Жуырда Шымкент қаласында жыл сайын ұйымдастырылып келе жатқан ушу-саньда жекпе-жегінен ересектер арасында чемпионат өтті. Оған Қазығұрт ауданынан барған спортшыларымыз Сымбат Асқарова – ІІ, Нұрболат Наушабеков – ІІІ орын иеленіп, спорт шебері атанды.
Сондай-ақ, қазақ күресінен мықтылар түскен сайыста ІІ орынды иеленген Индира Бақтыберлиева (70 кг салмақта) Қазақстан Республикасының кубогын алды.
Қызылорда қаласында самбо күресінен Кеңес Одағының батыры Т.Көмекбаевты еске алуға арналған дәстүрлі халықаралық турнирде Гайбалиев Арапхожа (82 кг салмақта) чемпион атанып, Қазақстан Республикасының спорт шебері нормативін орындады.
Салауатты өмір салтын ұстану – бұл әрбір азаматтың басты міндеті. Жастарымыз бос уақыттарын тиімді пайдалану мақсатында көптеген спорттық үйірмелерге қатысуда. «Шынықсаң шымыр боласың» деген сөзді басты қағидасы ретінде ұстанатын жастардың келешегінен көп үміт күтуге болады.

Асия ДӘУЛЕТБЕК.

Елбасы биылғы жылды «Жастар жылы» деп жариялағаны баршамызға мәлім. Жастар арсында салауатты өмір салтын ұстану, спортқа баулу мақсатында Нұр-Сұлтан қаласында дзюдо күресінен республикалық жарыс өтті.
Аталмыш сайысқа біздің қазығұрттық жерлестеріміз де қатысып, бақ сынасты. Еліміздің түкпір-түкіпірінен келген додада бапкер Ғазиз Тастановтың тәрбиеленушілері ауданымыздың «Болашақ» мектеп-гимназиясының 6-сынып оқушылары Әмірәлі Бексұлтан, Саят Қалмұрзаев, Азизбек Бакиров, Шапағат Ақжол жеңіс тұғырынан көрініп, жүлделі орын алды.
Аудан абыройын асқақтатқан жас спортшыларымыз алдағы уақытта да биік белестерден көрінеді деген сенімдеміз.
Асия СҮЙЕУБЕКОВА.

Жуырда Түркістан қаласында облыстық әдістемелік орталықтың ұйымдастыруымен «Ең үздік әдістемелік басылымдар» тақырыбында пән мұғалімдері, мектеп директорлары, директордың орынбасарлары, әдіскерлер, әдістемелік кабинет меңгерушілері арасында байқау өтті.
Байқаудың мақсаты – педагогтердің шығармашылық және кәсіби өсуін ынталандыру, озық тәжірбиелерін жинақтау және тарату.
Осы байқауға өз салалары бойынша қатысқан Қазығұрт аудандық білім бөлімінің әдістемелік кабинет меңгерушісі – Ақтолқын Шерова әдістемелік құрал бағыты бойынша жүлделі – І орын иеленсе, Абай (Жігерген) атындағы жалпы орта білім беретін мектебі директорының орынбасары Тәкен Айтбаев әдістемелік нұсқаулық бағыты бойынша жүлделі – ІІ орын иеленді. Әріптестеріміз арнайы сыйлықтармен марапатталды.
Ауданымыздағы білім саласының өсіп-өркендеуіне үлес қосып келе жатқан мәртебелі мамандық иелеріне шәкірт тәрбиелеуде бақтарыңыз жансын дегім келеді.

Нұрлан АБИЛОВ,
аудандық білім бөлімінің әдіскері.

ЖЕРЛЕСІМІЗ ЖЕҢІСКЕ ЖЕТТІ!

Жұма, 05 Сәуір 2019 00:00

Бәрекелді!

 

Дзюдожапондардың ұлттық  ойыны. Осы көне спорт түрлеріне бүгінде көп көңіл бөлініп келеді. Жуырда жас дзю-дошылар арасында облыстық ашық турнир өтіп, оған Қызылорда, Жамбыл, Түркістан облыстарынан жасөспірімдер қатысты.

Кіл мықтылардың арасынан бабы мен бағы келіскен жерлесіміз «Болашақ» мектеп гимназиясының 6 «а» сынып оқушысы Әмірәлі Бексұлтан I орын иегері атанды.

Бексұлтанды аталмыш додаға дайындаған жаттықтырушысы Ғазиз Тастанов: «Бексұлтан – болашағынан көп үміт күттіретін бала. Сабақ үлгерімі жақсы. Өзіне берілген тапсырмалар мен жаттығуларды жоғары деңгейде орындайды. Алдағы уақытта да сенімімізді ақтайды деген ойдамыз», – дейді шәкірті жайлы.

Бексұлтанға барша спорт сүйер қауым атынан құтты болсын дей келе, алдағы додаларда бұдан да үлкен жетістіктерге жете беруіне тілектеспіз.

Ғ.ТІЛЕУБЕРГЕН.

Күрес залы ашылды

Жұма, 08 Ақпан 2019 00:00

Игі іс

302

Жуырда А.Оразбаева атындағы жалпы білім беретін мектепте Елбасының «Болашаққа бағдар: рухани жаңғыру» бағдарламасы аясында және балалар мен жасөспірімдерді салауатты өмір салтын ұстану мақсатында Нұртай Қуанышбекұлы, Мұхит Каюмов, Марат Құралұлы, Серікбай Тойшиев, Бақыт Досанбаев, Нұрбол Тастанов, Әбдіғаппар Ережепов, Сапарғали Көмекбаев, Ғабит Исахов секілді азаматтардың демеушілігімен күрес залына қажетті құрал-жабдықтар сатып алынып, пайдалануға берілді.

Ашылу салтанатына Қарабау ауыл әкімдігі ардагерлер Кеңесінің төрағасы Бөрібай Досанбаев, аудандық мәслихат депутаты Бижігіт Қалдаров, ауыл ақсақалы Сайділла Болатбаев, облыстық кәсіподақтар комитетінің төрағасы Барлыбай Қуандықов, ардагер ұстаз Керімбай Тұрлыбеков, «Абзал» балабақшасының меңгерушісі Сәуле Тілеубаева қатысты. Жиынға қатысқан азаматтар барлығы сөз алып, демеушілерге алғысын айтып, батасын берді. Облыстық кәсіподақтар комитетінің төрағасы Барлыбай Қуандықов Қарабау ауылының тұрғыны Айту ақсақалдың біздің мектепте басшылық қызметтін атқарған кездегі еліміздің өсіп-өркендеуіне, жас жеткіншектердің сапалы білім алуларына қосқан еңбегін ескеріп «Алғыс хатпен» марапаттады. Аудандық мәслихаттың депутаты Қалдаров Бижігіттен Сәуле Тілеубаева тұлға боларлықтай азаматша екенін ескеріп ауданның Құрметті азаматшасы атағына ұсынуды сұрады.

Ғабит ИСАХОВ,

А.Оразбаева атындағы жалпы білім беретін

мектептің ұйымдастырушы педагогы

Айна ӘЛІБЕК,

қосымша білім беру педагогы.

Волейболдан турнир болып өтті

Дүйсенбі, 24 Желтоқсан 2018 00:00

2e389fca-c5fa-438b-bf67-f09f320037b8

Кіші футболдан жарыс өтті

Дүйсенбі, 12 Қараша 2018 00:00

56569

Қазығұрт ауданына 90 жыл

кокпар 1

Футбол турнирі өтті

Дүйсенбі, 29 Қазан 2018 00:00

44444

       

Қазығұрт ауданы әкімінің жүлдесі үшін өтіп жатқан футбол турнирі өз мəресіне жетті. Тартысты бəсекеде «Жаңабазар» командасы – І, «Рабат» командасы – ІІ, «Қазығұрт» командасы ІІІ – орынды иеленді. Жеңіске жеткен жаңабазарлықтарға – 150 мың, рабаттықтарға – 100 мың, қазығұрттықтарға – 50 мың теңгенің сертификаты мен кубокпен, аудан әкімінің дипломымен марапатталды. Сондай-ақ, үздік ойыншылар мен үздік төрешілерге де құрмет көрсетіліп, қаржылай сыйлықтар табыс етілді.

Ойыншыларға жеңіс құтты болсын дегіміз келеді.

Бекжан ОРЫНБАСАР,

аудандық дене шынықтыру және спорт

бөлімінің бас маманы.

Мерейлері үстем болды

Дүйсенбі, 17 Қырқүйек 2018 00:00

Аудан әкімінің жүлдесі

 

Спорттың бұқаралығын арттыру, жұртшылық арасында саламатты өмір салтын насихаттау мақсатын діттеген футболдан аудан біріншілігінің VII-тур ойындары өтті. Көш басындағы командалар жасыл алаңда кезекті жеңіске жетіп, мерейлері үстем болды.

Футболдан Қазығұрт ауданы біріншілігінің VII -турдан кейінгі ойын кестесі

Команда атауы

Ойыны

Ұтыс

Тең

Ұтылыс

Доп айырмасы

Ұпайы

1

Жаңабазар

7

6

1

 

23-3

19

2

Қазығұрт-1

7

6

1

 

20-4

19

3

Заңғар «Рабат

7

5

2

 

23-5

17

4

Қызылқия

7

4

2

1

18-5

14

5

Қазығұрт-2

7

3

 

4

14-19

9

6

Қарабау

7

3

 

4

7-13

9

7

Шарапхана

7

2

2

3

10-9

8

8

Алтынтөбе

7

2

2

3

10-13

8

9

Шарбұлақ

7

2

2

3

10-16

8

10

Ардагер

7

 

2

5

6-18

2

11

Тұрбат

7

 

2

5

3-21

2

12

Жігерген

7

 

2

5

2-20

2

VІІ-турдың ойын нәтижелері төмендегіше:

«Қазығұрт-1» – «Шарапхана»1 – 0,              «Қазығұрт-2» – «Тұрбат»4 – 2,

«Жаңабазар» – «Шарбұлақ» 3 – 0,                   Заңғар «Рабат» – «Қарабау» 2 – 0,

«Алтынтөбе» – «Жігерген» 3 – 0,                     «Ардагер» – «Қызылқия» 0 – 3.

VІІІ-турдың алғашқы ойынын 15-қыркүйек сенбі күні сағат 16:00-де «Жігерген» – «Шарапхана», сағат 17:00-да «Қазығұрт-2» – «Алтынтөбе», «Жаңабазар» – «Ардагер»

командалары кешкі сағат 18:00-да бастайды.

Ал, жексенбі 16-қыркүйек күні сағат 16:00-де Заңғар «Рабат» – «Шарбұлақ», сағат 17:00-де «Қазығұрт-1» – «Қызылқия», сағат 18:00-де «Тұрбат» – «Қарабау» командалары өзара тартысқа түседі.

        Құрметті футбол сүйер қауым, жоғарыдағы командаларды қолдауға стадионға жиналайық!  

Б.ОРЫНБАСАР,

аудандық дене шынықтыру

және спорт бөлімінің бас маманы.