Бала еңбегін қанауға қарсы 12 күн

Дүйсенбі, 19 Маусым 2017 09:13

Қай халықтың болмасын, елдігін, салт-дәстүрін болашаққа апаратын бүгінгі жас ұрпағы. Біз мемлекет қамқорлығына бөленген білімді, бақытты ұрпақтарды тәрбиелеудеміз. Осы мақсатта «Қазығұрт» жалпы орта мектебінде «Бала тәрбиесіндегі ата-ананың рөлі», «Бақытты отбасы – қоғам байлығы» тақырыбында ата-аналарға семинар-тренинг өткізілді. Балаларға қатысты зорлық-зомбылықтың алдын алу, психологиялық кеңес, «Көше» тақырыбында кең ауқымды рейдтік іс-шаралар жүргізілді. «Бала еңбегін қанауға қарсы 12 күн» тақырыбында кітап көрмесі ұйымдастырылды.

Пәтер ұрлығы ашылды

Дүйсенбі, 05 Маусым 2017 10:05

Қазығұрт елді мекенінде пәтерге түсіп, қымбат заттарды ұрлау ісінің бар екені жасырын емес. Ағымдағы жылы 17-сәуірде П.А. есімді азаматшаның үйіне белгісіз тұлға терезе арқылы жасырын түрде кіріп, бриллиант және алтын әшекей бұйымдарын үптеп кеткен. Сөйтіп, 1260000 теңге материалдық залал келтірген. Әлгі азаматша АІІБ-іне өз уақытында арызданған.
Пәтер ұрлығын жасаған күдікті 2000 жылы туған азамат ұсталды. Оның өзі қылмысын толығымен мойындап, айғақты заттар тәркіленді. Күдіктінің осыдан басқа тағы да 5 дерек пәтер ұрлығын жасағаны да анықталды.
Сөйтіп, АІІБ-і жергілікті полиция қызметінің учаскелік полиция инспекторлары және тергеушінің ерен ерен еңбегінің арқасында бас-аяғы 6 пәтер ұрлығы ашылды.

Ж.ХМАНОВА,
АІІБ-і Штаб тобының аға инспекторы, полиция аға лейтенанты.

Мал ұрлаушылар құрықталды

Дүйсенбі, 05 Маусым 2017 10:03

Қарабау ауыл округіндегі Үшбұлақ елді мекенінің күн батысындағы жайылымынан Қ.А. есімді азаматтың әрқайсысының құны 60000 теңге тұратын екі бас бұзауын белгісіз тұлғалар жасырын түрде үптеп кеткен. Ол дер кезінде АІІБ-іне арызданған.

Оңтүстік Қазақстан облысы бойынша Қылмыстық атқару жүйесі департаменті, Қазығұрт аудандық пробация қызметі бөлімшесінің қызметкерлері тікелей сотталғандармен жұмыс істейді және жүріс-тұрысын қадағалап, жеке индивидуалдық бағдарлама түзеді, әлеуметтік құқықтық көмек көрсетеді, жұмыссыз жүргендеріне жұмысқа орналасуына көмектеседі. Былтыр желтоқсан айының басында «Пробация туралы» жаңа заң қабылданып, қызметкерлердің жұмыстары перспективалы бола бастады. Заңда көрсетілгендей, пенитенцеярлық, поспенитенциярлық сот алды жұмыс істеу арқылы қызметкерлеріміз жұмыс барысында үлкен тәжірибе жинақтауда.

Ата-аналар мен балалардың арасында туындайтын ең өткір сұрақтардың бірі – алимент төлеу. Осы міндетті орындамаған жағдайда мемлекеттің заңдары бойынша әкімшілік, қылмыстық жаза қарастырылған. Мұны борышкерлер білуі тиіс. Дегенмен, әр түрлі сылтаулармен жауапкершіліктен жалтарғысы келетіндер жеткілікті. Бірақ, бір нәрсе анық, заңды орындау парыз.

36-023
Борышкерлерге атқарушылық құжатты орындау үшін ескертулер берілгеніне қарамастан, атқару құжатын орындамаған жағдайда әкімшілік жауапкершілікке тартылады. Әкімшілік жаза түрлері – әкімшілік құқық бұзушылық істерін, олар жөнінде істер бойынша өндіріс қарастыратын өкілетті органдар, сондай-ақ, әкімшілік жаза қолдану туралы қаулыларды орындау тәртібі әкімшілік құқық бұзушылық туралы Кодекспен анықталған. Әкімшілік құқық бұзғаны үшін әкімшілік жауапкершілік заңмен қарастырылады. Бұл ең алдымен, айыппұл, арнайы құқығынан айыру (мысалы, көлік құралдарын басқару құқығы), түзету жұмыстары (екі айға дейін), әкімшілік тұтқындау (15 тәулікке дейін) және т. б. Жаза құқық бұзушылық жасаған күннен бастап, екі айдан кеш қалдырмай қолданылуы керек. Әкімшілік жауапкершілікке тартылған соң да, атқару құжатын орындамаған жағдайда қылмыстық жауапкершілікке тарту үшін хаттама толтырылады. Қылмыстық жауапкершілік – құқықтық жауапкершіліктің бір түрі. Қылмыстық жауапкершілікке тарту қылмыстық іс қозғаудан, тергеуден және сот алқасынан тұрады. Қылмыс жасаған адамға қолданылатын жаза немесе басқа да құқықтық шара қылмыстың табиғаты мен қоғамға қауіптілігінің деңгейіне, қылмыс жасалу кезіндегі жағдайға сай болуы тиіс. Ешкім бір қылмысы үшін екі рет қылмыстық жауапкершілікке тартылмайды.
ҚР Президенті Н. Ә. Назарбаев өзінің «Қазақстан жолы 2050: бір мақсат, бір мүдде, бір болашақ» Жолдауында айтқандай, заң алдындағы теңдік құқық қорғаудың басты негізіне айналуы қажет.

Т. ПИНЖЕБАЕВА,
бөлім басшысы аға
сот орындаушсы.
Заңгерлер одағының мүшесі.

Аудандық сотта семинар өтті

Дүйсенбі, 05 Маусым 2017 09:55

Қазығұрт аудандық сотында ОҚО соттар әкімшісінің ішкі қауіпсіздік және соттардағы сыбайлас жемқорлықтың алдын алу бөлімінің басшысы Е.Сейтқұлов пен ҚР мемлекеттік қызмет істері және сыбайлас жемқорлыққа қарсы іс-қимыл агентігінің ОҚО бойынша департаментінің бас маманы Ж.Әлжанова судьялар мен сот жүйесінің қызметкерлері үшін «Сыбайлас жемқорлықтағы құқық бұзушылықтардың алдын алу және сот жүйесінде сыбайлас жемқорлыққа қарсы мәдениет қалыптастыру» тақырыбында семинар сабағын өткізді.

Қазақстан Республикасының Жоғарғы Соты «Сот кабинеті» сервисінде соттар мен судьялар қызметін сыртқы бағалау жөніндегі пилоттық жобаны (сауалнама) іске қосты.
Сауалнамаға Оңтүстік Қазақстан облысының барлық аудандары мен қалаларында сот талқылауларына қатысушылар ғана респондент ретінде қатыса алады. Олар: талап қоюшылар, өтініш берушілер, жауапкерлер, адвокаттар, прокурорлар, мемлекеттік органдардың өкілдері, сондай-ақ, аталған сервиске тіркелген өзге де тұлғалар.

Отан. Патриоттық сезім. Әскер өмірі. Бұл – қасиетті ұғымдар. Әр азаматтың парызы. Отан алдындағы борышын атқаруға бел буған жастар үшін бұл ұғымның мәні бөлек.

8fff4832a7a748f82a735a6e1af41305
Шарапхана ауылы округі бойынша жастарды әскер қатарына шақыру жайлы Қазығұрт аудандық қорғаныс істері жөніндегі бөлімінен 1995-1999 жылы туылған 150 азаматтың тізімі берілген. Қазір әр азаматқа шақыру қағазы толығымен таратылып, 3 азамат аудандық сараптама комиссиясының қорытындысы бойынша денсаулығының жарамсыздығы жайлы акті алды. 2017-жылы 6 азамат әскер қатарына жіберілді, атап айтқанда, М.Өтемісұлы елді мекенінің 1998-1999 жылғы азаматтары көш бастап келеді, 3 жігіт әскерге кетіп үлгерсе, 3 азамат Шымкент облыстық сараптама комиссиясынан жақсы нәтижемен өтіп, командасын күтіп жүр. Тағы 3 азамат облыстық сараптама комиссиясынан өту үшін құжаттарын дайындап жүрсе, 10 азамат өзінің оқып жатқандығын дәлелдейтін анықтамаларын алып келіп өткізген. 2 азаматтың түрлі жағдайларға байланысты шақыруды кейінге қалдырғандығын ескерсек, арнайы шақыру қағазына немқұрайды қарайтындар да бар. Жалпы таратылған 150 шақыру қағазының 30 пайызы ғана сараптама комиссиясынан өткенін, қалған 100 азаматтың еш себепсіз ұзын арқан, кең тұсауға салынып жүргендігін айта кету керек. Сондай-ақ, әскери құжаттарын басқа жерге ауыстырамын деп шығарып алып, іздестірілуде жүрген 18-27 жас аралығындағы кейбір азаматтарымыз бар. Алайда, Шарапхана ауылы округінде 18-27 жас аралығындағы 750-ге тарта әскери шақырушыларының бар екендігіне жүгінсек, әскер қатарына барушылардан бостан босқа сенделіп, жастарын ұлғайтып, маған бәрібір 27 жасқа толғанда әскери билетті өздері үшін табыстайды деп жүрген, тепсе темір үзетін жігіттеріміз де жетерлік. Әскерге шақыру заңында кейінге қалдырылмайтын, сондай-ақ, оқу орындарынан шығарылған, жасы 27-ге толмаған және белгіленген мерзімде шақырылым бойынша әскери қызметін өтемеген азаматтар шақырылады.
Заң бойынша әскерден үйленгендер, сотталғандар, денсаулығы жарамсыздар, студенттер босатылады. Сондай-ақ, әскер қатарына шақырылушы жалғызілікті ананың баласы оның отбасында өзінен басқа 18 жасқа толмаған бауырлары болмаса және ата-анасы мүгедек болған жағдайда асыраушы ретінде оның әскерге бармауына рұқсат етіледі. Мұндай жағдайда әскерге шақырылушы осыны растайтын құжаттарды жергілікті әскери бөлімге тапсыруы тиіс. Жалпы, түрлі жағдайларға байланысты әскерден босатылғандар жергілікті әскери комиссариатқа жыл сайын анықтама қағазын тапсырып отыруы қажет. Әскерге шақыруды кейінге қалдыру азаматтарға тек бір рет жасалады, әрбір дені сау Қазақстан азаматы Отан алдындағы азаматтық борышын әскери қызметте өтеп келуге міндетті. Жоғарыда айтылғандай себепсіз әскери қызметтен жалтаруға болмайтынын білген жөн.
Қазақстан Республикасы Қылмыстық кодексінің 387-бабында әскери қызметтен жалтару бойынша жаза белгіленген. Мәселен, осы қызметтен босату үшін заңды болмаған кезде әскери қызметке шақырудан жалтару – бір мың айлық есептік көрсеткішке дейінгі мөлшерде немесе сотталған адамның жалақысының, немесе өзге табысының он айға дейінгі кезеңдегі мөлшерінде айыппұл салуға, не бір жылға дейінгі мерзімге қамауға не бір жылға дейін бас бостандығынан айыруға жазаланады.
Нақ сол әрекет бойынша:
а) өзінің денсаулығына зиян келтіру арқылы;
б) ауруды сылтаурату арқылы;
в) құжаттарды бұрмалау, немесе өзге де алдау арқылы жасалса – үш мың айлық есептік көрсеткішке дейінгі мөлшерде немесе сотталған адамның жалақысының немесе өзге табысының отыз айға дейінгі кезеңдегі мөлшерінде айыппұл салуға, не үш жылға дейінгі мерзімге қамауға не үш жылға дейін бас бостандығынан айыруға жазаланады.
Егер әскерге шақырылушы тергеу органы істі сотқа бергенге дейін әскерге шақыру пунктіне өз еркімен келсе, ол қылмыстық жауаптылықтан босатылады.
Мұны жастар білгені жөн. Түрлі сылтаулармен әскери азаматтық борышын өтеуден қашқақтау – ер жігітке лайық емес.

Серікбай ТАСТАНОВ,
Шарапхана ауылы округі әкімі аппаратының жетекші-маман әскери есеп столы инспекторы.

уйӘділет органдарының басты міндеті – төрешілдік, сыбайлас жемқорлық, қағаз әуре-сарсаңы мен әкімшілік кедергілерді жою. Бүгінгі таңда үкімет порталы арқылы әділет органдары да электронды форматта қызмет көрсетеді. Осындай қызметтердің бірі, 2013-жылғы 1-қаңтарда енгізілген жылжымайтын мүлікті электронды тіркеу болып табылады. Ол үшін Қазақстан азаматтары нотариус¬та келісім рәсімделгеннен кейін 1 күн ішінде әділет органдарында өз құқықтарын тіркей алады. Келісімге қол қойылғаннан кейін нотариус сатып алушының жазбаша келісімімен өзінің электронды цифрлы қолтаңбасымен құпталған құжаттарды электронды түрде «Е-нотариат», яғни бірыңғай нотариалды ақпараттық жүйенің бағдарламасы арқылы аумақтық әділет органына жібереді. Жылжымайтын мүлікті сатып алушы келісімге қол қойылғаннан кейін, Қазақстан Республикасы электронды үкіметінің төлем шлюзі арқылы тіркеу үшін алым сомасын төлеуі қажет. Электронды тіркеу үшін азаматтардың электронды цифрлы қолтаңбасы қажет етілмейді. Жылжымайтын мүлікке құқықтарды мемлекеттік тіркеу саласына электронды тіркеуді енгізу мемлекеттік тіркеу мерзімін 5 күннен 1 күнге дейін қысқартты, сонымен қатар жедел тіркеу үшін алым төленбейді. Электронды тіркеудің жеке және заңды тұлғалар үшін ең басты артықшылығы – уақыт пен материалдық шығынның азаюы. Енді нотариуста келісім жасалғаннан кейін азаматтар құжаттарын «Азаматтарға арналған үкімет» мемлекеттік корпорациясына тапсырып, әділет органдарының шешімін күтпейді. Жылжымайтын мүлікке құқықтарды тіркеудің электронды түрі рәсімдеу шараларын түбегейлі жеңілдетіп, кедергілерді жойып, азаматтарға қолайлы жағдайлар туғызуда. Қазіргі таңда осы жеделдетілген мемлекеттік қызмет түрін қолданушылар саны күннен-күнге өсуде.

А.Баратова,
Қазығұрт аудандық әділет басқармасының мұрағатшысы.

Билер жолы бізге үлгі

Сейсенбі, 02 Мамыр 2017 11:07

«Дау мұраты – біту» болса, тәуелсіз Қазақстан тарихында бабалардың осы өсиеті сан тәсілмен жалғасуда. Оны ел заңдарынан анық көруге болады.
Бүгінде медиация, татуластыру институттарының аясы кеңейеді. Судьялар тараптарға қолданыстағы заң талаптарын, бітімгершілік рәсімдерін жан-жақты түсіндіреді. Тараптардың бірі дауды тек сотпен шешкісі келсе, енді бірі сот медиациясына немесе медиаторлар көмегіне жүгінеді.