Құрметті аяулы аналар, ұлағатты ұстаздар қауымы!

a9e68d4c-7799-4b1e-ac41-9c6eab5bae5e

ӘЙЕЛ – АНА – ӨМІРДІҢ ӨЗЕГІ!

Бейбенбі, 04 Наурыз 2021 00:00

Шуақты да шырайлы, мейірімді, қадірлі аналар! Жібек міне

Сіздерді құс қанатымен келіп, көктем шуағына бөлеген 8-наурыз Халықаралық әйелдер күні мерекесімен шын жүректен құттықтаймыз! Табиғаттың мерейлі мезгілі көктемнің аналар мерекесімен басталуы, адамзаттың сіздерге деген құрметінің белгісін сездіргендей.
Аналар мерекесі – әрбір жан үшін атаулы күн. Өйткені, әрбір тіршілік иесінің өз анасы бар. Батыр да, алып та, дана да анадан туады. Сондықтан, өмірге өз ұрпағын сыйлаған аналарға қаншама жылы лебіз білдірсек те артықтық етпейді. Әр шаңырақтың шаттығы мен киесі – асыл ана, адал жар кез-келген жауапкершілікті қабырғасы қайыспай көтеретіні белгілі. Шежірені парақтасақ, ақылмен ел билеген, айбатымен жауға қарсы тұрған аналарымыздың өшпес есіміне кезігеміз. Сонау жаугершілік заманның өзінде ақ жаулықты аналарымыз елін қорғап, бір әулеттің отын сөндірмеген.
Әйел-аналар қандай қиындық болса да қайыспай жеңе білетін, табандылықтың, мейірім мен ізгіліктің, нәзіктік пен қайсарлықтың символы. Бүгінгі таңда қыз-келіншектердің қоғамдағы алатын орны ерекше. Өйткені, қай салада болмасын, қыз-келіншектердің өзіндік қосар үлесі зор. Тәуелсіз елімізде, оның ішінде біздің ауданымызда әйел-аналардың, қырмызы қыздарымыздың күш-жігерімен атқарылмайтын жұмыстар кемде-кем. Әйел-аналарымыз отбасы мен еліміздің тірегі. Сондықтан да, мемлекет аналардың ұрпақ өсіріп, алаңсыз еңбек етуі үшін барлық жағдайдың жасалуына айрықша назар аударып отыр.

Құрметті аяулы аналар, ару қыз-келіншектер!

Сіздерді шуақты мерекелеріңізбен құттықтай отырып, баршаңызға бақ-береке, шат-шадымен шаттық, шаңырақтарыңызға тыныштық, молшылық, еңбектеріңізге табыс тілейміз. Әрдайым көңілдеріңіз көтеріңкі, жүздеріңіз жарқын, ғұмырларыңыз ұзақ та мағыналы болсын!

А.Абдуллаев, Ө.Көпеев,
аудан әкімі. аудандық мәслихат хатшысы.

зді арулар!

 

(«Коммунизм» совхозы жайлы ой қозғасақ)

...Айналасындағы алты бірдей ауыл кеңестеріне қарасты шаруашылықтар біріктіріліп 1963-жылы «Коммунизм» совхозы құрылып, ол 30 жыл халыққа қызмет еткенін аға буын өкілдері жақсы біледі. Дәл бүгінге дейін «шынымен-ақ дамыған социализмнен өтіп, коммунизмге жетіп қалған едік», – деп еске алатындар жеткілікті.

Бұл оқиғалардың мәнісін терең білгісі келгендерге осы шаруашылықта 25 жыл бас экономист болып қызмет атқарған Рахматулла Жамашев көкеміз бір тоқтамай 30 түн, 30 күн жыр етіп айтып беруге дайын. Бұл кісінің «Бәрін кадрлар шешеді – деп В.Ленин айтқаны дұрыс-ақ еді» – деп күйініп кететін тұстары да бар. Сонда да шыдамдырақ болыңыздар.

... Біздер де сол дәуірдің куәсі болғандықтан кейде қосылуыңа тура келеді. Расында да басшылыққа алатын тұстары аз еместін. Мәселен, совхоз директорлары аудан, облыс түгілі Д.Қонаевтың алдынан өтетін. Кездейсоқ басшы ілуде біреу кездесетін. Сондықтан да, болар «Коммунизм» совхозын, өзіндік өрнектері бар, сайдың тасындай болған 6 бірдей азамат басқарды. Алғашқысы, аузын айға бөлеген, әңгімені данышпан Абайдың қара сөздерінен бастайтын, мал шаруашылығы дамытудың қыр-сырын жетік меңгерген О.Үсіпбеков ағамыз болды. Ол кісінің ісін, бізге жақын жиі араласатын ташкенттіктер Қаратастың «шерісі» (арыстаны), ал алматылықтар оңтүстіктің «серісі» атап кеткен О.Нүрсейтов жалғастырды. «Ауыспалы егіс» саясаты қолға алынғанда директор болып, адалдығы жүзінен төгіліп тұратын, бұрындары пұлдап көрмеген жоңышқа ұрығын сатып-ақ, миллиондап табыс түсірген Керім Тасанбаев ағамыз келді. Несін айтасыз, тау тұлғалы азаматтар еді.

Онан әрі Р.Абдырайымов, Б.Оразов басшылық жасап М.Ертаевтың тұсында үлкен шаруашылық күшпен түгелдей жекешелендіріліп кетті. «Коммунизм» совхозы тарихында «алты бірдей «жаңашыл» директор, 1 «жанашыр» басбух» болған деген сөз, бұқара қауымның құлағында қалып қойды. Енді осыған түсінік бере кетейін.

Шаруашылықтың өткен 30 жылынан кейінгілерге үлгі-өнеге боларлық бірнеше том кітап жазуға болады-ақ. Оған шама келе қоймас, өре де жете бермейді, уақыт та тапшы.

Дегенмен де, газет оқырмандарына лайықты ғана етіп, қысқаша түсінік бере кетейін. Өзім «аға» деп сыйлап жүрген, ауыл академигі атанған Әтіш Өмірәлиев ақсақал «Р.Абдрайымов келгелі нарықтық экономикаға баратын жол «шаруашылық есеппен» жұмыс ұйымдастыруға көштік. Соны жүйелеп жазуға сен сияқты цифрға да, сөздік құрылымға да зер сала қарайтын тілші керек болып тұр – деп қолқа салды. Рақаң алған бағыттың саяси бағдарынан; басбух Тіллекең цифрларды сөйлетті. Рақаң экономикалық тиімділігін түсіндірді. Өзім мұғалім болсам да Жаңабазарға барып-келіп жүріп талант иесі А.Елеуовтың көмегімен Әтіш ақсақалдың іс-тәжірибесінен «Бөлімшені басқару оңай ма?» деген мақала жаздым. Бұл мақала сол кездегі бірінші хатшы Т.Жұмановқа ұнап, ол партия пленумында жақсы аталды. Сонан былай Жаңабазарды да, аудан орталығында да Рақымбердімен кездесіп бір-бірімізге үйренісіп кеттік. Өз басым біреумен сөйлессем кейде қиял қуып, кейде әр нәрсені қосып быламық етіп жіберетінім бар. Ол кісінің болмысында ондай жоқ екен. Көп созбайды, дәл айтады, ешкімнің де уақытын алмайды. Тіптен, қаламсабын сиясы біткенше ұстап, қағазды толғанынша жазады екен. Қасында бес минут тұрсаң, бекерден-бекерге әбіржіп кетесің. Кәдімгідей адамды босаңсытып жіберетін биотогы бар. Шаштарын тарағанда от шығып тұрғандай түйілетін.

Осылай болғанына қарамай тәуекел деп кітапты құрастыруға көштік.

Күздің бір шытымыр кешінде Р.Абдрайымов үйге қоңырау шалып: «Ташкентте оқығансың-ғой, «Шарбақ» су қоймасының сол жағындағы Аюбхан ауылына баратын жолды білесің бе? – деп сұрады. Сол тұста ТашГУ-дің «спорт – жаттықтыру» лагері болып, оған талай рет барғанымызды ескерттім.

          Онда таңғы 6-да дайын тұр, Ташкент аэропортынан біреуді күтіп аламыз – деп ескертті. Сол кездегі ең бір дефицит көлік ақ «Волгамен» бір ақын-жазушыларға ұқсаған кісіні күтіп алып Шымған тауына қарай тарттық.

Жол-жөнекейдегі екеуінің әңгімесі М.Горбачевтен басталып Д.Қонаев, Ш.Рашидов және А.Асқаровпен аяқталып жатты. «Шарбақ» су қоймасының төбесіне шыққанда екеуі 10-15 минуттай оңашада сөйлесті. Қайтадан көлікке отырғанда маған «Нұрлы күндер» деген кітабын сыйлады. Авторына қарасам Кәкімбек Салықов ағамыз екен. Өзін жете танымағанмен Қарақалпақстанда бірінші хатшы болғанын естігенім бар еді. Дәл сол кезде Жоғары Кеңестің экология жөніндегі комитеттің төрағасы қызметінде болуы керек.

Біздер Кәкімбек ағамыздың Аюбханда тұратын Мәскеуде бірге қызметтес болған қырғыз досының әкесіне бағыштап Құран оқуға барған екенбіз.

Содан заулап қайтып аэропорттан Алматыға шығарып салдық.

Көліктің арқасында отырған екеуара әңгіме құлақ түріп кеңестік империяның экономикалық жағынан да, саяси жағынан да тығырыққа тіреліп, күйреу алдында тұрғанына көз жеткіздім. Рекең болса оның алдын алу жолындағы өз позициясын жеткізіп жатты. Совхоз активінің алдына қойып жүрген әркімді де еткен еңбегіне қарай ақы алатын «шаруашылық есепті» өндіріске енгізіп, әрбір өндіруші кәсіпорынның дербестігін қалыптастырып, ақша-тауар алмасуын ретке келтіретін әр округте «шаруа банкілері» ашылу керектігін жеткізген еді.

Сонан бері ондаған жылдар өткенмен Рекеңнің қоғамның даму формациясына әділ баға бергенін енді ғана көз жеткізгендеймін.

Көп ұзамай Қызылқұм ауданына бірінші хатшы болып қызмет ауыстырды да, орнына ауыл мұғалімінен сатылап өскен, психология ілімін жетік меңгерген, бақырша сияқты шөл далаға неше түрлі инновациялық жобаларды пайдалана отырып, ернеуінен асатын су шығартқан «Балтақара құдығының» авторы Б.Оразов келді. Сол кезде бас инженер болып қызмет атқарған Ахмет Ташқараевтың жазып қалдырғанына қарағанда Балтекең «өзім білермендікке» салынбай Әбдірайымовтың жолын салып кеткен істерін әрі қарай жалғапты.

Ең алдымен бүкіл тау бөктерлерінен шығатын бұлақтардың көзін ашып, өзен-арықтарды тазалатып ауыл-ауылға ағын су жеткізіп, әр отбасын өзіне қажетті көкөністермен қамтамасыз етуіне қолайлы жағдай жасайды. Мұның маңызын ел-жұрт «әркімде дорба көтерген құлдырауда» бастан өткерді.

Оразов, Мақұлбаев, Жамашев үштігінің басшылығымен республикада тұңғыш рет «Жаңабазар шаруа банкі» ашылды. Мәдениетке, құрылысқа ерекше мән берілді. Совхоз сонаудағы Грузиямен, Чехославакиямен экономикалық байланыс орнатты. «Коммунизмдіктердің» ерен еңбектерін көруге сол кездегі Қазақ ССР Министрлер комитетінің төрағасы Н.Назарбаев келді.

Аға буын өкілдерінің Коммунизмге жетуге сәл-пәл қалған едік – деп жүретіні осы тұс болатын. Сол дәуірдегі мамандардың, еңбек адамдарының ерік-жігері, адами келбеті Балтақара Оразовтың «Біз қалдырған із» деген кітабында толық жазылған. Оны қайталап оқырманды ығыр етпей-ақ, қояйын.

Сол кезеңде «Коммунизм» совхозында қызмет істеген аға буын өкілдерінің арасында «Адуынды 6 директор да, партия жетекшілері де, 60-қа тарта түрлі саладағы мамандар да, басбух Т.Мақұлбаевтан аяқтарын тартатын еді», – дегенді әлі күнге айтып жүр.

Неге? Оған өз дәуірінде бөлімше басқарушысы, парторг болып қызмет атқарған Арапбай Тұрлыбековтың сөзімен жауап беріп көрейін.

          Өз қызметін мінсіз атқаратын, бір ізбен жүріп, бір ізбен қайтатын, айқайласаңда артына бұрылып қарамайтын Тілләбай Мақұлбаев жұрттың көзінің құрты «Кассаны» өте берік ұстады. Бұл көптеген «активті» бәледен-жаладан құтқарды. Шынтуайтына келгенде басбухты жанашырым – деп таныған жөн.

Тілекең ағамыз қандай ортада жүрсе де тазалықты ту етіп ұстады. Тіптен тамақ ішуінің өзі жанындағыларға сабақ болатын.

Ерен еңбегі бағаланып Қазақ ССР Президенті Н.Назарбаевтың 7-шілде 1991-жылғы Жарлығымен «Қазақ ССР-нің еңбек сіңірген экономисті» атағы беріледі.

«Коммунизмдіктер» жайлы айтылар әңгіме көп. Былай қарасаң жылдар, ғасырлар ғана емес, адамдар да өмірден өтуде. Әйткенмен де өз соқпағының қалғаны қандай жақсы. Істі нағыз білгірлері жүргізген сол «Коммунистік» дәуірде жекеден қоғамдық мүддені биік қойған патриот азаматтар көп-ақ, еді.

Чехтың ұлттық Батыры партизан Ә.Көшіков совхоз бен Чехословакияны байланыстырды.

Партия ұйымы жетекшілері болған Н.Әлібеков, Б.Полатов, Ж.Спатаев, ауыл-село тілшілері Т.Оспанов, Ә.Шәріпов, Қ.Жорабеков, дәрігерлер Т.Кенжеев, Н.Ханалиев, жолдамамен Америкаға барған комсомол Б.Қуандықов т.б. бұқараның рухын көтеріп, ортақ мақсатқа жұмылдыра білді. Орталықтағы бұрынғы М.Горький кейінгі Елшібек батыр мектебі Салдарбек Серкебаевтың басшылығымен облыста тұңғыш рет мектеп-лицейіне айналды. 1994-жылы «халық педагогикасы негізінде тәрбие жұмыстарын ұйымдастыру» деген тақырыпта республикалық семинар өтіп, онда «Қазақстанның 20 жылдығы» бастауыш мектебінің меңгерушісі А.Абдуллаевтың іс-тәжірибесі таратылған еді.

Жас шопан С.Жаңабаев «мемлекеттік сыйлық» алып мәртебелі жиналыстарда талай рет Д.Қонаевтың жанынан табылды. «Еңбек даңқы» орденін екі рет иеленді. Сол бір жылдары екінің бірі озат болатын. Қайсы ауылдың қайсы көшесіне барсаңда аспанға бой тіреген теректерді көретінсің. Монша әр ауыл түгілі, әр шопанның қорасының жанында болатын.

Қайсы бірін айтайын, қайсы бірін жазайын «Осындай игілікті істерге ұйытқы болған алты жаңашыл директор мен бір жанашыр басбухтың арқасы еді» деген аталы сөзді екінің бірі әлі күнге тамсана айтып жүр. Мен солардың бір көрінісін айтып отырмын.

Балтақара ағамыз «Біз салған із» кітабын босқа жазған жоқ. Ағаларымыздың соқпақтары жарқырап жатыр.

Тастанбек БЕРДІҚҰЛҰЛЫ,

Қазығұрт ауданының «Құрметті азаматы».

ҒИБРАТТЫ ҒҰМЫР

Бейбенбі, 18 Ақпан 2021 00:00

Ауданды кімдер басқарған?

Абдумалик агыбай5

           

     Ағымдағы жылдың 16-ақпан күні аудандық мәслихаттың кезектен тыс 4-ші сессиясы өткізілді. Сессияға депутат С.Батырбаев төрағалық етті. Сессияның күн тәртінде бір мәселе қаралды:

   1. Түркістан облысы, Қазығұрт ауданы әкімдігінің дербес құрамын келісу туралы.

       Күн тәртібіндегі мәселе бойынша аудан әкімі аппаратының басшысы Р.Тұрғынбеков анықтама беріп, депутаттар тарапынан қойылған сұрақтарға жауап беріп өтті. Депутаттар аудан әкімдігінің дербес құрамына келісім беріп, тиісті шешім қабылдады. Сессия жұмысына аудан әкімі А.Абдуллаев қатысты.

ҚАРТЫ БАР ЕЛ – ҚАЗЫНАЛЫ ЕЛ

Бейбенбі, 18 Ақпан 2021 00:00

149152162 1374231562917405 7537917727037150238 nыв

МЕЗГІЛІНДЕ ТУҒАН МАҚАЛА

Дүйсенбі, 15 Ақпан 2021 00:00

 

Қазақ мемлекетінің азаттығын баянды ету – әрбіріміз үшін аса маңызды. Мемлекет басшысы Қасым-Жомарт Тоқаевтың жыл басында жаңашыл сипатта сарабдал сөз түзген мақаласы қоғамға осындай құнарлы ой салып отыр. Президент айтқандай, «Отыз жылда біз қандай жетістіктерге жеттік?», «Келер ұрпаққа қандай елді аманаттаймыз?», «Мемлекеттігімізді нығайта түсу үшін тағы не істейміз?».

        Осы тұрғыда отыз жылдың онжылдықтар легі келісті кескінделген мақалада «Бағдар мен белес», «Таным мен тағылым», «Қоғам мен құндылық», «Ұлағат пен ұстаным» айдарлары айрықша мәселелерді алға тартады. Мұнда Елбасы Нұрсұлтан Әбішұлы Назарбаевтың дара көшбасшылығы ерекше атап өтілді.

Мақалада қазіргі қоғамның беталысы дәлдікпен сипатталған. Ең бастысы, Мемлекет басшысы айтқандай: «Біз әділетті қоғам мен тиімді мемлекет құруды көздеп отырмыз. Кез келген істе әділдік қағидатын басшылыққа алсақ, бұған анық қол жеткіземіз. Мысалы, тұрғындардың тұрмысын жақсарта түспесек, еліміздің жетістіктері мен халықаралық табыстарын мақтан ету артық. Азаматтарымыз экономикалық өсімнің игілігін сезіне алмаса, одан еш қайыр жоқ».

«Таным мен тағылым» айдарына арқау болған ой өзегі де өте әсерлі. Тәуелсіздікпен бірге түлеген буынның санасы, көзқарасы, өмір салты өзгеше. «Бірақ Тәуелсіздік құндылығы жадына біржола шегеленіп, мәңгі сақталуы үшін өскелең ұрпақ оның қадірін білуі керек».

Мемлекет басшысы ұлт тарихы, ұрпақ тәрбиесіне қатысты қызықты әрі сыни пікірді де келісті келтірді. Соның ішінде бір ғана кино әлеміне қатысты шынайы көріністің шындығы айтылды. Бұл ретте: «Мысалы, деректі және көркем фильмдерді алайық. Осы бағытта «Алмас қылыш», «Жаужүрек мың бала», «Томирис», «Кейкі батыр», «Тар заман» сияқты тарихи фильмдер түсірілді. Бірақ бұл әлі жеткіліксіз. Мен құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырамын. Әрине, қаржы мәселесі шешілуі керек. Дегенмен, көп қаражат жұмсамай да жоғары деңгейдегі өнер туындысын түсіруге болатынын қырғыз бауырларымыз «Құрманжан датқа» фильмі арқылы анық көрсетті», – деді Президент.

«Тәуелсіздігіміздің мерейтойы аясында осындай біртуар тұлғаларды еске алып, олардың мұрасын жастарымызға және бүкіл әлемге паш етуіміз керек. Сонымен бірге, осы тақырыпты зерттеп жүрген ғалымдар мен жазушылардың да еңбегі қолдауға ие болуы және бағалануы қажет. Алаш арыстарының асыл мұрасын игеру жалғаса беруге тиіс», – деген Қ.Тоқаев алаш ардақтыларының еңбектерін жинақтауды тапсырды.

Алаш идеясы – ұлттық идеология.  Ендеше ұлт болып жұмылып, Алаш арманын іске асыруымыз керек. Біз бүгінгі Тәуелсіз Қазақстанның бастауында тұрған, елімізді алғаш ұлттық санаға көтерген Алаш арыстарын ардақтауымыз керек.

Қазақ елінің тәуелсіз даму жолына түсуі, алдыңғы қатарлы елдерге жетуі, ол үшін оқу-білімді дамыту – ұлт зиялыларының басты мұраттарының біріне айналдыруы бізді қуантады. Алдағы уақытта зиялы қауым ендігі жерде өз мүмкіндіктерін мәдени салаға, оқу-ағарту ісіне жұмсайтын болады.

«Өткен күннен алыс жоқ, келер күннен жақын жоқ» дейді халқымыз. Тәуелсіздікке тағдырдың бере салған сыйы ретінде қарайды. Шын мәніндегі ахуал олай емес. Елбасы сол кездегі саяси, экономикалық, әлеуметтік, демографиялық және басқа да жағдайларға байланысты жеті рет емес, жетпіс рет өлшеп, бір рет кесуге мәжбүр болды. Біз тығырықтан шығар жолдың саңылауы да көрінбейтін қиын күндерден қақтығыс пен қантөгіске ұрынбай аман шығып, ешкімге есемізді жібермей, жаңа сипаттағы Қазақ мемлекетін құрдық. Бүгінгі және болашақ ұрпақ мұны әрдайым біліп отыруы керек. Сол үшін Қазақстанның жаңа тарихын да жүйелі зерттеген жөн», – деген болатын.

         Қысқасы, Мемлекет Басшысының «Тәуелсіздік бәрінен қымбат» атты мақаласы жарыққа шыққаннан бастап ерекше қолдау мен жан-жақты пікір алмасуларға негіз болып отыр.

Еркін ТҰРЛЫБАЕВ,

Қ.Өмірәлиев атындағы жалпы орта білім

беретін мектептің ұйымдастырушы педагогы.

Жерлесіміз жүлдегер атанды

Сейсенбі, 14 Қаңтар 2020 00:00

 

         «Аналар – асыл жандар» Қазығұрт аудандық әйелдер Кеңесі қоғамдық бірлестігінің төрайымы Сарсен Жиенкүл Жәнібекқызы «Түркістан облысы үкіметтік емес ұйымдардың әлеуметтік идеялар мен жобалар жәрмеңкесі – 2019» байқауында «Біз де азаматтық үлесімізді қосамыз» атты әлеуметтік жоба жазып, жеңімпаз атанды. Аталмыш жобаны жүзеге асыру мақсатында екі жүз мың теңге мен сертификатқа ие болды.

           Әлеуметтік аз қамтамасыз етілген, тұрмысы төмен отбасыдан шыққан 12-15 жас

аралығындағы оқушылардың бос уақытын тиімді өткізуіне ықпал жасау арқылы еріктілік пен көшбасшылық дағдыларын дамыту арқылы азаматтық белсенділікті арттыру мақсатында әлеуметтік жобаға Т.Рысқұлов атындағы мектеп лицейінің отызға жуық оқушысы қатысады деп күтілуде,– дейді Жиенкүл Жәнібекқызы.

         Халықтың өмір сүру сапасын жақсартудағы маңызын әрбір отбасыға жеткізуді мақсат етіп отырған жоба жетекшісіне марапат құтты болсын дейміз.

«Қазығұрт – ақпарат».

Адамды құрметтейік тірісінде

Сейсенбі, 14 Қаңтар 2020 00:00

Ой. Пікір. Ұсыныс.

                      

Өмір адамға бір-ақ рет беріледі. Оны әркім де өз хал-қадірінше   өкінбестей өткізуге күш салады. Мамандық алады, кәсіппен айналысады. Білімі мен тәжірибесін жетілдіреді. Үйлі – баранды болып, ұл-қыз өсіреді. Үй – жай салып, бау – бақша мен төрт түлік түрлерін өсіреді. «Алуан-алуан жүйрік бар, әліне қарай шабады» дегендей, бәрі де артында із қалдыруға әрекеттенеді. Біреудің бағы жанып, тасы өрге домалайды. Ал, екінші біреулердің...

Жә, арғы жағына тереңдемей-ақ қояйық. Себебі, біздің қозғамақ болғанымыз мүлде басқа мәселе. Адамға құрмет, азды-көпті еңбегін  бағалау жайын сөз етпекпіз. Сіңірген еңбегіне қарай адамдар әр түрлі деңгейде марапатқа ілігіп жатады. Қолы қимылдағанның бәріне үлестіре беретіндей марапат шүлен тарату емес. Бірақ, соның бәрі жұрт көңілінен шығатындай әділетті ме? Аудан көлеміндегі   жыл сайын берілетін «Ауданның құрметті азаматы» атағы қашаннан, жылына қанша кісіге   бұйырып жүр? Сол марапатталғандарды елеп-ескерудің жайы қалай?

Белгілі бір   мекемелер мен бірлестіктердің, қоғамдық ұйымдардың   атынан тіркелген   азаматтарды   аудан әкімі електен өткізіп барып, аудандық мәслихат депутаттарының назарына ұсынады. Ол кезекті сессияда талқыланып, шешім қабылданады. Сонымен іс бітіп, ауданның алқалы бір жиынында салтанатты жағдайда   иесіне «Ауданның құрметті азаматы» төсбелгісі тағылып, аты жазылған марапат тапсырылады.

Ең алғаш ауданда жылына   аса лайықты деген 4 азаматқа ғана беру ұйғарылған атақ «біреудің өзі жақсы, біреудің көзі жақсы» дегендей, ықпалды кісілердің бірінің ағасы, бірінің жекжаты болғандықтан   жылына   екі, кейде 7 есеге дейін артық берілді.   «Қалтадан да, бюджеттен де шығын шығып жатқан жоқ. Несіне тарыламыз?» деген жалпақшешейлік бой көрсетті.

Алғашқылардың бірі болып атаққа іліккен мемлекет және қоғам қайраткері, Социалистік Еңбек Ері Егемқұл Тасанбаев ағамыз:

        Құдайға шүкір, мен атақтан да, марапаттан да кенде емеспін. Бірақ,

осылардың ішінде өзім туып-өскен ауданымның   еңбегімді ескергенінің орны мүлде бөлек. Ерекше күйде толқып отырмын, – дей келіп: – Сыйымызды алып, шайымызды ішіп отырып сын айтты демеңдер. Бір-бірімізді мақтап, дәріптеумен бірге ауданды көркейту, экономикасын көтеру жағын да естен шығармайық. «Басқа халық өсіп жатыр ер жетіп, Текке отырған көздің жасын көлдетіп, Қашан кетер біздің елден балалық» деп Сұлтанмахмұт ақын жырлағандай, өзге аудандармен салыстырып қарасақ, ауданымыз бір көш артта келеді. Ойланайық осыны, – деген болатын.

Сол сөз қамшы болып, аудан тізгінін ұстаған азаматтар   ұйқыдан оянғандай серпілген еді. Бітпеген құрылыстарды асарлатып , елдің әр түкпірінде қызмет етіп жүрген қалталы азаматтарды шақырып, акция өткізіліп, бірқыдыру істің басын қайырған еді. Бұл үрдіс әлі де жалғаса түсуі тиіс. Себебі, алға жылжыған сайын өмірдің өзі тың жобалар ұсынары белгілі.

Енді «Ауданның құрметті азаматы» атағын беру жайына қайта оралайық. Біріншіден, мекемелер мен ұйымдар арнайы жалпы жиналысында бұл атаққа кімнің ұсынылатынын талқылап, жалпы жұртшылықтың пікірі есепке алынғаны дұрыс. Екіншіден, бұрын аудан әкімшілігінің жанында марапаттау мәселесін таразылайтын   арнайы комиссия болатын. Енді ол аудандық қоғамдық келісім ұйымына тапсырылыпты. Дұрыс-ақ шығар. Мұнда да, аудан әкімі мен мәслихат сессиясында да   марапатталатындардың жалпы тізімі оқыла салмай, оның әрқайсысы жеке талқыдан өткізіліп барып іріктелгені жөн сияқты.

Аудан әкімшілігі мен аудандық мәслихат   өзге де құзырлы орын өкілдерімен келісе отырып, құрметті атақты жылына қанша адамға беруді заңдастыруы қажет. Бұл марапатқа тек ірілі-кішілі қызметкерлер ғана емес, қатардағы еңбек адамдары, кәсіпкерлер, дихандар мен шаруалар, дәрігерлер мен мұғалімдер арасынан таңдаулыларын іліктіру – әділеттілік. Тәуелсіздік алған   жылдары   ауданды қысқарудан аман алып қалуға атсалысқан, өзі де тапсырылған жұмысын нәтижелі ілгерілеткен, бүгінде зейнеткерлікте жүрген Файзулла Тұрсынов, аудан экономикасын дамытуға үлес қосқан Камал Шаймерденов, Ілияс Сақбаев, Нұралы Әлімбаев, Қалдыбай Сүлейменов, Қанат Балапанов, Сартбай Оспанов, Төлтай Кенжебаевтардың есімдері де   «ауданның құрметті азаматы» қатарын толықтыруға әбден лайық. Қысқасы, адамдарды еңбегіне қарай көзі тірісінде қадірлеу ләзімдігі әрдайым есте болғаны жөн.

Тағы бір ескеретін жай марапатталғандарды   назардан тыс қалдырмай, елеп-ескеру қажеттігі. Ауданның ірі іс-шаралары өткенде арнайы шақыру, ой-пікірлерін жинақтап отыру пайдалы. Әрқайсысының кәсіптік мерекелерінде, туған күнінде қағажу қалдырмай, құттықтап қойса – олардың мерейі өсіп қалары сөзсіз. «Бізді де іздейтұғын жан болса егер, Шаң басқан архивтерден табылармыз» деп Мұқағали ақын жырлағандай, әр адамды шаң басқан архивке жеткізбей, тірісінде қадірлейік, ағайын!

                      Бектай ШЕТЕНОВ,

                   Қазығұрт ауданының құрметті азаматы.