Елбасымыз Н.Ә.Назарбаев «Болашаққа бағдар: рухани жаңғыру» атты мақаласында: «Мен 2012-жылғы желтоқсан айында жария еткен «Қазақстан – 2050» Стратегиясында «2025-жылдан бастап латын әліпбиіне көшуге кірісуіміз керектігін» мәлімдедім. Бұл – сол кезден барлық салаларда біз латын қарпіне көшуді бастаймыз деген сөз. Яғни, 2025-жылға қарай іс-қағаздарын, мерзімді баспасөздерді, оқулықтарды, бәрін де латын әліпбиімен басып шығара бастауға тиіспіз. Ол кезең де таяп қалды, сондықтан біз уақыт ұттырмай, бұл жұмысты осы бастан қолға алуымыз керек. Біз осынау ауқымды жұмысты бастауға қажетті дайындық жұмыстарына қазірден кірісеміз. Үкімет қазақ тілін латын әліпбиіне көшірудің нақты кестесін жасауы керек. Латыншаға көшудің терең логикасы бар. Бұл қазіргі заманғы технологиялық ортаның, комуникацияның, сондай-ақ, ХХІ ғасырдағы ғылыми және білім беру процесінің ерекшеліктеріне байланысты. Мектеп қабырғасында балаларымыз ағылшын тілін оқып, латын әріптерін онсыз да үйреніп жатыр. Сондықтан, жас буын үшін ешқандай қиындық, кедергілер болмақ емес. 2017-жылдың аяғына дейін ғалымдардың көмегімен, барша қоғам өкілдерімен ақылдаса отырып, қазақ әліпбиінің жаңа графикадағы бірыңғай стандартты нұсқасын қабылдау керек. 2018-жылдан бастап жаңа әліпбиді үйрететін мамандарды және орта мектептерге арналған оқулықтарды дайындауға кірісуіміз қажет»,– деген болатын. IMG 8898
Тілдерді оқыту және дамыту орталығының ұйымдастыруымен №11 колледжде «Латын әліпбиі – рухани жаңғырудың алтын діңгегі» атты «дөңгелек үстел» өтті.
Аталмыш тақырып аясында Тілдерді оқыту және дамыту орталығының әдіскері Н.Қалдыкөз және қазақ тілі оқытушысы Б.Қазбеков баяндама жасады.
– Жақында жалпы халықтық талқылаудан өткен әліпбидің жаңа нұсқасы Парламент талқысына түсіп, қазақ әліпбиінің жаңа графикадағы бірыңғай стандартты нұсқасын қабылдайтыны айтылды. Сонымен қатар, латын әліпбиінің жаһандық технолигия мен әлемдік ақпараттың тілі екені, тіпті техниканың да тілі латынша жазылатыны жасырын емес. Әлемдегі ең дамыған ғылыми және әдеби туындылардың осы тілмен жазылуы – бұл өркениеттің бұлжымас заңы, айнымас жолы екенін айғақтай түседі және бізді өркениетке біртабан жақындатады. Латын әліпбиіне қайта көше отырып, біз тағы бір тарихи кезеңге бетбұрыс жасағалы отырмыз. Бұл біздің ұрпаққа бұйырған бақыт деп есептеймін. Себебі, жаңа әліпби күллі қазақты біріктіретін маңызды фактор болмақ, – деді Н.Қалдыкөз.
№11 колледждің студенттері мен ұстаздары көзқарастарын білдіріп, пікір алмаса келе, ойларын білдірді. Және латын әліпбиінің қолдануға жеңіл екендігіне де тоқталып өтті. Колледждің 57- топ студенті Айдана Сарыпбек жаңа ұсынылып отырған әліпбидегі қазақ халқына тән дыбыстардың таңбалануын, ұсынылып отырған әріптердің жазуға және есте сақтауға өте жеңіл екендігін атап өтті.
Басқосуды қорытындылаған орталық директоры Н.Тәңірбергенов: Жуырда ҚР Парламенті Мәжілісінде «Мемлекеттік тілдің латын графикасындағы әліпбиінің бірыңғай стандартын енгізу мәселелері туралы» парламенттік тыңдау өткен болатын. Елбасы мақаласында айтылған латын әліпбиіне көшу мәселесі талқыланған жиында жаңа әліпбидің нұсқасы таныстырылды. Бұл алдағы уақытта халық назарына ұсынылып, тіл мамандарының талқысына түсетіні белгілі. Алдағы екі жыл көлемінде бұл халық назарына ұсынылып, талқыланады. Қазір әлеуметтік желілерде осы әліпбиге қатысты үлкен шу болып жатыр. Әрине, бұл жақсы, халық көзқарасын жеткізгені дұрыс. Дегенмен бүгін әліпби жасап, ертең қолданысқа берейін деп жатқан ешкім жоқ. Осы әліпбидің қолданыс аясын, дыбысталуын, оқылуын, жазған кездегі көркемдігін, барлығын қадағалап, сараптап, талдайтын лингвистерден арнайы қоғамдық кеңес құрылды. Осы көп талқысына ұсынылған әліпби нұсқасын да сол тіл мамандары жасаған. Ал, бұл әліпбимен жазуда таңбалар шұбалаңқыланып кететіні анық. Соның салдарынан психологиялық тұрғыдан адамдарға үйрену оңай бола қоймас. Шұбалаңқы сөздерді оқығанда адамдар жалығып кетуі де мүмкін. Мұны мойындау керек. Бірақ, мысалы біз паспорттарда бұрыннан ж-ны өзінің j деген таңбасы болса да, zh деп, ш-ны sh деп жазып жүрміз. Соған үйреніп те кеттік. Дегенмен қазіргі заман – интернет заманы. Осыдан екі-үш ғасыр бұрынғы байланыс жоқ дәуір емес қой. Елдің барлығы ағылшын тілін меңгеруге тырысып жатыр. Технология, интернет, экономика, барлығының тілі қазір латынша. Сол заман ағымынан қазақ көші неге қалуы керек? Яғни, бізге де бұл тілді меңгеру, Елбасы айтқандай, заман талабынан туындап отыр», – деді ойын білдіріп.
Шараға қатысқан жастарымыз жаңа әліпбиді қолдайтындығын, латын графикасына көшуді құп көретіндігін байқатты.

Ғ.ТІЛЕУБЕРГЕН.

Ауыл азаматтары қайырымдылық жасады

Сәрсенбі, 20 Қырқүйек 2017 00:00

Елімізде «Мектепке жол» девизімен қайырымдылық акциясын ұйымдастыру – жылдағы дағдылы дәстүр. Елшібек батыр атындағы мектеп-лицей ұжымы да әлеуметтік жағдайы мен тұрмысы төмен көп балалы отбасыларды, тұл жетім, жартылай жетім оқушыларды анықтап, 43 баланың тізімін жасады.
Акцияға ауылымыздағы іскер, кәсіпкер азаматтар мен ата-аналар арнайы шақырылды.
Қайырымдылық шарасында мектеп директоры Қ. Анашев пен кәсіподақ ұйымының төрағасы Е.Сармырзаев сөз сөйлеп, акцияның мақсаты мен мән-мағынасы жайлы баян етті.
Қазақ халқы қай заманда да кәріп-кәсірге, жоқ-жетімекке қайырымдылық, қамқорлық жасаған. Қайырымдылық жайлы дініміз Исламда да, шариғат қағидалары арқылы көп айтады. Пайғамбарымыз Мұхаммед (с.а.с) өз хадистерінде: « Садақа бер, сауабы мол. Оң қолыңмен бергеніңді, сол қолың көрмесін», – дейді.
Акцияда 43 балаға қажетті киім-кешек, жазу-сызу құралдарына 430 000 теңге шығарған ауылдың іскер-кәсіпкер азаматы болды. Өзінің өтініші бойынша тегін атамадық. Аллаға шүкір, ел болған соң қазіргі нарықтық заман талабына сай кіші және орта кәсіпкерлер саны күн санап өсіп, артып келеді. Сол азаматтар «Мектепке жол» акциясына қатысып отырса, нұр үстіне-нұр болар еді.
Балаларға жасаған қайырымдылық, қамқорлықтары Алладан еселеп қайтары сөзсіз. Қазіргі балалар келешегіміз ғой ағайын, – дегіміз келеді.

Болат ҚАЛМЫРЗАЕВ,
Елшібек батыр атындағы мектеп-лицейінің
әлеуметтік-педагогы.

Мешіт те демеушілік етті

Сәрсенбі, 20 Қырқүйек 2017 00:00

Жуырда «Қарабастау» жалпы орта мектебінде «Менің таңдауым – балаларға көмек көрсету» атты қамқорлық акциясы өтті. Әлеуметтік көмекті қажет ететін оқушыларға «Расул ата» мешітінің пітір-садақа қоры есебінен мешіт имамы Дәулет Есенбеков табыс етті. Жеті оқушыға мектеп формасы мен оқу құралдарын сыйға тартып, 140 мың теңге көлемінде демеушілік танытты.
Биылғы оқу жылында балаларымыз алаңсыз білім нәрімен сусындайтын болды. Осынау жаны жайсаң, жүректері ізгілікке, мейірімге толы азаматтардың жомарттығы өзгелерге өнеге болса екен дейміз.

ҚАЙЫРЫМДЫ ЖАНДАР ҚАМҚОРЛЫҚ КӨРСЕТТІ

Сәрсенбі, 20 Қырқүйек 2017 00:00

Елбасы Н.Ә.Назарбаевтың «Болашаққа бағдар: рухани жаңғыру» атты мақаласында «Қамқорлық жасағысы келген кәсіпкерлер, шенеуніктер, зиялы қауым өкілдері мен жастарды ұйымдастырып, қолдау керек. Бұл – қалыпты және шынайы патриоттық сезім, ол әркімде болуы мүмкін», – деген болатын. Сондықтан, қазақстандықтарды аталған іс-шараларды жүзеге асыруға, еңбексүйгіштікке және қайсарлық танытуға, көмекке мұқтаж жандарға жәрдемдесуге және қамқорлық көрсетуге шақырамын",– деуі бекер емес.

Қазығұрт ауданы бау-бақша шаруашылығымен өңірімізге ғана емес, басқа облыстарға да жақсы танымал. Сондықтан, біздің өнімдер қашан да үлкен сұранысқа ие болып отыр.

ссс

Мемлекет пен қоғамның тығыз байланысы сыбайлас жемқорлыққа табанды қарсы тұруға мүмкіндік береді. Қоғамның қолдауынсыз жоғарыдан жүргізіліп жатқан жең ұшынан жалғасуға қарсы шаралар тек ішінара нәтиже береді. Жемқорлыққа деген төзбеушілік әрбір қазақстандықтың азаматтық ұстанымына, ал Адалдық пен Сатылмаушылық мінез-құлық нормасына айналуы тиіс.

images 2

Аудандық мәдениет сарайында ине шаншар орын жоқ. Елдімекендердегі білім ошақтарынан өкіл болып келген ұлағатты ұстаздардың бүгін айтар ойы, бөлісер пікір-ұсыныстары да жоқ емес. Бар мақсат – аудан көлемінде желкілдеп өсіп келе жатқан саналы ұрпаққа – сапалы білім беру жағын көп болып ойласу, көп болып бір шешімге келу.

спортБокстан Германияның Гамбург қаласында ұйымдастырылған Әлем чемпионаты аяқталды. 1 алтын, 2 күміс, 3 қола медаль еншілеген Қазақстан құрамасы жалпы есепте үшінші орын алды. Төрткүл дүниенің кіл мықты боксшылары жиналған додаға еліміздің атынан 10 боксшы аттанған болатын. Оның алтауы жүлдегерлер қатарынан көрінді. Атап айтар болсақ, Жомарт Ержан (49 келі), Абылайхан Жүсіпов (69 келі) пен Василий Левит (91 келі) жартылай финалда сүрініп, қола медальды қанағат тұтты. Финалға шыққан боксшылар арасында Қайрат Ералиев чемпион атанды. Ірі халықаралық жарыстарда қола медальды қанағат тұтып келген отандасымыз осы жолы барын салды. Финалда америкалық Дюк Роганды жеңді. Ал Әбілхан Аманқұл мен Қамшыбек Қоңқабаев финалда қарсыластарына есе жіберіп, күміс медальмен күптелді. Жалпы командалық есеп бойынша Куба елінің боксшылары алдына жан салмады. Барлығы жеті медаль жеңіп алды. Оның бесеуі – алтын, екеуі – күміс. Екінші орынды Өзбекстан құрамасы иеленді. Олар 1 алтын, 3 күміс, 2 қолаға ие болды. Ал 1 алтын, 2 күміс, 3 қола медаль еншілеген Қазақстан құрамасы үштікті түйіндеді. Осынау байрақты бәсекеде 49 келі салмақ дәрежесінде қола жүлде еншілеген жерлесіміз Жомарт Ержанды аудан әкімі Төлеген Телғараев арнайы қабылдап, 300000 теңгенің сертификатын табыстады. Аудан спортына өлшеусіз үлес қосып, еліміздің абыройын аспандатқан спортшымызға иығына шапан жауып, құрмет көрсетті.

А. Әлімқұл

Елбасы Н.Ә.Назарбаевтың «Болашаққа бағдар: рухани жаңғыру» атты мақаласын халық арасында кеңінен насихаттау мақсатында іс-шаралар жоспары бекітіліп, арнайы лекторлармен ауданымызға қарасты ауыл округтері бойынша ауыл әкімдері мен мәслихат депутаттары, мектеп директорлары, аурухана, емхана басшылары, ауылдық ардагерлер кеңесінің төрағалары, «Жастар ресурстық орталығы» КММ инспекторлары бастаған 13 ауылдық ақпараттық-насихаттық топ және аудан әкімінің орынбасарлары бастаған жұмыс жасайтын аудандық 3 топ болып, насихаттық жұмыстарын жүргізді. Аталған топтар елдімекендерде кездесулер өткізіп, бүгінге дейін рухани жаңғыруға қатысты мақаланың мәнісі ауданның 27 760 тұрғынына насихатталып, түсіндірілді.

Қайырымдылық – жақсы қасиет

Дүйсенбі, 28 Тамыз 2017 10:06

Өскелең ұрпақтың қайырымдылық жасауға деген ұмтылысы көңіл қуантады. Қазақ қоғамы өзгеге қарайласып, нанын бөлісіп, қол ұшын созып жатса, имандылықтың патшалық құрғаны! Ал, мейірім жастарымыздың бойынан табылып жатса, марқайып-ақ қаласың. Осы мұрат жолында ауданымыздағы «Жалында жастар» қоғамдық бірлестігінің (төрағасы Сардор Исманов) ұйымдастыруымен ерекше акция өтті. Ұлттық мүддені қорғап, жастармен игі жұмыстарды атқаруды мақсат еткен бұл бірлестік осы жолы ауданымыздағы аз қамтамасыз етілген отбасылардың жағдайына көңіл бөлуді ұйғарыпты. Қайырымдылық іс-шарасында бірлестік 25 балаға оқу құралдары мен сөмке берді. Тұрмыс тауқыметіне қарамастан жақсы оқыған 8 оқушыға компьютер тарту етілді. Олардың аудан орталығына келіп-кету шығыны да қорға түскен қаржыдан төленді. Ең бастысы, оқушылар шат-шадыман боп, жүректеріне ізгілік нұры құйылды. Бала көңілі аспандаған жомарттық басқосуында «Болашақ» мектеп-гимназиясының әлеуметтік педагогы Елтай Тағайбек, «Молбұлақ» мешітінің имамы Қасымбек Тасбауов жүрекжарды лебіздерін айтып, ұйымдастырушыларға алғыстарын жеткізді.
Жиналғандардың ішінде риза болған ата-аналар да жастардың қайырымдылығына сүйсінді. Қоғамдық бірлестік жұмысына белсенді атсалысқан еріктілер де мектеп қабырғасындағы өрімдей ұл-қыздар. Үш тілде еркін сөйлей алатын бұл балғын өспірімдер ізінен еріп келе жатқан аз қамтамасыз етілген сіңілі-інілерінің жағдайына немқұрайды қарай алмапты. Сондай еріктілердің бірі Арайлым Ұшан былай дейді:
– Мен де көпбалалы отбасында тәрбиелендім. Сыйлықты жақсы көретін әр
бала үшін бұл акция маңызды. Біз мұны көпшіліктің қолдауымен яғни, аудан тұрғындарының қайырымдылық жәшігіне тастаған ақшасына өткізіп отырмыз. «Көп түкірсе – көл» дегені осыдан-ақ белгілі.
Сондай-ақ, ізгі іске жергілікті жеке кәсіпкерлер де атсалысып, демеуші болды.

Н. АЯПТЕГІ.