333

Қазақстан Республикасы Премьер-министрінің бірінші орынбасары Асқар Мамин мен Ресей үкіметі төрағасының бірінші орынбасары Антон Силуанов Астананың 20 жылдығына арналған ХШЖК-нің «Қазақстан» тарихи павильонының ресми ашылуына қатысты.

Салтанатты шараға Қазақстанның Ресейдегі елшісі Иманғали Тасмағамбетов те қатысты. А. Мамин мерекеге қатысушылар мен қонақтарды Қазақстан Республикасы Үкіметінің атынан құттықтап, «жаңа елорда құрылысын салу – көп ұлтты халқымыздың триумфальдық жарқын жеңісі болып табылады»,деп атап өтті.

Осыдан 20 жыл бұрын Қазақстан Президенті Нұрсұлтан Әбішұлы Назарбаев елордасын Алматыдан мемлекетіміздің географиялық орталығы, соңынан Астана атанған қалаға көшіру туралы стратегиялық шешім қабылдады, –дейді А. Мамин.

Премьер-министрдің бірінші орынбасарының айтуынша, жаңа елордасының құрылысы ел дамуының локомотиві атанып, мемлекет ауқымындағы қайта өркендеу факторы болып табылады. Астана үлгісімен Қазақстанның барлық өңірлерінің экономикасы, құрылыс материалдары өндірісі, энергетикалық және индустриялық жобалар жүзеге асырылып, көлік-логистикалық жүйелері жаңғыртылып, серпінді дамуға көшті.

Осы жылдары елорданы дамытуға 50 млрд доллар көлемінде инвестиция тартылды. Оның 80 пайызы жеке инвесторлардан түсті. Астана шағын және орта бизнестің символына айналды. Қала экономикасының елу пайызын шағын және орта бизнес құрайды.

Жиырма жылда Астана тұрғындары 1 миллион 200 мыңға жетіп, ірі мегаполиске айналды. Тұрғын-үй құрылысы ірі қарқынмен жүргізіліп, тұрғын үй-коммуналдық шаруашылығы жаңғыртылды.

Премьер-министрдің бірінші орынбасары Ресей Президенті В. Путиннің Астананы «қазіргі әлемдегі ғажайыптардың бірі» деп бағалағандығын атап өтті.

– Мәскеуде бауырлас мемлекеттің төрінде Астана қаласының 20 жылдығы аясындағы көрменің ашылуы – сыйластықтың нышаны символы. Ресей –Қазақстанның стратегиялық серіктесі. Екі ел арасындағы экономикалық қарым-қатынас серпінді дамуда және еуразиялық кеңістіктегі ықпалдастық үдерісі күннен күнге нығая түсуде. Бұл қатынас екі мемлекет арасындағы қатынастың қалай дамуы керектігін көрсететін 21 ғасыр үлгісі, – деп атады.

– Астана ірі қаржылық, ірі мәдени орталығымен ірі іскерлік орталығына айналды. Сондықтан, Мәскеуде бұл шараның өткізілуі кездейсоқ емес. Мәскеу ресейдің Астанамен бауырлас қаласы атанған алғашқылардың бірі, – деп атап өтті А. Силуанов.

«Қазақстан» павильоны жаңа өмірге қадам басты. ХШЖК-ға келушілер жиілеп, жарқын оқиғалардың куәсі болады. Қазақстандық павильон мемлекетіміздің жаңа экономикалық әлеуеті мен бай мәдени мұрасының тұсаукесер рәсімдері өтетін алаң болады.

Мәскеуде Астана қаласының 20 жылдығын мерекелеу  аясында Астана қаласының сәулеті мен қала құрылысы саясатына арналған конференция өткізіліп, оған Қазақстан мен Ресейдің сәулетшілері қатысады

              

Шымкент қаласындағы Көрме орталығында Астананың 20 жылдығына орай «Өңірлік өнімдері – 2018» атты үздік тауарлардың көрме-жәрмеңкесі бастау алды.

в5

 

         Облыс және қала өнім өндірушілерін насихаттау мақсатында өткен жәрмеңкеде өңірде өндірілетін тамақ, фармацевтика, машина жасау, химия, жеңіл және құрылыс өнеркәсіптерінің жүздеген түрлі тауары ұсынылды.

Көрмеге Шымкент қаласы мен Түркістан облысының 200-ден астам және Қазақстанның басқа да аймақтарынан келген тауар өндірушілер қатысты. Аталған шараға алғаш рет костюмдер мен ерлерге арналған киім тігетін, киім шығаратын және тұрмыстық химия тауарларын шығаратын 15 жаңа компания өз өнімдерін алып келген.

Екі күндік көрменің ашылу салтанатына Түркістан облысының әкімі Ж.Түймебаев, Шымкент қаласының әкімі Ғ.Әбдірахымов, облыстық мәслихаттың хатшысы Қ.Балабиев, Астана, Атырау, Тараз қалаларының «Атамекен» кәсіпкерлер палатасы басшылығы мен басқа да өңірлердің кәсіпкерлері қатысты.

Отандық тауар өндірушілердің өнімдерімен танысқан облыс әкімі Ж.Түймебаев Қазақстан – Дүниежүзілік Сауда Ұйымына, Еуразиялық экономикалық одаққа, Шанхай Ынтымақтастық Ұйымына мүше екенін айтып, өңір кәсіпорындары халықаралық және экологиялық стандарттар талаптарына сай келетін өнімдер шығаруы қажеттігін атап өтті. Іс-шара барысында облыс және қала әкімдері «Ордабасы құс» ЖШС-і мен «Karlskrona LC AB» ЖШС-іне өнім және Қызмет көрсету саласындағы жетістігі үшін ТМД сыйлығын табыстады.

Бұдан бөлек шарада «Қазақстанның үздік тауары» атты байқау-көрмесіне кәсібін жаңа бастаған және танымал отандық тауар өндірушілер қатысуда. Олардың арасында «Мадлен», «Ордабасы құс», «ВизИТ», «Рауан», «Алтын дән», «ШФ Гаухар», «Барыс-2007», «Амангелді», «Карлс-крона», «Зерде керамика», КТЗ, «Бал текстиль», «Назар текстиль», «Azala», «Планта», «Айкан» және тағы басқа кәсіпорындар бар.

Өнімнің сапасы мен бәсекеге қабілеттілігін түрлі критерийлерімен бағалайтын тәуелсіз сарапшылар үш номинация бойынша қатысушыларды іріктеді. Атап айтқанда, «Халық тұтынатын үздік тауарлар», «Өндірістік мақсаттағы үздік тауарлар» және «Үздік азық-түлік тауарлары».

Сонымен қатар, көрмеде аймақтық номинациялармен ең үздік компаниялар таңдалынады: «Халық таңдауы», «Жыл серпіні», «Жыл бренді», «Әлеуметтік маңызы бар стартап», «Үздік әлеуметтік жоба», «Үздік этноөндіруші», «Табиғи өнім өндіруші», «Инновациялық жоба», «Жас өндіруші», «Үздік тауарлық қаптама», «Үздік еңбек жағдайлары» және «Ең үздік әйел жұмыс беруші», «Қызмет көрсету саласындағы үздік жоба», «Бизнес-вумен-инноватор» номинациялары бойынша да әйелдер бизнесіне қолдау көрсетілетін болады.

Жеңімпаздар Астана қаласында өтетін «Қазақстанның үздік тауары» республикалық байқау-көрмесіне қатысуға жолдама алады.

 

ӨҢІРЛЕРДІҢ АСТАНАҒА ТАРТУЫ

Дүйсенбі, 09 Шілде 2018 00:00

Қазақстан Президенті Есіл өзені арқылы өтетін велосипедшілер мен жаяу жүргіншілерге арналған көпірді аралап көрді және техникалық-пайдаланушылық сипаттамаларымен танысты.

1

442452

Әңгімелесу барысында Нұрсұлтан Назарбаев Режеп Ердоғанды Түркия Республикасының Президенті лауазымына қайта сайлануымен құттықтады.

Нұрсұлтан Назарбаев Режеп Ердоғанның осы сайлаудағы жеңісі түрік халқының оның жүргізіп отырған саясатына қолдау көрсеткенінің айқын дәлелі екенін атап өтті.

Режеп Ердоған Қазақстан Президентіне ризашылық білдіре отырып, сайлаудың демократия қағидаттарына сай, халықтың жаппай қатысуымен өткенін айтты.

Сондай-ақ, мемлекеттер басшылары бауырлас екі ел арасындағы сындарлы диалогты одан әрі тереңдету мәселелерін талқылады.

 

Жансейіт Түймебаев Түркістан облысының әкімі болып тағайындалды. Жансейіт Түймебаевты облыс активіне Қазақстан Республикасының Премьер-министрі Бақытжан Сағынтаев таныстырды.

photo 47740

Түймебаев Жансейіт Қансейітұлы 1958-жылы дүниеге келді, филология ғылымының кандидаты, профессор. Оңтүстік Қазақстан облысында туған. Қазақ мемлекеттік университетін, Мәскеу мемлекеттік әлеуметтік университетінің заң факультетін бітірген.

Қазақ мемлекеттік университетінің ассистенті, аға оқытушысы, доценті, Қазақстан Республикасы Сыртқы істер министрлігінің бірінші хатшысы, бөлім бастығы, Қазақстан Республикасы Президенті протокол қызметінің бас сарапшысы, Қазақстан Республикасының Стамбул қаласындағы Бас консулы, ҚР Президенті протоколының бастығы, Қазақстан Республикасы Президенті протоколының бастығы - Қазақстан Республикасы Президентінің кеңесшісі, Қазақстан Республикасының Ресей Федерациясындағы Төтенше және Өкілетті Елшісі, ҚР білім және ғылым министрі, Қазақстан Республикасының Түркиядағы Төтенше және Өкілетті Елшісі, ОҚО әкімі қызметін атқарды.



«Рухани жаңғыру: өнегелік құндылықтар»

чыывысы

Аудандық конференция

 

и

Қазығұрт ауданы орталық мәдениет сарайында мемлекет басшысының «Болашаққа бағдар: рухани жаңғыру» бағдарламалық мақаласы аясында, Елбасымыз Н.Ә.Назарбаевтың 2017-жылғы 26-қазандағы «Қазақ тілі әліпбиін кириллицадан латын графикасына көшіру туралы» №569 Жарлығымен бекітілген латын әліпбиін қоғамға насихаттау, қолданыс аясын кеңейту, мемлекеттік тілдің рухани тұтастығын қамтамасыз ету, латын әліпбиіне көшудің алғышарттарын енгізу мақсатында «Латын әліпбиі – рухани жаңғырудың негізі» атты аудандық конференция өтті. Оған Қазығұрт ауданы мемлекеттік қызметшілері мен «Нұр Отан» партиясының қызметкерлері, Қ.А.Яссауи атындағы ХҚТУ-інің филолог ғалымдары, аудандық мәслихат депутаттары, мектеп директорлары мен тіл жанашырлары қатысты.

Қ.А.Яссауи атындағы ХҚТУ-інің профессоры, филология ғылымдарының докторы Сейдулла Садықов «Латын әліпбиіне көшу түркі әлеміне жақындастырады» тақырыбында баяндама жасады. Ол: «Елбасымыз Н.Ә.Назарбаев «Біз алдағы уақытта да мемлекеттік тілді дамыту бағытындағы кешенді жобаларды жүзеге асыруды табандылықпен жалғастыра береміз. Қазақ алфавитін 2025-жылға қарай латын графикасына көшіруге дайындық жұмысын осы бастан қолға алу қажет. Бұл қазақ тілін жаңғыртып қана қоймай, оны осы заманға ақпараттың тіліне айналдырады», – деген болатын. Қайта жаңғыру заманындағы барлық озық технологияның үлгісі болып отырған латын әліпбиіне көшу, бұл – еліміз үшін, өнеріміз бен мәдениетіміз үшін үлкен рухани құбылыс. Латын әліпбиіне енгізу – халқымыздың білімі мен мәдениеті, өнерінің дамуына тағы бір серпіліс әкелетін дара жолы деп білемін. Бүгінгі таңда кириллица жазуын әлемнің 12 мемлекеті ғана пайдаланады екен. Ал қалған мемлекеттердің көбі толықтай латын әліпбиіне көшкен. Түбі бір түркі дүниесі негізінен латынды қолданады. Біздерге олармен рухани, мәдени, ғылыми, экономикалық қарым-қатынасты, тығыз байланысты күшейтуіміз керек. Егерде толықтай латын әліпбиіне көшетін болсақ, біз түркі әлемімен жақындасатын боламыз», – деді.

Қ.А.Яссауи атындағы ХҚТУ-інің профессоры, филология ғылымдарының докторы Сердәлі Бекжігіт латын әліпбиіне көшу еліміз үшін үлкен жетістіктерге жол ашатынын, біздің ұтатын тұстарымыздың көп екенін тарата айтты. Университеттің магистрі, аға оқытушсы Серік Әбдісаттар латын әліпбиінің түркі әлемінде қолданылу аясы жөнінде баяндады. Шымкент қалалық тілдерді оқыту орталығының қазақ тілі пәнінің оқытушысы Айнаш Туғанбаева «Латын әліпбиі – заман талабы» атты баяндамасын жасап, слайд арқылы жаңа әліпбидің артықшылықтарын жан-жақты сөз етті.

Қазығұрт аудандық ардагерлер кеңесінің төрағасы Аманбай Омаров пен аудандық «Жастар» ресурстық орталығының инспекторы Ақтөре Қайрат сөзге шығып, өзіндік ой-пікірлерін, ұсыныстарын ортаға салды.

«Еліміздің әрбір азаматы латын жазуына көшу әлемдік өркениетке жетудің басты жолы екенін білуі тиіс. Бұл – қазақ халқының алға жылжуына, жаңа заман талабына сай өсіп-өркендеуіне, болашақта еліміздің жан-жақты дамуына үлкен үлес қосып, жемісі мен жеңісін әкелері сөзсіз. Кейінгі жас өскін жаңа ұрпақтың оқу-білім мен ғылым жолындағы ізденістеріне де жол ашады. «Шегірткеден қорыққан егін екпейді» дегендей, латын әрпіне көшіру жолындағы қиындықтардан қорықпау керек. Қазір әлемнің алдыңғы қатарлы дамыған елдері латын әліпбиін қолданады, латын әріптері – өркениет жазуы, өмір талабы, сондықтан оның бұл артықшылығын ескеріп, біз де өз мақсатымызға сай латын жазуының игілігін көруіміз қажет». Аудандық конференция осылайша қорытындыланды.

Құралбек ЕРГӨБЕКОВ.

ТАҒАЙЫНДАУ

Жұма, 15 Маусым 2018 00:00

Баймырзаев 356

Тағайындау

Жұма, 15 Маусым 2018 00:00

Куралбаев357