2014-жылы 26-желтоқсанда Елбасы Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын бекітті. Стратегияда мемлекеттің алдағы жылдарға арналған сыбайлас жемқорлыққа қарсы саясаттың негізгі бағыттары көрсетілген және сыбайлас жемқорлықтың алғышарттарын, оны тудыратын себептері мен жағдайларын жою, оның деңгейін қысқартуға ықпал ететін кешенді шараларын қамтиды. Стратегияда еліміздегі сыбайлас жемқорлыққа қарсы күрестің ахуалына талдау жасалған, сыбайлас жемқорлық көріністеріне ықпал ететін негізгі факторлар сипатталған, оларды жою жөніндегі тәсілдер мен басым шаралар, стратегияны іске асыру тетіктері көрсетілген. Стратегияны іске асыру нәтижесі халыққа мемлекеттік көрсетілетін қызметтердің сапасын, мемлекет институттарына қоғамның сенімін, азаматтардың құқықтық сауаты мен сыбайлас жемқорлыққа қарсы күрес мәдениеті деңгейін көтеру, сондай-ақ, еліміздің халықаралық рейтінгін жақсарту шаралары қаралған. Мәңгілік Ел болу идеясын іске асырудағы бірден-бір шаралардың қатарына да сыбайлас жемқорлықпен күресті жатқызуға болады. Сондықтан, бүгінгі таңда сыбайлас жемқорлықпен күрес жалпы барша халықтың борышы екенін атап көрсетіп, жемқорлыққа қарсы күрес жан-жақты, үздіксіз, ашық әрі әділетті түрде жүргізілуі тиіс. Біз сонда ғана алға қойған биік мақсаттарға қол жеткізе аламыз және қоғамды жегідей жеп жатқан қауіпті індетпен көп болып күресуіміз  қажет.

Тарихы тереңнен бастау алған сыбайлас жемқорлық бүгінде бүкіл әлем қоғамдастығына қауіп төндіріп отыр. Біздің республикамызда да бұл мәселеге қарсы күрес шаралары тәуелсіздік алған сәттен бастап, мемлекеттің бірінші кезектегі міндетіне айналды. Қазіргі таңда қоғамымызға қауіп төндіріп, орасан кесел келтіретін осынау келеңсіз әлеуметтік құбылысқа қарсы шаралар қатаң қолға алынып жатыр.

Елімізде жемқорлықпен және ұйымдасқан қылмыспен күресті күшейту шараларына орай «Сыбайлас жемқорлыққа қарсы күрес туралы», «Мемлекеттік қызмет туралы» арнайы Заңдар қабылданған. Жемқорлықпен күрес арнайы дайындалған мемлекеттік бағдарлама негізінде жүзеге асырылуда. Елбасымыз алға қойған міндеттерді іске асыру, сондай-ақ, сыбайлас жемқорлыққа қарсы күрес саласындағы барлық мүдделі күштердің бірлесіп жұмыс істеуі, елімізді өркендетуге және азаматтарымыздың әл-ауқатын арттыруға мүмкіндік береді. Міне, осы бағдарламаны Қазақстан азаматтарының санасына сіңдіру қазынашылық саласында қызмет етіп жүрген әр маманның да негізгі міндеті болып жүктелген. Жемқорлықтың кез-келген көрінісіне төзбеушілікті табанды түрде санаға сіңдіру мақсатында, ұжымда да іс-шаралар жиі өткізіліп отырады. Қазақстанның әр азаматы өзінің өмірдегі мұратына жету үшін, сыбайлас жемқорлыққа жол бермеу керек деп ойлаймын.     Елбасымыздың өзі тізгінін ұстап отырған еліміздің басты стратегияларының бірі – «Мәңгілі ел» ұлттық идеясы, осы «Мәңгілік елдің» тәуелсіздігін сақтау – біздің басты борышымыз. «Қазақстан халқының әл-ауқатын арттыру – мемлекеттік саясаттың басты мақсаты» атты Қазақстан Республикасының Президентінің Қазақстан халқына Жолдауында «демократиялық қоғам жағдайында қылмыс пен сыбайлас жемқорлыққа қарсы күрес ерекше мәнге ие болады» деп атап көрсетті. Яғни, бұл мемлекеттің осы жағымсыз құбылысты жою бағытындағы кешенді және жүйелі күрес жүргізу саясаты жанданып, әрі қарай жалғасын табады деген сөз. Бұрынғы өткен ата-бабаларымыздың әділдік пен турашылдықты ту еткендігін ғасыр қайраткерлері Төле би, Қазыбек би, Әйтеке би және тағы да басқа біртуар билер мен шешендердің өмірі дәлел болатындығын біз тарихтан жақсы білеміз. Олардың «тура биде туған жоқ, туғанды биде иман жоқ» деген сөздері бекер айтылмаған.

Нұржан Төлейов,

Қазығұрт аудандық қазынашылық

басқармасының басшысы

 

   «Жер қойнауы және жер қойнауын пайдалану туралы» Заңы – жер қойнауын пайдалану саласындағы қоғамдық қатынастарды реттейді және Қазақстан Республикасының мүдделерін қорғауға, жер қойнауын ұтымды әрі кешенді зерттеу мен пайдалануға бағытталған.

Заңсыз жер қойнауын пайдалану – өзендердің су қорғау аймақтарында, орман және ауыл шаруашылығы жерлерінде жүргізіліп жатқандықтан, құқық бұзушылардың мұндай іс-әрекеттері тек мемлекеттің материалдық мүддесіне ғана емес, жергілікті аймақтың экологиялық қауіпсіздігіне де теріс әсерін тигізуде. Осыған байланысты, Қазығұрт ауданының әкімі Т.Телғараевтың «Аудан, ауыл, елдімекен аумағында жер қойнауын өз бетінше пайдалануға тосқауыл қою туралы» іс-шара бекітілген болатын. Заңсыз жер қойнауын пайдалануды тоқтату мақсатында әр ауыл округтерінде жер қойнауын пайдалануға мүмкіндік беретін техникаларға ескертулер беріліп кезекшілік ұйымдастырылған. Заңсыз жер қойнауын пайдаланған жағдайда Қазақстан Республикасының Әкімшілік Кодексінің 334-бабымен жазаланады.

   Құрметті, ауыл округі тұрғындары! Заң бұзушылыққа жол бермей, бірге күресейік!

Н.АЛИЕВ,

Қ.Әбдәлиев ауылдық

округі әкімінің орынбасары.

Мал ұрлығының алдын алайық!

Жұма, 08 Ақпан 2019 00:00

                           

        Дана халқымыз ұрлықтың қаншалықты жаман іс екені, оның артының жақсы болмайтынын, қаншама адамға зиянын  игізетінін әлдеқашан білген. Кісінің затын ұрлау арқылы өз абыройыңды ғана жоғалтып қоймай, дүйім жұртыңа, сондай-ақ, артыңдағы әулетің мен тәрбиелеп отырған ұрпағыңа өшпес күйе жағасың. «Ұрлық түбі – қорлық» деген бабаларымыз ұрының екі дүниеде де қор болатынын осындай бір ауыз сөзбен жеткізсе керек. Расында да, ертеден халқымыздың тіршілік көзіне айналған төрт түлік – қарапайым қазақ үшін қадірлі. Қорасындағы малынан көз жазып қалған жұрттың қамығатыны сондықтан. «Қазақтың міні – мал ұрлығы» деген Абай атамыздың сөзі әлі де өзектілігін жоя қоймағанына көзіміз жете түсуде.

Мал ұрлығына қарсы күрес жүргізу үшін қолға алынған шаралар баршылық. Бірақ, оның көбі мал ұрлығының азаюына ықпал етіп жатқан жоқ. 

       Қазіргі таңда аудандық ішкі істер бөлімінің жауапты мамандары тарапынан өздерінің қызмет атқаратын ауыл әкімшіліктерінде халық арасында жайылымдағы қараусыз жүрген мал ұрлығын алдын алуда мақсатында мал бағытын падашыларды жалдау немесе өздері малдарын бағулары туралы түсіндірме жұмыстары жүргізілуде.

Е.ТҰРЛЫБЕКОВ,

аудандық полиция бөлімі

бастығының қызмет жөніндегі орынбасары.

Мақсат – жемқорлықтың алдын алу

Дүйсенбі, 04 Ақпан 2019 00:00

0222

ҚР «Сыбайлас жемқорлыққа қарсы күрес туралы» Заңында: «Барлық мемлекеттік органдар мен лауазымды адамдар өз құзыреті шегінде сыбайлас жемқорлыққа қарсы күрес жүргізуге міндетті. Мемлекеттік органдардың басшылары не жауапты хатшылары немесе Қазақстан Республикасының Президенті айқындайтын өзге де лауазымды адамдары, ұйымдардың, жергілікті өзін-өзі басқару органдарының басшылары өз құзыреті шегінде осы Заңның талаптарын орындауды және онда көзделген тәртіптік шараларды қолдануды, кадр, бақылау, заң қызметкері мен басқа да қызметтерді осыған тарта отырып, қамтамасыз етеді. Сыбайлас жемқорлықпен құқық бұзушылықтарды анықтау жолын кесуді, алдын алуды және олардың жасалуына айыпты адамдарды жауапқа тартуды өз құзыреті шегінде прокуратура, ұлттық қауіпсіздік, ішкі істер, салық кеден және шекара қызметтері, қаржы полициясы мен әскери полиция органдары жүзеге асырады» делінген.

Ауданымыздағы мекемелерде тексерулер жүргізіліп, тексеру қорытындысы бойынша анықталған кемшіліктерге құқық қорғау органдарына шара көру жайлы ұсыныстар жөнелтілді.

Сонымен қатар мемлекеттік лауазымға ие не соларға теңестірілген міндеттерді атқаруға байланысты лауазымды кандиттар болып табылатын адамдар тұрғылықты жері бойынша салық органына табыстары туралы мәлімдеме; салық салу обьектісі болып табылатын, оның ішінде ҚР аумағынан тыс жерлерде орналасқан мүлік туралы аталған мүліктің бағаланған құны мен тұрған жері көрсетілген мәлімдеме; банк мекемесін көрсете отырып, банк мкемелеріндегі, соның ішінде ҚР аумағынан тыс жерлердегі салымдары мен бағалы қағаздары туралы, сондай-ақ осы адамдар дербес немесе басқа адамдармен бірлесіп билік етуге хақылы ақша қаражаты туралы; заңды тұлғалардың жарғылық капиталындағы қатысу үлесі мен аталған ұйымдардың толық банк және өзге де реквизиттерін көрсете отырып, акционері немесе құрылтайшысы (қатысушы) ретінде өзінің тікелей немсе жанама қатысуы туралы; адамға немесе оның жұбайына (зайыбына) тиесілі айлық есептік көрсеткіштің мың еселенген мөлшерінен асатын мөлшердегі материалдық заттар мен ақша қаражатын ұстау немсе уақытша сақтау жөніндегі онымен шарттық қатынастары, келісімдері және міндеттемелерді (оның ішінде ауызша да) бар басқа ұйымдардың атаулары мен реквизиттері туралы толық мәліметтер табыс етуге тиіс.

М.НАРЫМБЕТОВ,

Есептеу, талдау және ақпаратты технологиялар  

бөлімінің бас маманы.

 

         Ауданы әкімі Т.Телғараевтың «Аудан, ауыл, елдімекен аумағында жер қойнауын өз бетінше пайдалануға тосқауыл қою туралы» іс-шара бекітілген болатын. Онда:

       Қазақстан Республикасының Қылмыстық Кодексінің 334-бабы, яғни «Жер қойнауын өз бетінше пайдалану» бойынша;

      1. Жер қойнауын өз бетінше пайдалану, сол сияқты пайдалы қазбаларды өз бетінше өндіру, егер, бұл іс-әрекеттер ірі залал келтірсе, белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып немесе онсыз, бес жүз айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не үш жүз сағатқа дейінгі мерзімге қоғамдық жұмыстарға тартуға не тоқсан тәулікке дейінгі мерзімге қамаққа алуға жазаланады.

      2. Аса ірі залал келтіруге әкеп соққан дәл сол іс-әрекеттер – белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейiнгi мерзiмге айыра отырып немесе онсыз, үш мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не үш жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.

      3. Осы баптың бірінші немесе екінші бөліктерінде көзделген, қылмыстық топ жасаған іс-әрекеттер бес жылға дейінгі мерзімге бас бостандығынан айыруға жазаланады.

     Құрметті, ауыл округі тұрғындары! Заң бұзушылыққа қарсы тұрып, бірге күресейік!

Б.БАЛГАНОВ,

             Жаңабазар ауыл округі әкімі

аппаратының бас маман-заңгері.

                                     Маман ескертеді

c4de9fe96832a877668d0dced80657b8


     Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады. Өйткені, сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді, демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді.
   Елбасы өзінің «Қазақстан-2050» стратегиясында дамыған мемлекеттің жаңа саяси басымдықтарының бірі ретінде сыбайлас жемқорлықпен күресті атап көрсетті. Қазақстан Президенті сыбайлас жемқорлықпен күрес туралы айтқанда, қоғамның көмегінсіз жемқорлықты жеңу мүмкін еместігін бірнеше рет атап өтті.  Қоғамның қабілеттілігі, оның ішінде жастарды бақылау, мемлекеттік шенеуніктердің жемқорлық әрекеттерін анықтау және болдырмау жергілікті мәселелерді зерттеудің арқасында артады. Сыбайлас жемқорлықпен күресу үшін қоғамның барлық жігінің жүйелі түрдегі күш-жігері қажет.

       Қазақстан Республикасының «Сыбайлас жемқорлыққа қарсы күрес туралы» заңында сыбайлас жемқорлыққа мынадай анықтама берілген. Бұл – «мемлекеттiк мiндеттердi атқаратын адамдардың, сондай-ақ, соларға теңестiрiлген адамдардың лауазымдық өкiлеттiгiн және соған байланысты мүмкiндiктерiн пайдалана отырып, не мүлiктiк пайда алу үшiн олардың өз өкiлеттiктерiн өзгеше пайдалануы, жеке өзi немесе делдалдар арқылы заңда көзделмеген мүлiктiк игiлiктер мен артықшылықтар алуы, сол сияқты бұл адамдарға жеке және заңды тұлғалардың аталған игiлiктер мен артықшылықтарды құқыққа қарсы беруi арқылы оларды сатып алуы», – деген. Ал, БҰҰ-ның құжаттарында қолданылатын жемқорлық терминінің халықаралық-саяси анықтамасы мынадай деп берілген: сыбайлас жемқорлық – бұл мемлекеттік билікті жеке бас пайдасы үшін, үшінші бір тұлғалар мен топтардың мақсаты үшін асыра пайдалану.

 Б.ТУЛЕЕВ,

Қарақозы Әбдалиев ауылдық округі

әкімі аппаратының бас маман-заңгері.

Шыршаны сатуға тиым салынады!

Дүйсенбі, 10 Желтоқсан 2018 00:00

Оқырман назарына!

17203