ОҚЫТУ СЕМИНАРЫ ӨТТІ

Жұма, 20 Мамыр 2022 00:00

06-8

Мемлекет басшысы Қасым-Жомарт Тоқаев ел Конституциясына түзетулер жобасы бойынша республикалық референдум өткізу туралы Жарлыққа қол қойып, ағымдағы жылдың 5-маусымында республикалық референдум өтетінін мәлімдеген болатын.
Қазақстанда соңғы рет референдум 1995-жылы қазіргі Конституция бекітілген кезде өткен болатын. Бұл – ел Конституциясының, конституциялық заңдарының және мемлекет тіршілігінің өзге де неғұрлым маңызды мәселелері жөніндегі шешімдері бойынша бүкілхалықтық дауыс беру болып табылады.
Референдумның нәтижесінде Конституцияның үштен бір бөлігі толығымен жаңарады. Нақтырақ айтқанда, Ата заңның 33 бабына 50-ден астам ауқымды толықтырулар енгізіледі.
Жуырда аудандық мәдениет сарайында республикалық референдумды ұйымдастыру мен өткізудің құқықтық негіздерін түсіндіру бойынша аумақтық және учаскелік референдум комиссияларының мүшелеріне арналған «Республикалық референдум: құқықтық негіздері мен референдум комиссияларының жұмысын ұйымдастыру» атты оқыту семинары өтті.
Семинарға аудандық аумақтық референдум комиссиясының төрағасы Р.Бөбетов, аудандық аумақтық, учаскелік референдум комиссияларының төрағалары және мүшелері толық қатысты.

06  -  2
Семинар барысында 2022-жылғы 5-маусымға тағайындалған республикалық референдумның мәні, референдум туралы заңнама, республикалық референдумға дайындық және оны өткізу процесінің ерекшеліктері, референдум туралы заңнаманы бұзғаны үшін жауапкершілік туралы негізгі түсініктер берілді.
Семинар соңында аудандық референдум комиссиясының және уәкілетті мемлекеттік органдардың өкілдері семинарға қатысушылардың сұрақтарына толыққанды жауап берді.

Олжас ЗАИРОВ.

281145522 314644677521107 2621078881387208357 n

Түркістан облысының Қазығұрт ауданында «Әлем таныған қаржандық қос ғалым» атты ғылыми конференция өтті. Ол 130-дан астам ғылыми еңбегі, 8 ірі монографиясы жарияланып, ғылымға сүбелі зор үлес қосқан Өнер Жамаловтың 110 жылдығы және «Өзбекстанға қызмет сіңірген экономист» Қажыәкбар Сәлімұлының 90 жылдығына байланысты ұйымдастырылды.
Қазығұрт ауданының әкімі А.Абдуллаев конференцияда Өнер Жамалов пен Қажыәкбар Сәлімұлының еңбек жолдарына тоқталып, ауданнан шыққан ғалымдарды мақтаныш етіп, кейінгі жас ұрпақты осы бағытта тәрбиелеу керектігін айтты. Конференция барысында Түркістан облысының Құрметті азаматы М.Ильясов, П.Жамалов және өзге де зиялы қауым өкілдері баяндама жасады.
Іс-шара барысында академик Өнер Жамаловтың ескерткішіне гүл шоқтары қойылып, арнайы бұрыш ашылды. Профессор Қажыәкбар Сәлімұлы атындағы география дәрісханасының және Нұрғали Исабаев атындағы математика дәрісханасының тұсаукесері өтті.
Конференция барысында Алтынтөбе ауылдық округі мектептерінің арасында алдын-ала өткізілген пәндік (физика-математика) олимпиада жеңімпаздары марапатталды.

Түркістан облысы әкімінің баспасөз қызметі.

 182    Тілдер орталығы

Көрнекі ақпарат мәселелері бо­йынша бірқатар заңнамалық актілерге өзгерістер мен толықтырулар енгізілді (2021 жылғы 29 желтоқсанда № 94-VII ҚР Заңы).
Заң аясында Қазақстан Республикасының 16 заңнамалық актісіне түзетулер енгізілді.
«Қазақстан Республикасындағы тіл туралы» ҚР Заңының 19-бабы:
- Әкімшілік-аумақтық бірліктер­дің, елдімекен­дердің құрамдас бөліктерінің, сондай-ақ, басқа да физикалық- географиялық объектілердің дәстүрлі, тарихи қалыптасқан қазақша атаулары мемлекеттік тілде жазылады (облыс, аудан, ауылдық округ, қала, кент, ауыл, шағын аудандар, даңғылдар, көшелер, саябақтар, т.б.).
«Қазақстан Республикасындағы тіл туралы» ҚР Заңының 21-бабы:
- Деректемелер мен көрнекі ақпараттың мәтіндері орфография нормалары және мәтіннің тең түпнұсқалы аудармасы сақтала отырып жазылады.
- Мемлекеттік емес ұйымдардың маңдайшалары мен бланкілері мемлекеттік тілде, қажет болған кезде орыс тілінде және (немесе) басқа тілдерде де орналастырылады. Қазақстан Республикасында қорғалатын, мемлекеттік емес ұйымдардың маңдайшаларында пайдаланылатын тауар белгілері өзгеріссіз жазылады.
- Егер, Қазақстан Республикасы ратифи­кациялаған халықаралық шарттарда өзгеше көзделмесе, жол белгілеріндегі жазбалар мемлекеттік тілде жазылады.
- Егер, Қазақстан Республикасы­ның заңнамалық актілерінде өзгеше көзделмесе, хабарландырулар, жарнамалар, прейскуранттар, баға көрсеткішері, ас мәзірлері, нұсқағыштар және басқа да көрнекі ақпарат мемлекеттік тілде, қажет болған жағдайда орыс және (немесе) басқа тілдерде жазылады.
Бұған дейін көрнекі ақпараттарда мемлекеттік және орыс тілдерін қолдану міндетті болып келсе, жаңа заңмен тек мемлекеттік тілді қолдану міндеттелді.

Н.ТӘҢІРБЕРГЕНОВ,
аудандық "Тілдерді оқыту
және дамыту орталығы"
КММ директоры.

280949938 314693167516258 5740320670580302439 n

Қазығұрт ауданы, Қазығұрт ауылы округінде нөсер жауын салдарынан су басқан үйлердің аулаларын, қора жайларын тазартуға еріктілер жәрдемдесуде. Қазіргі таңда 13 көшедегі 66 тұрғын үйдің ауласынан су өткені анықталды.

280762693 314693154182926 2199652854818024119 n

Жедел әрекет ету барысында 14 мамыр күні аудан әкімдігінен 3 мотопомпа, 32 қызметкер және көрші аудандағы төтенше жағдай бөлімдерінен 5 мотопомпа, 2 техника көмекке жеткен. Сондай-ақ аудан жастарынан құрылған еріктілер және жергілікті Жастар орталығының мамандары, аудан, ауыл әкімдіктері мен тиісті мекемелерден 120 адам, аудандық білім саласының өкілдерінен 150 адам зардап шеккен тұрғындарға ерікті түрде көмектесуде.

Түркістан облысының
Өңірлік коммуникациялар қызметі

Екінші дүниежүзілік соғысы кезіндегі ең қанқұйлы ауыр шайқастардың бірі – Мәскеу маңындағы Ржев қаласының түбінде орын алды. Фашистер 1942-жылдың 8-қаңтарында қалаға басып кірді. Алайда қазақтың қайсар жігіттерінен құралған 100-інші және 101-інші жеке атқыштар бригадасы жау жолына бөгет болды. Алматыда 1941-жылы 20-желтоқсанда жасақталған 100-інші жеке атқыштар бригадасының құрамында қызмет еткен біздің жерлесіміз, өте жігерлі, сондай отты, қайсар мінезді шарбұлақтық Боранбай Ысмайылов та сол Ржев қаласындағы жаудан қорғану мезгілінде әскери тапсырмаларды үлгілі орындап, ерен жанкештілік ерлік ісімен көзге түскен еді.
Он бес айға созылған азапты шайқастың сегіз айы тоқтаусыз неміс әскерлеріне төтеп берумен өтті. Бірінші Ржев-Сычёв операциясының Калинин шебін генерал-полковник И.С.Конев, ал Батыс шебін армия генералы, атақты қолбасшы Г.К.Жуков басқарды. Олар генерал-полковник В.Модель басқарған немістің 9-армиясына қарсы соғысты. Сонымен бірге, осы кезде генерал-фельдмаршал Г.Фон Клюге басқарған фашистік «Орталық» тобы кеңес сарбаздарына қарсы тоқтаусыз соғысқа көшкен болатын. Алайда кеңес сарбаздары Мәскеу мен Туль облыстарын, сондай-ақ Калинин және Смоленск облыстарының біраз ауданын аса қаһармандықпен қорғап қалды.

07       Боранбай Ысмайылов
Шайқас салдарынан 777 мыңға жуық кеңес сарбазы шейіт болды. Ал, армия генералы Жуков басқарған Екінші Ржев-Сычёв операциясы («Марс» операциясы) үш аптаға созылды. Осы шайқаста кеңес сарбаздары табандылық көрсетіп, нәтижесінде 1943-жылдың қысында Модель армиясы шегінуге мәжбүр болды. Неміс әскерлерін шегіндіру операциясы «Буйвол» атымен тарихта хатталып қалды. Кеңес әскерлері жаудың қолын Мәскеуден 160 шақырымға шегіндірді. Өкінішке қарай, бұл ұрыста 39 мыңға жуық кеңес қызыл әскер жауынгері қаза болды. Арада 15 ай өткенде, 1943-жылдың наурызында Батыс майданның 30-армиясының әскерлері тарапынан Ресейдің Ржев қаласы дұшпаннан азат етіліп, аталмыш шайқас негізінен қайсар қазақтардың жанкештілігінің арқасында жеңіспен аяқталды.
1942-жылы 22-қарашада «Отан үшін» газетінде жарық көрген «Қазақтар» атты очеркінде орыстың көсемсөзшісі, әскери тілшісі Илья Григорьевич Эренбург тұтқынға түскен немістің сөзін былайша келтірген екен: «Бір фриц маған былай деді: «Бізге қарсы жаужүрек жауынгерлер соғысты. Оларды ешқандай от тоқтата алмайтын. Тура бізге қарай тікелей шабуылдап ұмтылды. Кейін олардың қазақтар екенін естіп білдім. Бұрын мұндай халық бар екенін білмеген екенмін».
Фрицтер ешкімді танымайтын. Оларға Кеңес Одағы үлкен ел екендігі хабарлағанмен, бұл елде үлкен ұлттардың бар екендігі айтылмады. Қазақтар орыстармен бірге соғысты».
Сол орыстың жорналшысы, белгілі ақын-жазушысы айтқандай, қайсар, өжет мінезді, оттай жалынды қазақтардың бірі – ауданымыздан шыққан қаһарман қызыл әскер жауынгері Боранбай Ысмайылов болып саналады. Ұлы Жеңістің 65 жылдығы қарсаңында екінші дүниежүзілік соғысы кезіндегі қазақ сарбаздарының ерен жауынгерлік ерлігі құрметіне Ржев қаласында аумағы 1,5 мың шаршы метрді қамтыған Мемориалды кешен ашылған болатын. Молодой Туд елді мекенінде 100-інші және 101-інші жеке атқыштар бригадасына арналған мұражай бой көтерді. Кешен Ақтөбе облысының бюджетінен бөлінген 100 миллион долларға тұрғызылды. Сол 2010-жылы ескерткіштің ашылу салтанатына «Жеңіс пойызымен» қазақстандық делегация қатысып қайтты. Делегация құрамында Ржев қаласының түбіндегі шайқасқа қатысқан соғыс ардагерлері мен олардың ұрпақтары болды. Ржевке бару құрметі шарбұлақтық соғыс ардагері Боранбай Ысмайыловтың баласы Құралбайға бұйырды. Оның әкесі екі мәрте «Ерлігі үшін» медалінің және ІІІ дәрежелі, ІІ дәрежелі «Даңқ» ордендерінің иегері еді. Әкесінің шайқас жолдарын өз көзімен көріп қайтқан Құралбай Боранбайұлы былай дейді: «Шымкенттен шерулетіп бізді пойызға шығарып салды. Жолай Қызылорда, Ақтөбе, Орал қалаларында аялдадық. Әлия Молдағұлова мен Мәншүк Мәметованың ескерткіштеріне соқтық. Сонан соң Саратов қаласының көрікті жерлерін араладық. Елімізден жолға шыққан 60 адамның үшеуі біздің облыстан болды. Орыс ағайындар бізді: «Батыр халықтың ұрпақтары!» – деп зор ықыласпен қарсы алды. Соғыс кезінде Ржев қаласында Қазақстанда құрылған 100-інші және 101-інші қазақ бригадасы жанқиярлықпен шайқасқан екен. Онда қандастарымыздың 90 пайызға жуығы қаза болыпты. Бүгінде шайқас болған жерде ескерткіш орнатылып, 2000 бауырымыздың есімдері алтын әріппен жазылыпты. Арнайы мұражай да ашылыпты. Бұл салтанатты жиыннан сондағы қандастарымыз да шет қалмапты. Барлығы да қазақ жауынгерлерінің соғыс кезіндегі қайсарлығы мен темірдей төзімділігін айтып тауысар емес. Сол күні біздің атымызға қошамет пен мақтаулар жауды. Шейіт болған боздақтарымыз орнынан бір аунап түскен болар. Зеленоград қаласындағы Б.Момышұлы атындағы №229 және Мәскеудегі Ә.Молдағұлова атындағы мектептерге бардық. Екі мектеп алдына қос батырдың мүсіндері сомдалып орнатылыпты. Мектеп дәулеті мен сәулеті үйлескен, алыстан менмұндалайды. Оқушылар тарапынан өнер көрсетіліп, Әлия мен Бауыржанның батырлығы сөз етілді. Мәскеуліктер осылайша бізді ерекше ілтипатпен шығарып салды. Мен өз арамызда «Батырдың баласы» атандым. Өйткені, менің әкем ғана жоғары дәрежелі қос «Ерлігі үшін» медалімен және ІІІ-ІІ дәрежелі «Даңқ» ордендерімен марапатталған екен».
Қазығұрт ауданының тумасы, соғыс және еңбек ардагері, 1941-1945 жылдардағы Ұлы Отан соғысы майданында ерен ерлік көрсеткені үшін екі мәрте «Ерлігі үшін» медалінің, сондай-ақ, «ІІІ дәрежелі Даңқ» және «ІІ дәрежелі Даңқ» қос орденнің иегері болған шарбұлақтық Боранбай Ысмайыловтың (1922-1998) көзі тірі болғанда, ағымдағы жылы 100 жасқа толар еді. Расында да Боранбай атамыз сол бір ел басына күн туған сұрапыл соғыс жылдары барынша қаһармандық көрсетіп, ең жоғары жауынгерлік, жанқиярлық ерліктің бірнеше үлгісін танытқан. СССР Қорғаныс министрі Ұлы Жеңістің 40 жылдығына орай, соғыс ардагерін көзі тірі күнінде 1986-жылы 1-тамызда «І дәрежелі Отан соғысы» орденімен (Ресей Федерациясы, Қорғаныс Министрлігінің орталық архиві, Мерекелік марапаттау картотекасы, 22-шкаф, 15-суырма, құжат №55) марапаттауы да өте лайықты болатын.
Табиғи тумысынан қайсар мінезді, жауды жеңу мақсаты жолында жалынды жүрегімен ешқандай қауіп-қатерден жасқанбаған Б.Ысмайылов ең жоғары дәрежелі Кеңес Одағының Батыры атағын алуды да ойлаған екен. Жазушы Әнуар Ысмайылов мықты темір генерал атанған Сабыр Рақымов туралы жазған «Ерлікке толы ғұмыр» атты кітабында шарбұлақтық майдангерді былайша еске алады: «Қазығұрт тауы маңындағы елді мекендерді аралағанда есіме Ысмайылов Боранбай ағамды еске аламын. «Даңқ» орденінің І дәрежесіне ғана жетпей қалдым, құрғыр соғыс бітіп қалды», – деп күлетін еді батыр ағамыз... Ағаның жарқын бейнесі ел мен жұрттың есінде қалды».
Батыр атамыз негізі сұрапыл соғыста үш мәрте жарақат алған. Бірде қолынан, екіншісінде аяғынан, ең ауыры жамбасынан жарақаттанып, үшеуінде де госпитальда емделіп, соғысқа қайта аттана берген. Жігерлі де отты, сондай қайсар, жалынды қызыл әскер жауынгерінің жаудан ешбір беті қайтпаған.
Бұрынғы Оңтүстік Қазақстан (Түркістан) облысы, Қаратас (Қазығұрт) ауданы, Шарболат ауылдық кеңесіндегі «Ынтымақ» колхозында Ысмайыл Артықбайұлы мен Үрләйім ананың отбасында Махат (1905-1982) және Боранбай деген екі бала болған. Үлкені Махат та соғыс және еңбек ардагері болатын. Кішісі Боранбай 1922-жылы 15-қаңтарда дүниеге келген. 1928-жылдан Қызыл отаудан ашылған сауат ашу мектебінде оқыса, 1932-жылдан И.Д.Папанин атындағы мектебіне барады. Алты кластық біліммен колхозда түрлі жұмыс атқарады. 1941-жылы желтоқсан айының 1-і күні аудандық әскери комиссариатынан Қызыл Армия қатарында қызмет етуге, Ұлы Отанымызды басқыншы жаудан қорғауға Ысмайыл бабаның қос ұлы, ағалы-інілі Махат пен Боранбай шақырту қағазын алады. Кіші баласы Б.Ысмайылов Алматы қаласында атқыштық пен мергендікке шеберленіп, дайындықтан өткен соң, соғысқа қатардағы жауынгер-атқыш ретінде аттанады.
Құжат деректемесіне сүйенсек, ол 1941-жылдың соңынан 1942-жылдың қарашасына дейін 100-інші атқыштар бригадасында, содан соң 1943-жылдың шілдесіне дейін 28-інші және 26-ншы танк дивизияларында атқыш, 1944-жылдың мамырына дейін 156-атқыштар полкінде барлаушы мерген, 1945-жылдың наурызына дейін 256-атқыштар полкінде атқыш болады. Содан кейін алған жарақатына байланысты госпитальда емделеді де, тағы да майдан даласына кетеді. Соғыстың соңғы уақыттарында 156-ншы және 26-ншы атқыштар полкінде атқыш болып қызмет атқарады. Ұлы Отан соғысындағы әскери тапсырмаларды үлгілі орындағаны және көрсеткен ерен ерлігі үшін қос «Ерлігі үшін» медалімен (№1877667 және №2278777), «ІІІ дәрежелі Даңқ» (№234911) және «ІІ дәрежелі Даңқ» (№11467) ордендерімен марапатталады.
1946-жылдың 15-маусымында елге оралады. Содан колхоз жұмысына белсене араласады. Озық қызметі үшін 1968-жылы Мәскеуде өткен Халық шаруашылығы жетістіктері көрмесіне қатысып, еңбектегі жетістігі үшін «Қола», 1970-жылы «Айбынды еңбегі үшін», 1978-жылы «Еңбек ардагері» медальдарымен, Ұлы Жеңістің 40 жылдығына орай «І дәрежелі Отан соғысы» (№161004) орденімен, 1995-жылы «Кеңес Одағының Маршалы Г.К.Жуков» медалімен марапатталады. 1982-жылы зейнеткерлікке шығады. 1998-жылы 78 жасында дүниеден өтеді. Ол өмірлік қосағы Орынша Туғанбайқызымен (1928-2004) тоғыз перзент сүйіп, тәрбиелеп өсіреді. Өкініштісі, кенжесі Қалдыгүл жас күнінде қайтыс болады. Қазір төрт ұл, төрт қызынан тараған ұрпақ өсіп-өніп, өркенін жайып отыр. Бір айтарлық жай, Боранбай батырдың ағасы Махат та елге оралып, еңбекке араласып, отау құрып, бес перзент көреді.
Бұл күнде Боранбай Ысмайыловтың өзі туып-өскен, еңбек еткен Шарбұлақ ауылының бір көшесіне атқыш-мергеннің есімі берілген.

Құралбек ЕРГӨБЕКОВ.

Тақырыптың өзі айтып тұрғандай, бұл қызмет түрі қоғамға өте қажет. Өйткені адамдардың қылмыстық құқық бұзушылықтар жасауының алдын алу үшін олардың мінез-құлқын түзеуге бағытталған бақылау және әлеуметтік-құқықтық сипаттағы қызмет түрлері мен жеке айқындалатын шаралар жүйесі болуы тиіс.
Осы кезде ондай тұлғаларды қоғамнан шектемей, оларды барынша қоғамға қайта бейімдеуге оңды ықпал ету мақсатында оларға әлеуметтік-құқықтық көмек көрсету (психологиялық, денсаулық жағдайына қарай медициналық, құжаттарын алу бойынша қысқа мерзімдік оқуға жолдау, тұрақты немесе мерзімдік жұмысқа орналастыру, бойынша жүзеге асырылатын іс-шаралар мен жұмыстар жиыны, сондай-ақ, адам мен азаматтың құқықтарын, бостандықтарын және заңды мүдделерін сақтау; заңдылық; ізгілік; сотталғандарға қатысты әлеуметтік-құқықтық көмек көлемін айқындау және жүзеге асыру кезінде сараланған және қоғамға пайдалы белесенді мінез-құлқын қалыптастыруды пробация қызметі реттейді.
Пробацияның идеясы – «түрме тұрғындарын» азайту, қылмыскерді бас бостандығынан айыру немесе жазасын қысқарту мүмкіндігін беру. Бұл сынақ сот жүктеген міндеттер арқылы: жәбірленушіге өтемақы төлеуге және оны қоғамдық кешірімге әкелуге, әлеуметтік маңызы бар обьектілерде тегін жұмыс жасауға, емделуге, алкогольді ішпеуге, белгілі бір қызметке қатысуға тыйым салынады. Бұл заң белгілі бір уақытта үйден шықпастан, сынақтан өтіп, жаза мерзімін өтеуге мүмкіндік береді. Біз өз тәжірибемізді тереңірек зерделеп, заңдылықты түзетіп, ой-санамызды, құқықтық мәдениетімізді, мемлекеттік және әлеуметтік құрылымымызды ескере отырып, үздік әлемдік үлгілерді енгізуге ұмтылдық. Қазіргі таңда пробация қызметкерлері сотты болған адамды отбасынан, туыстарынан ажыратпай, оның бойынан қоғамды сыйла, заңға бағыну т.б. жақсы мінез- құлқы қалыптастырып, қайта бейімдеу жұмыстарын жүргізеді. Мұның азаматқа, жалпы келер ұрпаққа тиер пайдасы мол. Қазақстан Республикасының заңнамасында белгіленген жеңілдіктер мен әлеуметтік төлемдерді алу, яғни ол мыналар әлеуметтік-психологиялық және психологиялық консультация беру, тараптардың өзара келісуі жағдайында отбасылық және өзге де әлеуметтік байланыстарды қолдау жүйесін қалпына келтіру және қалыптастыру, оңалту іс-шараларын ұйымдастыру мәдени іс-шараларға қатысуға тартуда, әлеуметтік-құқықтық мәселелер бойынша консультациялар ұсынуды қамтитын әлеуметтік-тұрмыстық бейімдеу арқылы қамтамасыз ету.
Осыкезекте азаматтар,қоғамдық бірлестіктер және өзге де заңды тұлғалардың пробацияны жүзеге асыруға мүмкіндіктері бар екенін баса айтқан жөн. Олар пробация қолданылатын адамдарға әлеуметтік-құқықтық көмекті ұсынуға ерікті түрдежәрдемдесу арқылы мынадай нысандарды іске асыра алады:пробацияқызметінің есебінде тұратын адамдарға әлеуметтік-құқықтық көмекті жетілдіруге бағытталған бағдарламалар мен жобаларды әзірлеп және іске асыру, социологиялық және өзге де мониторингтер жүргізу, пробацияны реттейтін нормативтік құқықтық актілердің жобарын әзірлеу барысында қоғамдқ талқылауға қатысу, пробация мәселелері бойынша консультативтік-кеңесші және сарапшы органдардың жұмысына қатысу, Қазақстан Республикасының заңнамасына қайшы келмейтін нысандарда өзге де жәрдем көрсету мүмкіндіктеріне ие.
Пробация қызметіне келіп өз ойларыңыз бен ұсыныстарыңызды білдіргілеріңіз келсе,пробация есебінде тұрған азаматтарға көмек көрсетемін десеңіздер (жұмысқа қабылдау, отбасына жәрдемдесу, мәдени-спорттық іс-шаралар т.б)еріктілер ретінде тіркеліп топ құрып қатарға қосамыз деген ойларыңыз болса пробация қызметі сіздермен бірлесіп жұмыс жасауға дайын.
Сөз соңында келешегіміз үшін бірлесіп елімізде соттылықты азайту, қылмысты болдырмаудың жолын табайық деген ой тастағым келеді.

Бағлан ҚУАТБЕКОВ,
Қазығұрт аудандық пробация
қызметінің аға инспекторы.

Сыбайлас жемқорлық – бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.

1556263117 24999-6-antikorrupcionnye mero ru
«Сыбайлас жемқорлыққа қарсы іс-қимыл туралы» Заң талабының аясында жемқорлыққа қарсы іс-әрекеттер әр салада жүзеге асырылуда. Әсіресе, халық парақорлық дертімен жиі бетпе-бет келеді. Сондықтан, кез келген ортада пара беру мен пара алудың жолын кесуде қоғам болып белсенділік танытуымыз қажет.
Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады. Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс. Мемлекеттік органдардардың ұжымдардың, жергілікті өзін-өзі басқару органдарының басшылары өз өкілеттігі шегінде кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті.
Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің,әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы,кәсіби әдептілігінің жетіспеуі де, жеке басының қамын ойлауы да парақорлықтың дендеуіне септігін тигізуде. Сондай-ақ, кейбір мемлекеттік орган басшыларының сыбайлас жемқорлыққа қарсы заң талаптарын атқаруда ынта танытпай, жұмыс жүргізбеуі де жемқорлықтың тамырын тереңдете түседі.
Бұл дерттің алдын алып, қоғамға таралу жолдарын кесіп, оның ұлғаюына жол бермеу керек. Ол үшін аталған дертке болып атсалысып, қарсы жұмылуымыз қажет. Сонда ғана ел мүддесі үшін зор үлес қосатынымыз және халық сенімінен шығатынымыз анық.

Қуандық СМАН,
Қазығұрт аудандық оқушылар сарайының қосымша білім беру педагогы, "Өлкетану" үйірмесінің жетекшісі.

0511ff59-1173-4ef7-8048-a4e5e9ba1455

Қазығұрт аудандық мәслихатының өткен жылғы шешімімен ауданымыздың тумасы, шахматтан халықаралық гроссмейстер, Қазақстан Республикасы бірнеше дүркін чемпионы, Азия чемпионы, Бүкіл әлемдік Олимпиада қола жүлдегері, Қазақстан құрама командасының мүшесі Гүлмира Бекзатқызы Дәулетоваға Қазығұрт ауданының «Құрметті азаматы» атағы берілген-ді. Жақында аудан әкімі Арман Абдуллаев пен аудандық мәслихат хатшысы Өрісбай Көпеев Гүлмираға осы «Құрметті азамат» атағын тапсырды. Бір айтарлығы, сол тапсырылған сәтте Гүлмираның жанында ең алғаш шахматқа баулыған алғашқы ұстазы, әкесі Бекзат Дәулетов болды.
Қазығұрт аудандық мәдениет, тілдерді дамыту, дене шынықтыру және спорт бөлімінің (басшысы Абай Серкебаев) ұйымдастыруымен халықаралық гроссмейс­тер қызымыз Ұлы Жеңіс күні мерекесінің 77 жылдығы мен Кеңес Одағының Батыры, қазақтан шыққан тұңғыш генерал Сабыр Рақымовтың туғанына 120 жыл толу құрметіне аудандық мәдениет сарайында шахмат сеансын өткізді. Оған ауданның ардагерлері мен жастарынан 50 азамат қатысты. Үздік шыққан 10 ойыншы марапатталды.

007             Гүлмира 1
Ол әкесі Бекзат Дәулетовпен спорттың осы түрін жастар арасында насихаттау мен дамытуда үлкен еңбек сіңіріп жүр. Алдағы уақытта да осы бағытта ауқымды жұмыстар атқарады деп сенеміз.

Құралбек Қожаннемересі.

1992 жылдың 4 маусымы Қазақстан Республикасының рәміздері бекітілген күн болып тарихта қалды. Мемлекеттік рәміздер - еліміздің дербестігі мен тәуелсіздігін күллі әлемге жария етуші әрі мемлекетіміздің өткені, бүгіні мен болашағы арасындағы сабақтастықтың жарқын бейнесі, халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер.

1622780918 ramiz

Қазіргі кезде еліміздің мемлекеттік рәміздері оның бетке ұстар құжаты сияқты бірегей негіздері мен салт-дәстүрін айқындап көрсетеді. Көп көлемде мемлекеттік биліктің рәміздері кез келген мемлекеттің негізін құрайтын тұжырымдамасы - ұлттық идеяда көрініс табуы тиіс. Ал нақты ұлттық идея тікелей сол халықтың арасында қалыптасады. Саяси жүйенің көшбасшылары уақыт өте келе ауысып отыруы мүмкін, бірақ халық өзінің ұрпақтан-ұрпаққа жалғасқан, ғасырлар бойы иемденген және жоғалтып алған ұлттық құндылықтарымен, жағымды және жағымсыз қасиеттерімен қалады, сонымен қатар өзара ұлттық менталитетті қалыптастырады. Мемлекеттік рәміздер мәдениетіміз, тарихымыз бен менталитеті­міздің көркем туындысы болуы керек. Мемлекеттік рәмізден елімізді тануға және оны бүкіл әлемге танытуға болады, өйткені онда халқымыздың бүкіл бастан кешкен тарихы, бүтіндей мәдениеті жатыр, сон¬дықтан ол отансүйгіштік сезімнің бастау көзі бола алады.Еліміздің ежелден аңсаған Тәуелсіздігіне қол жет-кізіп, қазақ ұлтының салт-дәстүрі мен әдет-ғұрпының қайта жаңғыруы, мемлекеттік рәміздердің бекітілуі болашақ дамуға бет алған егемен еліміз үшін ерекше құбылыс. Сондай-ақ ұлтаралық татулық пен бейбітшілікті насихаттау жолында және мемлекетіміздің әлемдік деңгейде танылып өзіне тән белгілерімен дамыған елдер қатарынан орын алуы үшін төл нышандарымыздың атқаратын қызметі айрықша. Мемлекеттік рәміздеріміз бүгінде шартарапқа кеңінен танылды. Қазақ Елін әлем жұртшылығы мойындады. Біздің Көк байрағымыз Біріккен Ұлттар Ұйымының ғимараты алдында тұр, Қазақстан Республикасының шетелдердегі Елшіліктері ғимаратының маңдайшаларына тігілген. Қазақтың Көк Туын ғарышкер Талғат Мұсабаев көк аспанда самғатты, әлемдік спорт додаларында еліміздің олимпиада жеңімпаздары Әнұранымызбен бірге Көк Туымызды биікке көтерді. Мұның бәрі Қазақстан Республикасының әрбір азаматы үшін үлкен мәртебе, зор мақтаныш. Қорыта келе, еліміздің ежелден аңсаған Тәуелсіздігіне қол жеткізіп, қазақ ұлтының салт-дәстүрі мен әдет-ғұрпының қайта жаңғыруы, мемлекеттік рәміздердің бекітілуі болашақ дамуға бет алған егемен еліміз үшін ерекше құбылыс. Сондықтан мемлекеттік рәміздерді қастерлеу азаматтарымыз үшін басты міндет болып табылуы тиіс.


А.БАЙТҰРСЫНОВ,
Қақпақ ауылы округі әкімі аппаратының жетекші маман-әскери есеп столы инспекторы.

ac9c3f360c734c13a5cbc276125cd418

Қазақстанда осы жылдың 5 маусымында Конституцияға өзгерістер мен толықтырулар енгізу үшін республикалық референдум өтеді, деп хабарлады президент Қасым-Жомарт Тоқаев.
"Бүгін мен Конституцияға өзгерістер мен толықтырулар енгізу үшін 5 маусымда республикалық референдум өткізу туралы жарлыққа қол қойдым. Конституциялық түзетулер жобасы бойынша азаматтардың жаппай дауыс беруі біздің демократиялық қағидаттарды берік ұстанатынымызды білдіреді. Алдағы референдум Қазақстанның болашағын айқындайды. Әрбір азаматымыз дауыс беріп, осы тарихи бетбұрысты жасауға өз үлесін қоса алады", - деді президент республикалық мемлекеттік арналардың эфирінде.


Референдумда қандай сұрақ қойылады?


"Қазақстан Республикасының Конституциясына өзгерістер мен толықтырулар енгізу туралы" Қазақстан Республикасы Заңының жобасы "2022 жылғы 6 мамырда бұқаралық ақпарат құралдарында жарияланған "Қазақстан Республикасының Конституциясына өзгерістер мен толықтырулар енгізу туралы" Қазақстан Республикасы Заңының жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?" деген тұжырымдағы сауал қойылып, республикалық референдумға шығарылады.
Республикалық референдумды ұйымдастыру мен өткiзу Референдумның орталық комиссиясының қызметiн атқаратын Орталық сайлау комиссиясына, сондай-ақ референдумның аумақтық және учаскелiк комиссияларының қызметiн атқаратын аумақтық және учаскелiк сайлау комиссияларына жүктелді.
29 сәуірде Қазақстан халқы Ассамблеясының кезекті сессиясында мемлекет басшысы ел Конституциясына өзгерістер мен толықтырулар енгізу мәселесі бойынша референдум өтетінін жариялады.
Референдум – елде өткізілетін жалпыхалықтық дауыс беру. Референдумда мемлекет өмірінің маңызды мәселелері шешіледі. Әдетте онда "иә", "жоқ", "келісемін" немесе "келіспеймін", "қолдаймын" немесе "қолдамаймын" деп жауап беруге болатын сұрақтар қойылады. Референдум бүкіл ел бойынша өтеді.
Референдумға қатысатын қазақстандықтар 18 жасқа толған болуы керек.
Мына азаматтардың референдумға қатысуға құқығы жоқ:
сот әрекетке қабілетсіз деп таныған;
сот үкімімен бас бостандығынан айыру орындарында отырған.
Сайлау бюллетенінің қандай болатынын президент Қасым-Жомарт Тоқаев шешеді. Референдумға шығарылған мәселе, егер сайлаушылардың 50 пайызынан астамы жақтап дауыс берсе, қабылданды деп есептеледі.