Медициналық сақтандыру

 

            Өткен жылдың желтоқсан айында медициналық сақтандыру қорына 10,4 млрд теңгеден астам жарна түсті.

Жүйе іске қосылған 2017-жылдың 1-шілдесінен 2018-жылдың 31-желтоқсанына, 1 жыл 6 айға дейінгі аралықта жинақталған жарнаның жалпы сомасы 133 млрд теңгені құрады.

Оның ішінде 124,3 млрд теңгесі (шамамен 93,5%) жұмыс берушілердің аударымдары болса, қалған 8,7 млрд теңге (6,5% жуығы) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.

Аймақтық тұрғыдан алғанда, жарна төлеу жағынан бұрынғыша Алматы, Астана қалалары мен Қарағанды облысы көш бастап тұр.

Жинақталған қаржы Ұлттық банкте сақталады. Болашақта МӘМС пакеті шеңберіндегі қызметтер ақысын төлеуге жұмсалады. Еліміздің бас банкімен қаржыны сенімгерлік басқару туралы келісім бекітілген.

А.С.БЕДЕН,

міндетті әлеуметтік медициналық сақтандыру

қорының Шымкент қаласы бойынша филиалының

Халықты ақпараттандыру және

өтініштерді қарау жөніндегі

                                                                               бөлімінің басшысы.                                                                        

Комиссия

 

Жуырда аудан әкімдігі жанындағы кәмелетке толмағандар арасында құқық бұзушылықтың алдын алу жөніндегі комиссияның кезекті отырысы өтті.

Оны комиссия төрағасы, аудан әкімінің орынбасары С.Тұрсынқұлов жүргізіп отырды.

Күн тәртібіне мына төмендегі екі мәселе ұсынылды. Бірінші мәселе, «Жасөспірімдер арасында өз-өзіне қол жұмсаудың (суицид) алдын-алу бойынша аудандық білім бөлімінің және «Шарбұлақ», Қ.Сәтбаев атындағы мектеп-лицейі, Абай (Жігерген) жалпы орта мектептерінде орын алған өз-өзіне қол жұмсаулар туралы» аудандық білім бөлімінің басшысы А.Үйсінбаевтың, «Шарбұлақ» жалпы орта мектебі директоры Ж.Жансейітованың, Қ.Сәтбаев атындағы мектеп-лицейінің директоры Р.Бөбетовтың, Абай атындағы жалпы орта мектебінің директоры С.Қожановтың есептері тыңдалды.

Екінші мәселе, «Жасөспірімдер арасында құқық бұзушылықтың алдын-алу жайлы» Қарабау ауыл округі әкімі міндетін уақытша атқарушы Б.Мырзақұловтың есебі тыңдалды.

Комиссия отырысын қорытқан С.Тұрсынқұлов жасөспірімдер арасында әлі де болса қамқорлықтың өз деңгейінде болмай отырғандығын жеткізе келіп, әрбір сала басшыларына жасөспірімдер арасында үгіт-түсінік жұмыстарын барынша ширата түсуді тапсырды.

Комиссия отырысында күн тәртібіндегі қаралған мәселелер бойынша тиісті шешім қабылданды.

Ж.СҮЙЕУБЕКОВ.

Елбасы бірқатар заңға қол қойды

Жұма, 28 Желтоқсан 2018 00:00

         

b550afcf1bc298d4e3dba591a3326ab6 XL

Ұлы даланың жеті қыры

Дүйсенбі, 26 Қараша 2018 00:00

poslaniye

аЙМАҚ

5bf3da01eafa4

 

Табиғи монополияларды реттеу, бәсекелестікті және тұтынушылардың құқықтарын қорғау комитетінде Ақордада өткен Қауіпсіздік кеңесінің отырысынан кейін орталық аппараттың және оның Департаменттерінің басшылары жауапкершілікке тартылды, – деп хабарлайды  Ұлттық экономика министрлігінің баспасөз қызметі.

Ақордада өткен Қауіпсіздік кеңесінің отырысында Мемлекет басшысы берген монополияға қарсы ведомствоның жұмысын тәртіпке келтіру бөлігінде тапсырмасын орындау аясында Қазақстан Республикасының Ұлттық экономика министрі Тимур Сүлейменов Қазақстан Республикасының Бас Прокуратурасы коммуналдық қызметтерге тариф белгілеу саласында анықталған бұзушылықтар бойынша Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің және оның аумақтық бөлімшелерінің лауазымды тұлғаларын жауапкершілікке тарту мәселесін қарады.

Осылайша Комитеттің Жамбыл, Солтүстік Қазақстан, Ақтөбе, Қарағанды облысы және Астана қаласы бойынша департаментінің басшыларына, Павлодар, Ақмола, Қызылорда, Алматы облысы және Шымкент қаласы бойынша департаменті басшысының орынбасарларына сөгіс жарияланды.

Комитеттің Маңғыстау облысы бойынша департаментінің басшысы атқаратын лауазымынан босатылды. Сонымен қатар, монополияға қарсы ведомствоның мәселелеріне жетекшілік ететін Қазақстан Республикасының Ұлттық экономика вице-министрі Серік Жұманғаринге және Комитет төрағасы Азамат Майтиевке сөгіс жарияланды. 

Еске сала кетейік, ҚР Премьер-министрі Бақытжан Сағынтаев Үкімет отырысында Ұлттық экономика вице-министрі Серік Жұманғаринге сөгіс жариялады.Сондай-ақ, Үкімет басшысы Ұлттық экономика министрлігінің Монополияға қарсы комитеттің оның аумақтық бөлімшелерінің жұмысын тәртіпке келтіруін қолдайтынын атап өтті.

Бұған дейін Ақордада өткен Қауіпсіздік кеңесінің отырысында Мемлекет басшысы Нұрсұлтан Назарбаев коммуналдық қызметтерге тарифтерді заңсыз өсірген табиғи монополиялар субъектілерін жазалауды талап етіп, тариф саласында орын алған кемшіліктерге байланысты ҚР ҰЭМ Табиғи монополияларды реттеу, бәсекелестікті және тұтынушылардың құқықтарын қорғау комитетінің төрағасы Азамат Майтиевке сөгіс жариялады.