«Дөңгелек үстел» өтті

Дүйсенбі, 30 Қазан 2017 00:00 Жарияланды Білім Оқылды 363 рет

Жуырда Ж.Есіркепов атындағы жалпы орта мектебінде жоғары сынып оқушылары арасында «Құқықтық сауаттылық-құқықтық мәдениетті қалыптастырудың алғы шарты» деген тақырыпта «дөңгелек үстел» өткізілді. Аталмыш тақырып аясында ұйымдастырушы педагог Қатира Өсербаева құқықтық мәдениет ұғымына түсінік бере кетті. Директордың бейін бойынша оқу ісінің орынбасары Жансұлу Керімбай осы мәселе жөнінде өз пікірін білдірді.

11-сынып оқушылары Шахизада Бейсеқұл, Ақнұр Қаблан, Алтынай Әбдікерім атты оқушылар құқықтық мәдениет туралы көзқарасы қалыптасқанын көрсете білді.
Құқықтану пәні мұғалімі Қалима Сеңгірбаева Қазақстан Республикасының 2020-жылға дейінгі даму бағдарламасында құқықтық мәдениетке басымдық берілгенін атап өтті. Осындай танымдық мәні бар шаралар барысында оқушылардың құқықтық сауаттылығы қалыптасатындығына көз жеткізгендей болдық.

А.Шекербеков,
Ж.Есіркепов атындағы жалпы
орта мектебінің еңбек пәні мұғалімі.