456 Данабек аким

Мемлекетіміздің Президенті Қ.Тоқаев биыл 20 қарашада елімізде кезектен тыс Президент сайлауын өткізуді ұсынды.
Бұл сайлау еліміздегі жаңа өзгерістер үшін үлесі жоғары саяси науқан болмақшы. Еліміздің тағдыры, Қазақстанның болашағы – әрқайсымыздың қолымызда.
Президент сайлауынан соң Парламент сайлауы бар. Мәжілісте жаңа есімдерді көреміз деген үміт бар. Жаңа адамдармен жаңа леп келіп, Парламенттің ықпалын күшейткені дұрыс. Жаңарған Парламент Үкіметке де тың серпін әкелері анық.
Осылайша, Президент, Парламент, Үкімет қайта түлеп, реформаларды іске асыруға бел шеше кіріспек. Сенім мандатына ие болған соң реформаларды алаңсыз іске асыруға да мүмкіндік туады.
Осы орайда, елдің тұтастығы мен бірлігін нығайту үшін әрбір азамат саналы түрде сайлауға қатысып, дауыс беруі керек. Біздің таңдауымыз – үлкен жауапкершілік. Қазақстанның тұтастығы мен бірлігін сақтауда Мемлекет басшысын дұрыс таңдау ауқымды рөл атқаратыны сөзсіз. Президент сайлауына баршаңызды қатысуға шақырамын. Сіздің дауысыңыз – Жаңарған Қазақстанның жарқын көрінісі.

Данабек ӘЛІБАЕВ,
Алтынтөбе ауыл округінің әкімі.

311738715 3321019301507443 8482973495040604220 n

Қазақстан Республикасы Президентінің 2011 жылғы 20 қазандағы «Қазақстан Республикасындағы кәсіптік және өзге де мерекелер туралы» Қазақстан Республикасы Президентінің 1998 жылғы 20 қаңтардағы Жарлығына өзгеріс енгізу туралы» №164 Жарлығы негізінде, жыл сайын қазан айының соңғы жексенбісінде «Әлеуметтік қорғау жүйесі қызметкерлер күні» мерекесі аталып өтіледі. Осыған орай, мереке қарсаңында Қазығұрт ауданы әкімі Абдуллаев Арман Айдарұлы әлеуметтік салада еңбек етіп жүрген барша азаматтарды құттықтап, ел көңілінен шығып, осы салада нәтижелі жұмыс жасап жүрген бірқатар қызметкерлерді алғыс хатпен марапаттады.

 

АПАТТЫҢ АЛДЫН АЛУ ШАРАЛАРЫМЕН ТАНЫСТЫ

312213669 3322040838071956 4534197302964826957 n

Аудан әкімі Абдуллаев Арман Айдарұлы тиісті бөлім басшыларымен Қазығұрт ауданының орталығын аралап, жауын салдарынан орын алуы мүмкін селдің алдын алу шараларымен танысты. Атап айтсақ, арық-атыздардың тазалығы, су ағатын үлкен каналдарды дұрыс қалпына келтіру, жоласты құбырларының бітеліп қалған тұстарын ашу жұмыстарының нәтижелерін көріп, бақылау жүргізді. Әлі де жұмыс жасау керек тұстарын ескертіп, нақты тапсырмалар берді.


Қазығұрт – ақпарат.

3232 РУСЛАН

Міне, сайлау күніне де біршама уақыт қалды. Бұл жолғы сайлауға, үміткерге артылар сенім өте зор. Сайлауға түсетін кандидаттардың тізімі бүгінде нақтыланды. Орталық сайлау комиссиясының хаттамасында кандидаттың лингвистикалық комиссияның мемлекеттік тілді меңгеруі туралы талаптың қойылуы өте орынды. Бұл мемлекетімізде қазақ тілінің деңгейін арттыруды, құжаттарды қазақ тілінде жүргізуді, ҚР азаматтарының жаппай мемлекеттік тілге құрметпен қарауын көздейді. Демек, тіл мәселесі де сайлаумен қатар оң шешімін табар ең өзекті мәселелердің бірі болғалы тұр.
Халықтың әл-ауқатын, материалдық жағдайын көтеретін, елдің бірлігі мен татулығын ойлайтын, ел еңсесін көтерер Жаңа Қазақстанды құратын президентті халық қашан да қолдайды.
Жаңа Қазақстанды бірге өркендететін, халыққа берген уәделерін міндетті түрде орындайтын, әр азаматқа бірдей мүмкіндік беретін әділ әрі дамыған мемлекет болуды аңсайтын халық 20 қарашада өз таңдауын жасайды.
Биыл өтіп жатқан Президент сайлауы елімізге ерекше серпіліс әкелетіндігіне сенім мол. Олқылықтарға орын бермей, халықтың еркін таңдау жасауының пайдасы көп және бұл елімізге көз тігіп отырған көптеген шет мемлекеттердің назарын аударып отырғаны аян. Өйткені әлемде болып жатқан қақтығыстар, көрші елдегі жойқын соғыстар кім-кімді де ойландырмай қоймайды. Осы ретте бейбітшілік пен тұрақтылық мемлекеттің басты құндылығы екенін айқын сезінесің. Біз ел үмітін ақтауға дайын кандидаттардың ұсынып отырған Қазақстанның тұрақтылығы мен өркендеуіне негіз болатын сындарлы саясаттары мемлекетімізді түрлі қиындықтан алып шығатынына, жарқын болашаққа жол салатынына ерекше сенім артамыз.

Руслан АЛДАБЕРГЕН,
Қарабау ауылы округі
әкімі іс басқарушысы.

100 DJI 0482

Үлкендерге құрмет көрсету қазақ халқының мәдениеттілігі мен тәрбиелігін сипаттайтын қасиет. Сондықтан халқымызда «Қартын сыйлаған елдің – қазынасы мол» деген ұлағатты сөз қалыптасқан.
Жуырда аудан әкімі Арман Айдарұлының ұйымдастыруымен және аудандық ардагерлер кеңесінің төрағасы Аманбай Омаровтың басшылығымен аудандық, ауыл округтік ардагерлер кеңесінің және әжелер алқасының бір топ мүшелері көршілес Қызылорда облысында орналасқан «Қорқыт ата» кешеніне зиярат жасау үшін арнайы барды.

4c84da5f-56df-48ff-82b3-b1880b61b207
«Қорқыт ата ескерткіш кешені» Қармақшы ауданына ғана емес, күллі түркі халықтарына ортақ тарихи және мәдени, рухани құндылықтар қатарында саналатын нысан, Сыр бойындағы сәулет өнері ескерткіштерінің әрі киелі орындардың бірі. 1997-жылы ескерткішті қалпына келтіру, жөндеу жұмыстары жүргізіліп, ­амфитеатр, қылует, қошқар мүсінінен тұратын тұтас сәулеттік ансамбль жасалған. Ал 2000-жылы кешен жанынан Қызылорда облыстық тарихи-өлкетану музейінің филиалы ретінде Қорқыт ата музейі ашылды. Музей қорында Қорқыт ата туралы материалдармен қамтамасыз етілген 2500-ге жуық экспонат сақталған. Онда Қорқыт ата өмір сүрген дәуірдің тарихы мен мәдениеті жайлы ауқымды мәлімет қоры бар.

57852aa6-6c8d-4bc3-bcf7-52303cb4e131
Екі күнге созылған зиярат сапарында қазыналы қарттарымыз Қорқыт ата кешеніне арнайы зиярат жасап, бабалар рухына Құран бағыштады. Сондай ақ, кесене жанындағы мұражайда болып, Қорқыт ата өмір сүрген дәуірдің тарихы мен мәдениеті жайлы мәліметтермен танысты. Ал, әжелеріміз дәстүрге сай киініп, ұлттық салт-дәстүрді насихаттап, жұртқа өнеге болар әңгімелерін айтып, барша жастарға үлгі көрсетті.

Ғалымжан ҚҰРАЛОВ.

ҚАРАПАЙЫМ КӨПЕЕВ

Жұма, 04 Қараша 2022 00:00

20190404 152949

Сәулелі ізімен жөн сілтеп жүрген жандар көп. Соның бірі тумысынан қарапайым, өмірі мен атқарған еңбектері жас буынға ғана емес, өзімен бірге қызметтес болған әріптестері мен жанында жүрген өзге замандастарына да өнеге бола алатын Қазығұрт аудандық мәслихатының хатшысы Өрісбай Бұхарұлы Көпеев. Ол күні кеше «Пайғамбар жасқа» толған, отбасында үш ұл мен немерелерді тәрбиелеп отырған бақытты жанұяның отағасы болумен қатар ел басқарып отырған ел ағасы, Қазығұрт ауданының Құрметті азаматы.
«... Жүрген соң баурайында күнде көріп,
Таулардың биіктігі байқалмайды» - демекші, Өрісбай Көпеев жайлы жазу маған әрі оңай, әрі қиын. Оңай дейтінім, ұстаз Өрекең мен хатшы Көпеевтің өсу жолдары менің көз алдымда өтіп жатыр. Мен білмейтін сырымыз да, жырымыз да жоқтың қасы десем де болады.
Ал, қиын дейтінім, елді елдікке, мемлекетшілдікке, ынтымақ пен бірлікке шақырып, ұлттық құндылықтарды ұлықтап, жас ұрпақты отаншылдық рухта тәрбиелеуге, қара халықты еңбексүйгіштікке шақырып, елдің, жердің гүлденіп, Жаңа Қазақстанның дамуы жолындағы атқарып жүрген қалтқысыз қызметін қаз-қалпында елге жеткізу.
Дей тұрғанмен, өзінің қарапайым қасиеті мен тектілікті, ірілік пен іскерлікті пір тұтқан, есімі жақсылар мен жайсаңдардың қатарында аталып жүрген Өрекең жайлы жазуға тоқталдым.
Көпеев Өрісбай 1959 жылдың 24 қазанында Қазығұрт ауылында қарапайым отбасында өмірге келген. 1966 жылы Қ.Сәтпаев атындағы мектептің табалдырығын аттап, 1976 жылы сол мектепті үздіктер қатарында бітіріп шыққан. Еңбек жолын қарапайым жұмысшылықтан, яғни 1976-1978 жылдар аралығында аудандық ауыл шаруашылығы техникаларын жөндеу мекемесінде жабдықтарды жөндеуші слесарь болып бастаған. 1980 жылы КСРО Қарулы күштері қатарына шақырылып, Отан алдындағы әскери борышын Қырым жарты аралындағы Севастополь, Владивосток қалаларында, Камчатка жарты аралындағы Петропавлск-Камчатскі қаласында, Вьетнам Социалистік ­Республикасында абыроймен атқарып «Достық медалімен» марапатталған. Тіпті, Қазақстандағы ең жоғарғы оқу орны Қазақ Мемлекеттік университетіне оқуға жолдама берген. Сол жолдамамен 1980 жылдың қарашасында ҚазМУ-дің дайындық бөлімінің тыңдаушысы атанып, 1981 жылы осы университеттің тарих факультетіне студент болып қабылданады. 1986 жылы университетті үздік бітіріп шыққан Өрекең жолдамамен Жамбыл облысының Жуалы ауданындағы Н.Крупская атындағы орта мектебіне тарих пәнінің мұғалімі болып жайғасады. Үш жылдан астам еңбек етіп, 1989 жылы туған жердің топырағына өзі оқып бітірген Қ.Сәтпаев мектебіне тарих пәнінің мұғалімі болып ауысады. Үлгілі еңбегінің нәтижесінде 1994-1997 жылдар аралығында мектеп директорының тәрбие ісі жөніндегі, оқу тәрбие жөніндегі орынбасары қызметтерін, 2000-2002 жылдарда «Орталық саябақ» мемлекеттік коммуналдық қазыналық кәсіпорнының директоры, 2002 жылдың мамыр айынан Т.Рысқұлов орта мектебі, 2007 жылдан «Болашақ» мектеп-гимназиясының, 2013 жылдан Қ.Сәтпаев мектеп-лицейлерінің директоры қызметтерін абыроймен атқарды. 2016 жылы Қазығұрт аудандық мәслихатының алтыншы шақырылымындағы сайлауға «Нұр Отан» партиясының ұсынуымен түсіп, депутат болып, сол жылғы наурыздағы аудандық мәслихаттың №1/3-VI шешімімен аудандық мәслихат хатшысы болып сайланды.
Өзінің білімді де, біліктілігімен ел басқарудағы тәжірибесінің нәтижелілігінің арқасында 2021 жылғы қаңтарда мәслихаттың жетінші шақырылымында да халық қолдап, депутат болып, аудандық мәслихаттың хатшысы болып қайта сайланды.
Кісілігінен кішілігі басым Өрісбай Көпеевті ел сыйлайды. Ауданда өзіндік беделге ие. Тіпті, облыстағы әріптестері арасында да салмағы басым, өзіндік орны бар азамат. Өрекеңнің ел үшін еткен еңбектері де ересен. Мәселен, өзі тарихшы болғандықтан ба бәлкім, өзі директорлық қызмет атқарған барлық мектептерде өлке тарихы мен ауданнан шыққан өр тұлғалы азаматтардың өмірдеректері мен фотосуреттерін жинақтатып, сол мектептердің бір бөлмесінен музейлер ашуды дәстүрге айналдырған болса, аудан хатшысы қызметін атқарып келе жатқан соңғы жылдар көлемінде де аудан орталығынан ашылып жатқан көптеген тарихи, мәдени нысандардың ашылу жолында да Ө.Көпеевтің қолтаңбасы мен ықпалы ерекше. Басқа-басқа аудан орталығынан ашылған «Отбасылық аллея» мен «Ұстаздар аллеясы», орталық саябаққа қойылған «1979-1989 ж.ж. Ауғанстан ұрысы», «1988-1992 ж.ж. Таулы Карабахтағы этносаралық қақтығыс», «1993-2001 ж.ж. Тәжікстан-Ауғанстан шекарасы іс-қимыл», «2003-2011 ж.ж. Ирак операциясы» сынды оқиғаларға қатысып, ерлікпен қаза тапқан жерлестердің рухына арналған ескерткіш тастар тікелей Өрекеңнің бастамасымен бой көтерген десек жаңылыспаймыз. Сондай-ақ, өзі халық қалаулысы болғандықтан болар, хатшы болып қызметке кіріскен алғашқы күннен бастап-ақ, халық пен биліктің арасына алтын көпір орнатып аудан әкімімен бірлесіп, әсіресе, бұрыннан мемлекет тарапынан беріліп келген марапаттар мен орден, медаль, атақтарды адал еңбегімен ел құрметіне бөленген азамат, азаматшаларға бергізуге атсалысуда. Тіпті, соңғы бірер жылда, аудан әкімі болып туған жердің тумасы Абдуллаев Арман Айдарұлы келгелі Ө.Көпеевтің бұл бастамасы жандана түсті. Өйткені жас әкім де мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты қазақстандықтарға арнаған Жолдауындағы «Маңызды шешімдер жұртшылықтың қатысуымен ашық қабылданады. Өйткені, мемлекет әр азаматтың үніне құлақ асады. Адал еңбек, озық білім және үздік тәжірибе әрдайым жоғары бағаланады» деген сөйлем жолдарын басшылыққа алып, ең алдымен аудан әкімдігі жанындағы марапат тапсырушы комиссияның құрамын әрбір саланың тәжірибелі де, білікті мамандарымен алмастырып және ол комиссия бір жыл ғана жұмыс атқаратындай етіп қойды. Яғни, комиссия мүшелері жыл сайын алмасып отырады. Бұның өзі бұрыннан қатып қалған қағиданың ыдырап, ауданға еңбегі сіңген нағыз азаматтардың марапатталуына бір қадамда болса ықпалы тиіп жатқан жайы бар. Алдағы кезде де Өрекеңнің ел дамуымен қоғамның өркендеуіне қосар үлесі артпаса кемімес деген ойдамыз.
Ел үшін еткен еңбек, төккен тер ескерусіз қалған емес. Кеудесінде Кеңес әскерлері сапында жүргенде тағып келген Вьетнам Социалистік Республикасының «Достық» медалі мен «Ы.Алтынсарин» төсбелгісі, «ҚР-ның Тәуелсіздігіне – 20 жыл», «Қазақстан Мәслихаттарына – 25 жыл» мерекелік медальдары жарқыраса, онан өзге де ҚР Президентінің «Алғыс» хаттары мен Құрмет грамоталары жеткілікті.
Иә, «Жақсының жақсылығын айт – нұры тасысын, жаманның жамандығын айт – құты қашсын» – деген, даналық сөз бар. Біз бүгін Пайғамбар жасқа толған қарапайым Өрісбай Көпеевтің еңбек жолдарын елге жеткізгендей болдық. Мерей жасыңыз құтты болып, өрісіңіз кеңейсін, Өреке! Ұрпағыңызбен мың жасаңыз!

Райымбек АЙТУБАЙ,
Қазақстан Журналистер
Одағының мүшесі,
Қазығұрт ауданының
Құрметті азаматы.

Адамзатқа ертеден таныс сыбайлас жемқорлық – заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ.
«Сыбайлас жемқорлыққа қарсы іс-қимыл туралы» заң қабылданғаннан бері сыбайлас жемқорлыққа қарсы іс-әрекеттер дәйектілікпен жүзеге асырылуда. Осы бағыттағы шаралар мен көкейтесті мәселелерді шешуде заңдылықты жетілдіру жұмыстары тұрақты түрде жүргізіліп келеді. Жалпы алғанда, қабылданған кешенді шаралар нәтижесінде сыбайлас жемқорлық көрністерінің азаюы байқалады. Сыбайлас жемқорлықтың жиі бой көрсететін, ең қауіпті түрі – парақорлық. Бірінші кезекте пара берудің себептерін, пара алудың жағдайларын түп-тамырын жою үшін қоғам болып белсенділік танытуымыз қажет. Яғни, пара беру де, пара алу да пайдалы болмайтындай, үлкен қылмыс ретінде саналатындай жағдай, қоғамдық сана қалыптасуы қажет. Парақорлық мемлекеттік аппараттың қалыпты қызмет етуіне бөгет болып, билік және басқару органдарының беделіне нұқсан келтіреді, заңдылық қағидаларын жоққа шығарып, азаматтардың конституциялық құқықтары мен заңды мүдделеріне қысымшылық жасайды. Парақорлықтың алдын алу, жолын кесу, ашу және тергеу жұмыстары жоспарлы түрде жүзеге асырылып келеді. Бүгінгі таңда әлеуметтік аурудың алдын алу және әшкерелеу үрдісі жылдан жылға өсе түсуде. Парақорлықпен елімізде көбіне-көп қолында билігі бар, шешім шығаруға, бөліп бергізуге өкілеті жететін қызметкерлерінің айналысып отырғанын көресетіп берді. Қазақстан Республикасының «Сыбайлас жемқорлыққа қарсы іс-қимыл туралы» заңын сәйкес сыбайлас жемқорлықпен күресті барлық мемлекеттік органдар мен лауазымды тұлғалар жүргізуі тиіс. Мемлекеттік органдардың, ұжымдардың, жергілікті өзін-өзі басқару органдарының басшылары өз өкілеттігінің шегінде өздерінің кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті деп көрестілген. Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтармен айналысуының негізгі себептері мыналар болып табылады: - мемлекеттік қызметшілердің құқықтық білім дәрежесінің төмен болуы; - құқық бұзушылыққа немқұрайды қарайтын, қызметтік тәртібі төмен кейбір мемлекеттік органдар; -кейбір мемлекеттік қызметшілердің мемлекет мүддесін емес, өзінің жеке басының жайын күйттеуі; - кейбір мемлекеттік орган басшыларының сыбайлас жемқорлық қылмысқа қарсы заң талаптарын орындау жөніндегі жұмысының мардымсыздығы; Әрине, сыбайлас жемқорлық сылып тастайтын сыртқы жара емес, бұл тамырын тереңге жайған, өзге сау органдарын шырмап, тыныс-тіршілігін тарылтатын, сөйтіп олардың толыққанды қызмет етуіне қатер төндіретін қауіпті кесел. Оны емдемес бұрын аурудың пайда болу, даму, таралу жолдарын біліп, дерттің қозуына қолайлы жағдай тууына жол бермеу керек. Ол үшін бұл ауруға қоғам болып қарсы тұруымыз қажет. Яғни бұқара көпшілік тарапынан сыбайлас жемқорлық көрністеріне қолдан келгенше тосқауыл қойылып, қолында билігі бар азаматтар осы жолда өзгелерге үлгі болуы тиіс. Сонда ғана халық сенімінің үддесінен шығатынымыз сөзсіз.

У.САПАРОВ,
Қазығұрт ауданы бойынша Мемлекеттік
Кірістер басқармасының бас маманы.

all F-3-1024x713

Осындай мәртебеге ие болған тарихи маңызы зор ерекше күн осы 25-ші қазан болып табылады. Дәл осы күні еліміз егеменді, тәуелсіз, зайырлы азат ел болып жарияланды. Ол декларация 1990-жылы осы атаулы күн — 25 ші қазанда жарияланып, дербес Қазақстан Республикасы ресми түрде өмірге келді десек қате айтқанымыз емес. Өйткені, тәуелсіздік жолында қаншама қан төгіліп, қаншама жазықсыз жандар жазаланды десеңізші. Сол қиындықтардың жемісін берген күн осы 25-ші қазан болатын. Бұл күн қаншама жылдан бері мемлекеттік мерекелер қатарынан алынып тасталғанмен Президентіміз Қасым-Жомарт Кемелұлының арқасында мемлекеттік мерекелер қатарына қайта қосылып мәртебеміз өсіп жатыр. Бұл күн ерекше тарихы бар маңызды күн. Бұл күнді ұмытпау, бұл күнді ұлықтау әрбір адамның парызы. Қазақ елінің бір тұтастығын сақтауға, ынтымағы мен бірлігін арттыруға еліміздегі әрбір ұлттың міндеті деп білем.
Қазақтың әрбір азаматы еліміздің бір тұтастығын сақтауға, ел тынышын сақтауға міндетті. Түрлі қиындықтардың арқасында қол жеткізген, қазақ елінің зайырлы, құқықтық мемлекет болып жарияланған күні, яғни Республика күні баршаңызға құтты болсын! Көк Туымыз көгімізде желбіреп, Әнұранымыз әуелетіп шырқалып, Елтаңбамыз төрімізде жарқырап тұра берсін!

Эльмира ОРЫНБАЕВА,
Қазығұрт аудандық пробация қызметінің
аға инспекторы әділет капитаны.

789Ержан

Биыл Қазақстан 13 жылдан кейін алғаш рет Республика күнін тойлайды. Бұл күн мереке қатарынан алынып тасталғанымен, биыл Президент Қасым-Жомарт Тоқаев оны қайтадан атаулы күндердің бірі етіп бекітті.
Мереке тарихы алғаш рет Республика күні мемлекеттік мереке болып 1995-жылы қазанда жарияланды. Бұл жарлыққа Елбасы Нұрсұлтан Назарбаев қол қойған болатын.
25-қазан – Республика күні болып кездейсоқ таңдалған жоқ. 1990- жылдың дәл осы күні Декларация қабылданған болатын. Декларацияда Қазақ Кеңестік Социалистік Республикасының егемендігі жарияланып, Қазақстанның тәуелсіз мемлекет ретіндегі саяси-құқықтық негіздері жарияланды. Егеменді мемлекеттіліктің іргелі қағидаттары ретінде Қазақстанның жеке территориясы, азаматтығы, мемлекеттік бюджеті, халықаралық қатынастардағы дербестігі, мемлекеттік рәміздері бекітілді. Ал 2009-жылы аталған заңға өзгерістер енгізілді. Сөйтіп, 30 тамыз - Қазақстан Республикасының Конституциясы күні, ұлттық мереке болып жария етілді. Ал Республика күні мемлекеттік мерекелер тізімінен алынып тасталды және бұл әдеттегі жұмыс күніне айналды.
Республика күнінің мәртебесі қалай қайтарылды? 2022-жылдың 16-шілдесінде Ұлттық құрылтайда Қазақстан Президенті Қасым-Жомарт Тоқаев ұлттық мереке мәртебесін Республика күніне қайтаруды ұсынды. «Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек", – деді Қасым-Жомарт Тоқаев.
Қыркүйек айының ортасында Қазақстан Республикасының Парламенті "Қазақстан Республикасындағы мерекелер туралы" заңға түзетулер енгізді. Құжатқа сәйкес, Республика күні яғни 25-қазан – ұлттық мерекеге, ал Тәуелсіздік күні яғни 16-желтоқсан – мемлекеттік мерекеге айналды. Республика күнін мемлекеттік мереке мәртебесіне қайтару маңызды және тарихи шешім деп білеміз. Бұл - тарихи және өте маңызды шешім. Еліміздің тәуелсіздігі шынымен де осы күннен басталады. Сондықтан, бұл күнді мемлекеттік мереке ретінде бекіту мемлекеттілік пен егемендік тұрғысынан маңызды қадам болып табылады. Болашақта бұл мереке тәуелсіздікті дәріптеп, нығайтуға септігін тигізеді деп сенеміз.
Премьер-министр Әлихан Смайылов қазан айының басында қол қойған үкімет қаулысына сәйкес, биыл Республика күніне орай қазақстандықтар бірден үш күн демалады. Яғни 23, 24 және 25 қазан демалыс күні болып саналады. Ал 22 қазан, сенбі - жұмыс күні болып есептеледі. Биыл 25 қазанда еліміздің ұлттық мерекесі ретінде алғаш рет Республика күні аталып өтеді. Демалыс күнін ауыстыру жұмыс істейтін қазақстандықтарға мереке кезінде демалысын алдын ала жоспарлауға мүмкіндік береді.

Ержан ДӘУЛЕТОВ,
аудандық музейдің әдіскері.

ЕГЕМЕНДІГІМІЗ МӘҢГІ ЖАСАСЫН!

Сенбі, 22 Қазан 2022 00:00

456Акжол

Президент Қ.К.Тоқаев Республика күні елдің мемлекет құру жолындағы тарихи қадамының символы болуы керек екенін айтты. "Ұлттық мерекелер мен атаулы күндер тізбесіне бірқатар өзгеріс енгізген жөн. Мен Республика күніне ұлттық мереке мәртебесін қайтаруды ұсынамын. Сондықтан, қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек", - деді Қ.К.Тоқаев Ұлытауда өткен Ұлттық құрылтайдың отырысында. Сондай-ақ, Президент 1990-жылы 25-қазанда Қазақстанның егемендігі туралы декларация қабылданғанын еске салды. «Әрине, Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ, тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек", - деді Қ.К.Тоқаев.
25 қазан – Қазақстанда Республика күні, мемлекеттік мереке! 1990 жылы қазан айының 25-і күні Қазақ КСР Жоғарғы Кеңесінің шешімімен «Қаз КСР-нің мемлекеттік егемендігі туралы» декларация қабылданды. Сол сәттен бастап-ақ егеменді Қазақстан өзіндік көзқарасы бар жеке мемлекет ретінде таныла бастады. Қабылданған декларация Қазақстанның болашақ тәуелсіздігінің іргетасы саналды. Бұл декларацияның қабылдануымен егемендігін мәлім ететін жеке территориясы, азаматтығы, мемлекеттік бюджеті, халықаралық қатынастардағы дербестігі, мемлекеттік рәміздерімі бекітілді. Қазақстанның егемендігі және территориясының тұтастығы саяси, құқықтық және экономикалық тұрғыдан дәйектелді. Осы кезден бастап демократиялық қоғам құру мақсатында ел ішіндегі қоғамдық-саяси құрылымға біраз өзгерістер енгізіле бастады. Бұл акт арқылы әлем картасындағы жаңа мемлекет – Қазақстан Республикасының негізі қаланды. Қазір бұл күн мемлекеттік масштабта атап өтіліп, мереке ретінде тойланады. 2001-жылы 13-желтоқсанда қабылданған «Қазақстан Республикасындағы мерекелер туралы» №267 заң бойынша бұл күн мемлекеттік мерекелер қатарына қосылды.
Олай болса, алдағы келе Республика күні құтты болсын, тұғырымыз мықты, ел іші тыныш, ынтымақты ел болып, егемендігіміз мәңгі жасасын!

Ақжол МЫРЗАБЕКОВ,
аудандық соттың бас маманы,
сот мәжілісінің хатшысы.

123Боранкул

Мемлекет басшысы кезектен тыс сайлау күнін белгілеп, Жарлыққа қол қойды. ҚР Президентінің кезектен тыс сайлауы биыл 20 қарашада өтпек. Президенттік мандат мерзімі бес жылдан жеті жылға ұзартылды. Сондай-ақ, тек бір рет қана сайлану құқығы берілді. Бұл өзгерісті Жаңа Қазақстан құрудың бастамасы деп ұқтық.
Рас, қазір саяси реформалардың серпіні сезіледі. Ол реформалардың нәтижесін халық айқын сезініп келеді. Әрі оның жүзеге асырылуына әрбір қазақстандық қал-қадірінше үлес қосып жүр. Бастысы, бұл бастамалардың елдің қоғамдық-саяси өміріндегі жаңаруға жол ашады. Адалдық, теңдік сияқты принциптерге негізделген бұл реформалардың түпкі мақсаты Президент айтқан «Әділетті Қазақстанды» құру екені айқын.
Енді Президент, Үкімет, парламент, мәслихат барлығы қайта құрылады. Бұл жүзеге асатын іргелі өзгерістердің бастамасы. Осылайша, билік тармақтары арасында тиімді тепе-теңдік орнамақ. Сарапшы мамандардың пікірінше, мерзімінен бұрын сайлау өткізу - геосаяси тұрақсыздық жағдайында экономиканың әлсіреу қаупін барынша азайтады.
Мемлекет басшысы өз Жарлығында: «ҚҚР Үкіметі кезектен тыс президент­тік сайлауды ұйымдастырушылық, материалдық-техникалық және қаржылық қамтамасыз ету жөніндегі қажетті шараларды қабылдасын. Орталық, аумақтық және учаскелік сайлау комиссияларына кезектен тыс президенттік сайлауды ұйымдастыру мен өткізу мәселелерін шешуде жан-жақты көмек көрсетсін», – деді. Демек, енді өңірлерде сайлау учаскелерінің дайындығы басталады. Саяси партияларды тіркеудің оңтайлануы, партиялық тізіммен қоса мажоритарлық негізде жекелеген адамдардың өзін-өзі ұсыну мүмкіндігі сайлаудың әділ өтуіне бастайтын бірден-бір қадам деп санаймын.
Кезектен тыс сайлау – жекелеген топтың немесе адамның мүддесі үшін емес, еліміздегі басталған оң өзгерістер мен Жаңа Қазақстан үшін аса қажетті шара. Бастысы, бұл саяси науқанда ел азаматтарының белсенділігі маңызды. «Мен бармасам да өтетін сайлау» деген пікірден арылу керек. Мемлекеттегі, қоғамдағы өзгеріс – әр адамның өзінен басталады. Демек, елдегі саяси науқанда белсенділік таныту – азаматтық ұстаным, тіпті парыз деуге де болады.

Боранкүл ЖАНТАСОВА,
аудандық «Әжелер
алқасының» мүшесі.