Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады. Өйткені, сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді, демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді.
   Елбасы өзінің «Қазақстан-2050» стратегиясында дамыған мемлекеттің жаңа саяси басымдықтарының бірі ретінде сыбайлас жемқорлықпен күресті атап көрсетті. Қазақстан Президенті сыбайлас жемқорлықпен күрес туралы айтқанда, қоғамның көмегінсіз жемқорлықты жеңу мүмкін еместігін бірнеше рет атап өтті.  Қоғамның қабілеттілігі, оның ішінде жастарды бақылау, мемлекеттік шенеуніктердің жемқорлық әрекеттерін анықтау және болдырмау жергілікті мәселелерді зерттеудің арқасында артады. Сыбайлас жемқорлықпен күресу үшін қоғамның барлық жігінің жүйелі түрдегі күш-жігері қажет.

       Қазақстан Республикасының «Сыбайлас жемқорлыққа қарсы күрес туралы» заңында сыбайлас жемқорлыққа мынадай анықтама берілген. Бұл – «мемлекеттiк мiндеттердi атқаратын адамдардың, сондай-ақ, соларға теңестiрiлген адамдардың лауазымдық өкiлеттiгiн және соған байланысты мүмкiндiктерiн пайдалана отырып, не мүлiктiк пайда алу үшiн олардың өз өкiлеттiктерiн өзгеше пайдалануы, жеке өзi немесе делдалдар арқылы заңда көзделмеген мүлiктiк игiлiктер мен артықшылықтар алуы, сол сияқты бұл адамдарға жеке және заңды тұлғалардың аталған игiлiктер мен артықшылықтарды құқыққа қарсы беруi арқылы оларды сатып алуы», – деген. Ал, БҰҰ-ның құжаттарында қолданылатын жемқорлық терминінің халықаралық-саяси анықтамасы мынадай деп берілген: сыбайлас жемқорлық – бұл мемлекеттік билікті жеке бас пайдасы үшін, үшінші бір тұлғалар мен топтардың мақсаты үшін асыра пайдалану.

 Б.ТУЛЕЕВ,

Қарақозы Әбдалиев ауылдық округі

әкімі аппаратының бас маман-заңгері.

Шыршаны сатуға тиым салынады!

Дүйсенбі, 10 Желтоқсан 2018 00:00

Оқырман назарына!

17203

Сыбайлас жемқорлыққа жол жоқ

Жұма, 23 Қараша 2018 00:00

 

Сыбайлас жемқорлық – бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіруде.

«Сыбайлас жемқорлыққа қарсы күрес туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Әсіресе, халық парақорлық дертімен жиі бетпе-бет келеді. Сондықтан, кез келген ортада пара беру мен пара алудың жолын кесуде қоғам болып белсенділік танытуымыз қажет.

Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады. Қазақстан Республикасының «Сыбайлас жемқорлыққа қарсы күрес туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс. Мемлекеттік органдардың, ұжымдардың, жергілікті өзін-өзі басқару органдарының басшылары өз өкілеттігі шегінде кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті.

Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың дендеуіне септігін тигізуде.

Сыбайлас жемқорлық әрекеттері бойынша тиісті шара қолданудың негізі

– ол азаматтардың арыз-шағымы. Мемлекетіміздің әрбір азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандықтарын, абыройы мен қадір-қасиетін құрметтеуге міндетті.

Е.МОМБЕКОВ,

аудандық тұрғын үй коммуналдық шаруашылық жолаушылар көлігі және автомобиль жолдары бөлімінің сектор меңгерушісі.

Маман ескертеді

 

2017-жылдың 1-қарашадан бастап барлық халыққа қызмет көрсету орталықтарында азаматтарды тұрғылықты жері бойынша тіркеудің жаңа тетігі іске қосылды. "Әділет министрлігі және "Азаматтарға арналған үкімет" мемлекеттік корпорациясымен бірлесіп, азаматтарды тұрғылықты жері бойынша тіркеу процедурасын жеңілдетті. Бұл үшін ақпараттық жүйелер кірістірілді.

Жаңа тәртіп бойынша тіркеу кезінде азаматтардан баспанаға құқық белгілеуші құжаттар немесе жылжымайтын мүлікке тіркелген құқықтар туралы анықтама талап етілмейді. Мекенжай мәліметтері жүйеге мекенжайдың тіркеу коды негізінде енгізіледі. Мекенжай тіркеу коды нысанның шынайы мекенжайын анықтап, дұрыс ақпаратты ақпараттық жүйелердің интеграциясына сәйкес автоматты түрде енгізуге мүмкіндік береді.

Қазіргі таңда азаматтардың мекенжайының тіркеу кодының негізінде мекенжай мәліметтерін бірыңғай форматқа көшу бойынша қарқынды жұмыстар жүргізілуде. Мекенжайдың тіркеу коды негізінде мекенжайы қойылмаған азаматтар Қазығұрт ауылы Д.Қонаев көшесі №90/1 ғимаратында орналасқан «Азаматтарға арналған үкімет» МК КЕ АҚ Түркістан облысы бойынша филиалының халыққа қызмет көрсету бойынша Қазығұрт аудандық бөліміне өтінішпен жүгіне алады.

И.ТУРДАЛИЕВ,

Қазығұрт АПБ КҚҚТ-ның жетекші

маманы.

                                                                                  

Сыбайлас жемқорлық – қоғам дерті

Дүйсенбі, 12 Қараша 2018 00:00

125

 

Жуырда Қ.Өмірәлиев атындағы орталық кітапханада «Сыбайлас жемқорлықпен күресортақ іс» атты ой-бөлісу кеші өтті.

Кешті орталықтандырылған кітапханалар жүйесі директорының орынбасары Р.Айтубай ашып, елімізде сыбайлас   жемқорлықпен күресуге қатаң талап қойылып отырғанын, сыбайлас жемқорлық еліміздің алға басуына кедергі келтіретінін, қоғамымыздың ең басты қауіп-қатерінің бірі екендігін айтты. Орталықтандырылған кітапханалар жүйесі әдіскері Н.Нышанбаева оқушыларды адал жолға бағыттау, адалдыққа үйрету, өз мемлекетіне жауапкершілікпен қарау, әділдікке тәрбиелеу тақырыптарында ой өрбітті. Кешке Т.Рысқұлов және Қ.Сатпаев атындағы мектеп-лицейлерінің оқушылары қатысты.

Сыбайлас жемқорлық – өте қауіпті жағымсыз әлеуметтік көрініс. Ол еліміздің, қоғамымыздың және   жекелеген азаматтардың мүдделеріне көп зиян келтіреді. Сондықтан, сыбайлас-жемқорлықпен күресуді Қазақстан Республикасы азаматтары азаматтық борышымыз деп білу керек.

Кітапхана қызметкерлері көрме ұйымдастырып, жемқорлық жайында деректі фильм көрсетті.

Г.ӘБДІРАСІЛОВА,

                                                                       кітапханашы.

Жемқорлықтың алдын алайық!

Сейсенбі, 23 Қазан 2018 00:00

 

Мемлекеттік міндеттерді атқаратын, сондай-ақ, соларға теңестірілген адамдардың, лауазымды адамдардың өздерінің лауазымдық (қызметтік) өкiлеттiктерін және соған байланысты мүмкiндiктерiн жеке өзi немесе делдалдар арқылы жеке өзіне, не, үшінші тұлғаларға мүлiктiк (мүліктік емес) игiлiктер мен артықшылықтар алу немесе табу мақсатында заңсыз пайдалануы, сол сияқты игiлiктер мен артықшылықтарды беру арқылы осы адамдарды параға сатып алу сыбайлас жемқорлық болып есептелінеді.

Сыбайлас жемқорлықтың жиі бой көрсететін, ең қауіпті түрі –парақорлық. Бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни, пара беру де, пара алу да үлкен қылмыс деген түсінік барша азаматтық санасында тұруы керек.

Парақорлық мемлекеттік аппараттың қалыпты қызмет етуіне бөгет болып, билік және басқару органдарының беделіне нұқсан келтіреді, заңдылық қағидаларын жоққа шығарып, азаматтардың Конституциялық құқықтары мен заңды мүдделеріне қысымшылық жасайды.

Әрбір азамат өзінің конституциялық құқығын қорғауға міндетті.

Қазақстан Республикасының «Сыбайлас жемқорлыққа қарсы күрес туралы» Заңына сәйкес сыбайлас жемқорлықпен күресті барлық мемлекеттік органдар мен лауазымды тұлғалар жүргізуі тиіс. Сондықтан, ветеринария саласы бойынша туындаған келеңсіз мәселелер жөнінде 2-40-14 сенім телефонына хабарласуыңызға болады.

Е.САДЫҚОВ,

аудандық ветеринария бөлімінің бас маманы.

 

 

 

  

Адамзатқа ертеден таныс сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ.

   Елбасы алға тартқан міндет жергілікті жерлердегі құзырлы органдар мен қоғамдық ұйымдар жұмысының темірқазығына айналып отыр. Елімізде жемқорлықпен және ұйымдасқан қылмыспен күресті күшейту шараларына орай «Сыбайлас жемқорлыққа қарсы күрес туралы» , «Мемлекеттік қызмет туралы» арнайы заңдар қабылданды. Жемқорлықпен күрес арнайы дайындалған мемлекеттік бағдарлама негізінде жүзеге асырылуда.

   Жемқорлық – экономикалық дамуға, нарықтық экономиканы құру кезінде инвестициялар тарту процесін баяулататын демократиялық мемлекетіміздің саяси дәне қоғамдық институтына кері әсер ететін, еліміздің дамуына қауіп төндіретін құбылыс. Жемқорлықпен күрес арнайы дайындалған мемлекеттік бағдарлама негізінде жүзеге асырылуда және жан-жақты, үздіксіз, ашық әрі әділетті түрде жүргізілуі тиіс. Біз сонда ғана алға қойған биік мақсаттарға қол жеткізе аламыз. Сондықтан, қоғамды жегідей жеп жатқан қауіпті індетпен көп болып күресуіміз қажет.

   Қандай да болмасын лауазымды «қолы да, жолы да ұзын» адамдар қызмет өкілеттігін пайдаланып азаматтардың құқығын таптап, заңсыз әрекетке барса, сенім телефондарына хабарласып немесе құқық қорғау органдарына жүгіну керек. Өз алдымызға тәуелсіз мемлекет болып, экономикасы дамыған елдер қатарына өмір сүріп жатқанда, сыбайлас жемқорлықпен күресу – барлық Қазақстан Республикасының азаматтарының азаматтық борышы болуға тиіс.

         Б.ЖАМАЛБЕКОВ,

аудандық құрылыс, сәулет және

қала құрылысы бөлімінің бас маманы.