлібаев және Қазығұрт ауыл округі әкімі Қ.Садықов халық алдында есеп берді.

Жаңабазар ауыл округіндегі есеп беру жиналысы Елшібек батыр атындағы мектептің акт залында болды. Есепті баяндаманы ауыл әкімі А.Ақжолов пен аудан әкімі Т.Телғараев жасап, өткен 2018-жылы қол жеткен жетістіктермен орын алған олқылықтар жөнінде кеңінен атап өтті.

Әкімдердің есебіне қарағанда, салық түсімдері артқан, шағын және орта бизнеспен айналысушылардың қатары өскен, егін, мал шаруашылығы өнімдерін өндіру, мал басын көбейту жөніндегі тапсырмалар артығымен орындалған.

Білім, мәдениет және спорт саласында да ауыз толтырып айтарлық жетістіктер бар. Әлеуметтік нысандар салу ісі қарқынды жүргізілуде екен.

Жарыссөзге шыққан Жаңабазар ауылдық ардагерлер ұйымының төрағасы Т.Құралбаев өз сөзінде 2018-жыл ауыл, аудан, жалпы еліміз үшін нағыз берекелі жыл болғандығын, әсіресе, ауыл, ауданда әлеуметтік нысандардың көптеп салынғандығын айта келіп, аудан әкімі Т.Телғараевтың жас та болса, бас болып, жоғары ұйымдастырушылық қасиетін жоғары бағалап, алдағы істеріне сәттілік тіледі.

Мінбеден сөз алған ауыл тұрғыны Ә.Мүталиев әкімдердің есебіне оң баға беріп, ауыл тұрғындарының Шарапхана – Жаңабазар автожолының күрделі жөндеуден өтуіне, оған қосымша 3 шақырым қосуды, ауыл арасынан аяқ жол салу, ауыз су мәселесін тыңғылықты шешіп беру жөніндегі ұсыныстарын жеткізді.

Ауыл, аудан әкімдерінің есеп беру жиналысы Алтынтөбе ауылындағы Ө.Жамалов атындағы жалпы орта мектебінің акт залында жалғасты. Мұнда да ауыл округі әкімі Д.Әлібаев пен аудан әкімі Т.Телғараев есепті баяндама жасады.

Есепті мерзім ішінде Алтынтөбе ауыл округінде бірқатар игі жұмыстар атқарылған. Күздік егу, мал бордақылау, жылыжайлар салу, оның көлемін ұлғайту, қарқынды бау өсіруге көңіл бөлу сынды жұмыстар өз нәтижесін беріп, ауыл халқының әл-ауқатының өсуіне ықпал еткен.

Дегенмен, жиналыс барысында бірқатар мәселелерге ауыл, аудан әкімдерінің назарын аудартатын ұсыныстар болды. Бұл жөнінде Б.Мырзахметова ауылға келіп тұрған табиғи газды қосып беруді, ауыз су тұрақты берілсе, ауыл аралығын қосатын көпірлер жөнделсе деген өтінішін жеткізді.

Ауыл тұрғыны О.Жамантаевтың көтерген мәселесі Қаржан елдімекеніндегі жолдың тарлығы мен көше бойларындағы жарықтың жоқтығы, мектептің алшақтығын айта отырып, оқушылар тасымалына көңіл бөлінсе деген елдің ұсынысымен бөлісті.

Қазығұрт ауыл округі әкімінің есеп беру жиналысы Қ.Сәтбаев атындағы мектепте өтті.

Жиналыстың күн тәртібіне сәйкес ауыл округі әкімі Қ.Садықов пен аудан әкімі Т.Телғараев есепті баяндамалар жасады.

Әкімдердің есепті баяндамаларында 2018-жылы атқарылған ауқымды жұмыстар мен қол жеткен жетістіктер толық қамтылған. Шын мәнінде, аудан орталығы жылдан-жылға абаттанып, сәулетіне дәулеті сай көрікті орталыққа айналып келеді. Әрине, бұл іс бұнымен тоқталып қалмайды, алдағы кезде орталық көшелері жарықтанады, аяқ жолдар салынады, гүлзарлар мен саябақтар көбейіп, көгалдандыру, көріктендіру ісі жалғасын табады.

Баяндаманы талқылауға қатысқан ауыл тұрғыны О.Райымбеков «Болашақ» мөлтек ауданына жол салып, көше жарықтарын орнатып, ауыз су, табиғи газ мәселесін оңды шешіп, ауыл тұрғындарына жайлы жағдай жасағандығы үшін ауыл, аудан әкімдеріне өз алғысын жеткізді.

Сонымен бірге «Ащыбұлақ» орта мектебіне «Болашақ» мөлтек ауданынан баратын оқушылар үшін Термез-Алматы автожолынан аспалы көпір салып беруді өтінді.

Зейнеткер, білім саласының үздігі Т.Абдулла өз сөзінде «Азаматына қарап, ауылын таны» дей отырып, ауыл, аудан әкімдерінің атқарған жұмысына көңіл толатындығын айта келіп, «Болашақ» мектеп-гимназиясына келіп оқитын оқушылар үшін көлік бөліп, тасымалданса, сондай-ақ, аудан орталығында көлік қатынасын реттеуде жол-көлік оқиғасын тудыратын бірнеше көшелерге бағдаршам, тиісті белгілер қою керектігін ескертті.

Кезеңбұлақ ауылдық ардагерлер ұйымының төрағасы Ә.Қалмұрзаев Газелкент магистралды каналының ауыл тұсындағы бойын темір шарбақпен қоршауын жалғастырса, ауылға аяқ жол салынса, ауыз су мәселесі де күрделеніп бара жатқандығын жеткізіп, аудан басшыларынан тиісті көңіл бөлуін өтінді.

Ауыл, аудан әкімдерінің есепті жиналысына аудан әкімінің орынбасарлары, сала және дербес бөлімдер мен құқық қорғау органдарының басшылары, ауыл тұрғындары, аудандық, облыстық мәслихат депутаттары мен БАҚ өкілдері қатысты.

Әр ауылда өткен есепті жиналыс барысында түскен сұрақтарға тиісті сала, бөлім басшыларымен бірге ауыл, аудан әкімдері нақты жауаптар берді.

Мұның өзі жылдан-жылға еліміздің әл-ауқатының өсіп, халықтың тұрмыс жағдайының жақсарғанын және билік басындағы азаматтардың жауапкершілігінің артқанын айғақтай түседі. Оған дәлел, үш ауыл округінде өткен ауыл, аудан әкімдерінің атқарған жұмыстарына ауыл тұрғындарының оң баға беруінен көруге болады.

Ж.СҮЙЕУБЕКОВ.

Мектебіміздің мақтанышы

Дүйсенбі, 04 Ақпан 2019 00:00

ВМВМВ

          Жуырда Т.Рысқұлов мектеп-лицейінде «Математика – ғылымдар патшасы» тақырыбында математика апталығының онкүндігі ұйымдастырылып, математика пән бірлестігі мүшелері жоспарлары бойынша сабақтар өтті. Математика пәні өмірмен байланысты екендігі, математикасыз өмір жоқ екендігі, өмірдің өзі әртүрлі формулалардан тұратыны, кейде сол формулалар заңдылық бойынша өзгеріп отыратын математика екенін біреу білсе, біреу білмес.

Қысқасы, жатсаң да, тұрсаң да математика екенін айтсаң, төменгі сынып оқушылары ойланып қалады, ал жоғары сынып оқушылары алған білімдерін өмірмен байланыстырады. Елбасы Н.Назарбаевтың «Ұлы даланың жеті қыры» атты мақаласы екі бөлімнен тұрады. Біріншісі, «Ұлт тарихындағы кеңістік пен уақыт», екіншісі, «Тарихи сананы жаңғырту» – рухани жаңғыру жалпыұлттық бағ­дар­ламасының жаңа компоненттері ата-ба­баларымыздың көп ғасырлық мұра­сы­ның цифрлық өркениет жағдайында тү­­сінікті әрі сұранысқа ие болуын қам­та­­масыз ете отырып, оны жаңғыртуға мүм­­кіндік береді. Төл тарихын білетін, бағалайтын жә­не мақтан ететін халықтың болашағы зор бо­лады деп сенемін. Өткенін мақтан тұ­тып, бүгінін нақты бағалай білу және бо­лашаққа оң көзқарас таныту – елі­міз­дің табысты болуының кепілі деге­ні­міз осы деген-ді Нұрсұлтан Назарбаев.      

     Міне, осы мақалада айтылғандай, халықтың болашағын жалғастыратын біздің мектебіміздің мақтаныш тұтар оқушылары өсіп келеді. Жақында Түркістан қаласында математикадан өткен облыстық олимпиадада ауданымыздан бірнеше мектептерден оқушылар қатысып, жүлделі орындармен қайтқан еді. Солардың арасында біздің мектептен 9 «А» сынып оқушысы Қалдыбаев Диас (пән мұғалімі Қолдасов Ербол), 10 «А » сынып оқушысы Әмірәлі Алтынай (пән мұғалімі Сералы Бексұлтан) бар еді. Олар олимпиададағы жетістіктерімен мектеп-лицейіміздің мерейін асқақтатты.

                                                        

Базаркүл ОРЫНБАЕВА,

Т.Рысқұлов

мектеп-лицейінің математика пәні мұғалімі.

Бала тәрбиесі – баршамызға ортақ

Дүйсенбі, 04 Ақпан 2019 00:00

                                                 Семинар-кеңес

Төле би ауданында «Тау самалы – жан самалы» фестивалінде «Таңғажайып Түркістан» атты байқауының жеңімпаздары марапатталды, – деп хабарлайды Ardak.kz. акпараттык порталы Түркістан облысы әкімінің баспасөз қызметіне сілтеме жасап.

5c273b19493b7-696x464

Тұманды Альбион елінде...

Дүйсенбі, 24 Желтоқсан 2018 00:00

ореке1

Ұрпақ рухын шыңдайтын кейіпкер

Дүйсенбі, 24 Желтоқсан 2018 00:00

                     «Бір ел – бір кітап»  

 

Аудандық орталық кітапханада «Бір ел – бір кітап» республикалық акциясы аясында Немат Келімбетовтің «Үміт үзгім келмейді» атты хикаят-монологын насихаттау үшін «Ұрпақ рухын шыңдайтын кейіпкер» тақырыбында оқырман конференциясы өтті. Мақсаты –шындық пен шеберлікті шынайы ұштастырып, үн мен ұғымды әдемі үйлестіре білген жазушы Н.Келімбетовтің өмірі мен шығармашылығын қалың оқырманға таныстыру және насихаттау, кітап оқуды дамыту, шығармадағы адам тағдырын тілге тиек ете отырып, өмір үшін күреске баулу, патриоттық тәрбие беру.

Т.Рысқұлов, Қ.Сәтпаев атындағы мектеп-лицейінің және «Болашақ» мектеп-гимназиясының оқушылары мен мұғалімдері, кітапханашылар мен зиялы қауым өкілдері қатысқан әдеби кешті аудандық кітапхана директорының орынбасары Р.Айтубай ашып, елімізде республикалық акция 2007-жылдан бері өткізіліп келе жатқанын, акцияның негізгі мақсаты – ұлттық әдебиетіміздегі ең үздік деген туындыны оқу және насихаттау екенін оқырман қауымға түсіндірді. Он жылдан астам тарихы бар аталмыш шараның әр жылында «Жыл кітабына» бір шығармадан ұсынылып отыратынын, ал, 2018-жылы осы акция аясында бір халық боп оқуға үш бірдей шығарма таңдалып алынғанын тілге тиек етті. Олар: Ш.Құдайбердіұлының шығармалары, Б. Момышұлының «Ұшқан ұя» повесі мен Н.Келімбетовтің «Үміт үзгім келмейді» атты кітабы.

Іс-шара барысында жазушының өмірі мен шығармашылығы жайлы мәлімет беріліп, кең көлемде кітап көрмесі жасалды. Сондай-ақ, оқырман қауымға тақырыпқа байланысты слайд пен бейнеролик көрсетілді. Оқушылар кітаптан алған әсерлерін ортаға салып, ой бөлісіп, белсенділіктерін көрсете білді.

Шара барысында хикаят-монологтың басты кейіпкері Ержанның басынан кешкен қиын тағдыры, өмір мен өлім арасында арпалысқан ойлары негізгі тақырыпқа айналды.

«Болашақ» мектеп-гимназиясының кітапханашысы Н.Калекова: «автордың бұл шығармасы әлемді шарлап, түрлі тілдерге аударылып жатыр. Жеке өз басым оған оқырман ретінде талай сыннан өткен, өмірдің құндылықтарын сезіне білген адам ретінде қалтқысыз сенемін», – деді.

Адамның рухани күш-жігерін, мөлдір махаббатын өмірге деген құштарлығын биікке көтеріп жазған ғажайып туындыны оқырман қауым жан-жақты талқыдан өткізді. «Үміт» дейтін өте алып күш екенін, жігері мықтыны ажал да жеңе алмайтынын, қандай жағдай болса да, үміт үзуге болмайтынын ұғындыру арқылы конференция мақсатына жете білді.

Майра БАЗАРБАЙ